ان شاء الله حركب باور ستيرنج للفليشا 2000 فارجوا من الاخوه الافاضل ان من لديه اي معلومة عن رسم كروكي او مخطط توضيحي يشرح طريقة التركيب ومكان كل حاجة
عرض للطباعة
ان شاء الله حركب باور ستيرنج للفليشا 2000 فارجوا من الاخوه الافاضل ان من لديه اي معلومة عن رسم كروكي او مخطط توضيحي يشرح طريقة التركيب ومكان كل حاجة
ايه يا جدعان 17 مشاهدة ولايوجد حتي تعليق
هو في منها موديات بتزل باور ؟
الموضوع مش سهل لازم تشترى نظام الباور كامل وده مش حتلاقيه متوفر فى الأستعمال وعاوز صنيعى شاطر وطبعا حضرتك عارف الصنيعية البهايم اللى موجودين
انا لما قريت الموضوع افتكرت انك عامل دراسة ليه وحتركب الباور فعلا عموما دريكسيون الفليشيا خفيف باللغة السوق 1/2 باور ومش محتاج انك تركب باور الموضوع كله يتلخص فى بطاحات المانى كويسة واسكترا اصلى تشيكى وكاوتش نوع محترم طرى زى البريدجستون او التويو او اليوكوهاما وبتلاقى الدركسيون ملبن وربنا يوفقك !!!
انا فعلا سوف اشتري نظام ( مجموعة الباور ) كاملة وهو موجود بالفعل وانا شوفته بنفسي كان في نوصفين استيراد واحد البائع افرغه من محتوياته والثاني لسة بحالته يعني الحوض بمحتوياته زي ماهو وسالت تجار غيره وهم موجدين بمنطقة السيوف
القصة وما فيها تروح لتاجر استيراد يجيبلك سيستم الباور كامل (طرمبة .خزان .السكترا بالخراطيم . قطمة بالصليبة علشان اختلاف السن من خشن لناعم "بس اتاكد كويس جدا من الحكاية دى لانى شاكك " ) وكله متوفر المهم العفشجى الصح اللى يركبهولك ودى شوية صور للموضوع من واحد برا مصر
http://i86.photobucket.com/albums/k9...m/100_0510.jpg
http://i86.photobucket.com/albums/k9...m/100_0523.jpg
http://i86.photobucket.com/albums/k9...m/100_0528.jpg
http://i86.photobucket.com/albums/k9...m/100_0534.jpg
المهم خد الصور دى وطابق القطع اللى تاخدها من التاجر بالحاجات دى وربنا يوفقك
ياريت بقى متنسناش بتقرير حلو كده لما تركب الحاجة ان شاء الله
الصور و الموضوع تمام
بس ناقص خزنة الزيت اوعى تنساها
بالتوفيق و منتظرين التقرير المدعم بالصور
ربك المستعان
اللي ناقص في الصور طلمبة الباور وليس خزان الزيت خزانة الزيت بغطاء اخضر بمقدمة العربية بجوار قربة المساحات وبالنسبة لطلمبة الباور انا ذهبت لعفشجي كنت اتصلت به اليوم لاوضح له ان الاسكترا عندي رايحة في داهية علي كلام الصنيعية وان كدة كدة ححل وتكلفة حشو وكوتش اسكترا وشحم ومصنعية وقلت له ايه رايك عاوز اركب باور ليك في الموضوع ده قال ليا بس لازم اشوف العربية تستاهل باور ولا لأ قلت ماشي ولما رجعت من الشغل روحت له فتحت الكبوت وبص علي الموتور وقالي لا مش ح ينفع معايا علشان مفيش مكان لطلمبة الباور تعالي يوم الاثنين ونخلي مش عارف الاسطي مين بتاع بور جنبي هنا يشوفلك الموضوع محتاج ايه قلت له ماش وربنا يسهل وانا باشكرك للمرة الثانية هذا اليوم للاهتمام
اليوم بعد الرجوع من العمل ذهبت الي حماده العفشجي علي اساس الاتفاق الاول انه حيخلي الاسطي الذي سوف يركب البور يشوف القصة ايه المهم الرجل بص علي المتور وقال لي ان في قاعدة لازم تكون موجودة علشان طلمبة البور والتركيب يكلف 300 جنية غير اجرة الكهربائي والزيت لانه قال ان لازم كهربائي علشان يفك الدينامو كمبوروسرالتكييف اريد ان اعرف رأيكم في السعر ده قبل الموافقة وياتري الزيت بكام والكهربائي اجرته كام ارجوا الافادة
اريد معرفة مصنعية تركيب الباور لفليشيا
معلش سؤال اية هدفك من تركيب سكترا باور للفليشيا ؟؟؟
دركسيون الفليشيا خفيف جدا
مشاكل الأسكترا الباور وخصوصا انك شاريها استعمال وملهاش قطع غيار فى مصر
خليك فى الأسكترا العادية ولو الدركسيون عندك تقيل اشرحلنا مشكلته ممكن نساعدك وبراحتك ؟؟؟
الاخ صدام كان قال على صنايعى تقريباً فى العتبه مشهور بموضوع الباور
القصة دى مااعرفش اجرتها كام بس هو المفروض مكان الطرمبة موجود بس ها يخرم لها عشان يثبتها " زى تركيب الطرمبة العادة بتاعت البنزين للمكن الانجكشن بينزل المكنة ويخرم للطرمبة ويركبها بس الصنايعى ده اجرته غالية لانه مش هاينزل المكنة من مكانها دا هيفك الوش اللى راكب فيه الطرمبة بتاع المياه والاسبراتير والحاجات دى ويخرجه ويخرم للطرمبة ................. مش عارف بس فى ريحة هجص من رايى تروحله تانى وتشوف هوعايز يعمل ايه بالظبط وتقرر ................بس على فكرة مافيش حاجة للكهربائى لان فك الدينامو مش شغلانة وياريت تستنى افادة الناس هنا بصنايعى باور محترم
ياريت تروح لتاجر استيراد تشوف الطرمبة دى بتركب ازاى لان انا مش متاكد من اللى انا قولته يمكن تكون بقاعدة لوحدها برة .........اكل اللى اقولته استنتاج من كلام الصنايعى افياريت تتاكد قبل اى حاجة