هوانا طماع؟

**محمد البحيري** · 10-07-2007 01:14 PM

انا الحمد لله اقتنعت بالهوندا السيفيك لحد كبير بس السوبارو امبريزا دخلت معاها في المنافسه ولا ايه رايكو؟

**محمد البحيري** · 10-07-2007 01:19 PM

انا كنت فكرت في التيريوس بس قالولي ان ثباتها مش حلو وكده السيفيك والامبريزا يكسبو
بس في نقطه تانيه الي هي قطع الغيار فلو حد عنده فكره يقولنا

**إسلام شاهين** · 10-07-2007 01:26 PM

الإمبريزا سعر إعادة البيع مفيييييييييييييش خالص أما السيفك فحدث ولا حرج .

**محمدايهاب** · 10-07-2007 03:07 PM

أنا رأي السيفيك بس لو أنت عاوز توفر شوية يبقى التويوتا أو اللانسر ( بس أنا أفضل التويوتا كورولا ) ناعمة و قطع غيارها متوفرة

**معاذ الشرباصى** · 10-07-2007 03:57 PM

السوبارو ممتازة, و امان عالى جدا و ثبات اكتر من رائع

العربية هينزل الشكل الجديد منها بموتور جديد فى اغسطس

خش على منتدى السوبارو و شوف شكلها, لو عجبك استنى

و كان الزملاء هناك بيقولوا ان السعر مش هيتغير

بعدين قطع غيار السوبارو ارخص بكتير من الهوندا, ده غير ان صاجها جامد جدا

**معاذ الشرباصى** · 10-07-2007 06:31 PM

ده لينك الموضوع
http://www.nilemotors.net/Forum/viewtopic.php?t=2417

اللى هتنزل جديدة فى اغسطس هى الهاتشباك

و السيدان فى يناير

**محمد ابراهيم 1** · 10-07-2007 06:41 PM

هوانا طماع ؟؟؟؟؟؟؟ لأ
هوانا سيفيك

**hero** · 10-07-2007 08:04 PM

متهيألي لو جبت كورولا 1600...هاتبقي احسن من السيفيك...زمش علشان انها بتسحب اسرع او الكلام دة...لا علشان هاتشتري عربية فيها المواصفات الاتية:

1-عربية عملية وعمرها ما هاتكسفك في اي وقت ..
2- عفشة مريحة جدددااااا وناعمة جدااا وفي نفس الوقت اثبتت وجودها في مطبات بلدنا ..
3- سعر اعادة بيع ممتاز..
4-بريستيج عالي جدااا
5-الموتور الـ 1600 متهيألي هايسحب معاك زي مانت عايز...
6- العربية دي ...واخدة السيارة الاولي مبيعا في العالم والاكثر اعتمادية في فئتها لاكتر من 6 سنين ويمكن اكتر ...

7-قطع غيار في كل مكان ....وسعرها ارخص من السيفيك ..
8- توكيل يعتبر الاول في مصر...

يعيبها حكاية الثبات ايلي كل الناس بتتكلم عليها .....بس انا متهيألي برضة ان الناس مش هاتجري فوق الـ 160 طول اليوم ...يعني السرعه في مصر...والطرق بمطباتها اخرها 130 وبرضة مش لفترة كبيرة....واعتقد ان دة مش سبب جوهري ان الواحد يخرج عربية بالموصافات دي علشان خاطر انها مش ثابتة بعد 150 او 160....

وفي الاول وفي الاخر ...هي مسألة ازواق ...ورغبات ...ولولا اختلاف الاراء لبارت السلع...

ربنا يوفقك الي ما فية الخير ...

**omar_megane** · 10-07-2007 10:58 PM

السلام عليكم ورحمة الله وبركاته
بصراحة السيفيك فعلا افضل اختيار فى الفئة دى
لو حنتكلم على البرستيج فالعربية لحد ما نادرة وبالحجز
الثبات افضل من اليابانى كلهم
السحب من افضل المواتير ال1600 ان لم يكن الافضل (لوجود عربيات زى المينى كوبرS)
الراحة الداخلية ممتازة و تابلوه ماشاءالله منظم و السرعة بالأرقام والالوان تحفة (بس دى أراء)
العربية نازلة بموديل واحد Full options وان كان ينقصها جنوط و فتحة سقف و فرش جلد بس فى عربيات كتير مابتنزلش بيهم ومع ذلك مبالغ فى سعرها (الباسات و الاوكتافيا)
الصاج جيد الى حد ما بس برده مش صخر يعنى فى مستوى العربيات اليابانى التانية
بالنسبة لقطع الغيار انا معرفش عنها حاجة لسة بس هى اغلى من التويوتا و السوبارو وارخص من فولكس فاجن و رينو و التوكيل محترمين جدا
و اهم حاجة ان فى كل دول العالم الناس مجمعة ان هوندا افضل سيارة يابانى حتى امريكا اللى هيا اكبر سوق لتويوتا عندهم الهوندا اغلى وافضل بكتير و فرق السعر لو حسبته حتلاقيه يساوى اكنر من ال10 الاف الفرق بينهم هنا
العربية لغاية دلوقتى الحمدلله ما حكتش فى اى مطب بس الحق يقال انا ما جربتش المطبات الضخمة يعنى اخرى مطبات نادى سبوتنج وان كانت هناك سيارات بتحك فيهم
انا مش حتكلم على durability علشان دا يعتمد على الاستخدام بس العربية المفروض مايتغيرلهاش بوجيهات قبل 100 الف كيلو وهية جنزير مش سير تقسيمة وكمان انا اعرف ناس عندهم هوندا 92 و ماشتكوش منها خالص
بالنسبة لاستهلاك البنزين انا لسة ماحسبتوش بس عامة الموتور I-Vtec وده تكنولوجى متخصصة فى توفير استهلاك البنزين مع توفير الاداء الجيد
بالنسبة Resale value فهى لسة بالحجز و كان فى واحد فى الاهرام بيبيعها و زود 3 الاف على سعرها
انا انصح اى حد متردد يتوكل على الله وان شاء الله العربية مش حتخذله كفاية انها يابانى 100%

**Ahmed Hassan** · 10-07-2007 11:02 PM

المشاركة الأصلية كتبت بواسطة إسلام شاهين

الإمبريزا سعر إعادة البيع مفيييييييييييييش خالص أما السيفك فحدث ولا حرج .

يا جماعه انا من متابعتي لأسعار الامبريزا المستعمله لقيت ان سعر اعاده البيه لها في نفس رينج العربيات اليابانيه.. ممكن اللي عايز يتاكد يشعمل بحث في www.contactcars.com و wwwsimsarmisr.com هيه ممكن تاخد وقت اطول من الكورولا او الانسر في البع.. لأن العربيه ليها زباين معينيين.

المعلومع التانيه اللي احب اصلحها هيه ان الامبريزا خلوصها (ارتفاعها عن الارض) مش قليل ولا حاجه (15 سم) و ده الرينج الموجود في معظم العربيات