استفسار عن الكاوتش الهانكوك md

**ibnmoaz** · 26-12-2013 07:41 PM

شباب عايز رايكو في حاجه ؟ انا عربيتي النتراmd2012 انا استلمت اغسطس 2011 وعامل دلوقتى 61000 كلم والحمد لله ...امعروض عليا كاوتش هانكوك نفس الموديل و النقشه اللي كانت فيها بس انتاج شهر 6/2013 وبسعر 470 جنيه للفرده ..... ايه رايكو وبصراحه الكاوتش ده اصيل معملش معايا اي نقص قبل كده وطري وزي الفل بس عيبه الوحيد بيسفف زلط سف السنين زهو علي فكره كوري اﻻصلي .........افيدوني افادكم الله ...وشكرا
ويا ريت اﻻخ بتاع عزيزي المواطن و دمتم للنضال يشاركنا هبقي مبسوط جدا

**Hacker5** · 26-12-2013 08:13 PM

هات اليوكوهاما احسن من الهانكوك الف مرة

**mummy_47** · 26-12-2013 08:45 PM

بص هو الهانكوك كويس من حيث السعر يعني وسط .....لكن انت عربيتك جديدة فمستخسرش فيها بريدجستون تورانزا ياباني يعني الفرق حوالي 200 ج عن الهانكوم بس هيفرق معك في الاتنزان والثبات والسرعة
وفي انتظار راي العضو(عزيزي المواطن ودمتم للنضال) دمه خفيف جدا وبحب مشاراكاته ...

**Samir Elshahawy** · 27-12-2013 08:42 PM

أطارات هانكوك بسيارات هيونداي ألنترا md هي kenergy eco و هي ذات نقشة خاصة و متميزة
أهم مميزاتها :
- تماسك عالي بالطريق خاصةمع وجود أمطار و مياه علي الطريق أو رمال
- اداء جيد للفرامل مع هذا الاطار
- معدل تأكل بطئ
- عدم التشقق حتي بعد قطع مسافة 55,000 كم

و هذا من خلال تجربتي معاه من خلال قطع مسافة 55,000 كم معظمهم سفر و سرعات عالية

أهم عيوبه :
- الصوت العالي نظرا لتماسكه و أحتكاكه مع أسفلت الطريق
- أتساع الفتحات بالنقشة بيستوعب كمية من الحصي الصغير

هذا الاطار يماثل في أدائه و عيوبه أطارات بريدجستون بوتنزا لبموجود بسيارات تويوتا ياريس
لذا فاطار الهانكوك هو اطار جيد جدا في أعتقادي و من خلال تجربتي معه و سعره ليس رخيص بالمناسبة ثمن الاطار يتخطي ال 640 جنيه و السعر المعروض عليك كده لقطة

الهانكزك kenergy eco كنت بادور عليه بملقاط لأني من المفترض أني هاغير الاطارات قريب عند صيانة ال 60,000 كم و البديل الوحيد له الذي وجدته هو بريدجستون my02 و بنفس سعر الهانكوك تقريبا

لذا أنصحك بالهانكوك المعروض عليك لو جديد لأن بالسعر ده مش هاتلاقي حاجة كويسة و تعطيك نفس الاداء الحالي
و ياريت تقول لي وجدته فين لأني محتاج أغير الاطارات قريب جدا

**blazer** · 27-12-2013 08:51 PM

كومهو اكستا حلو جدا
و يوكوهاما S drive
بريدجيستون و ميشلن ممتزين و بيقعدوا لحد 80 و 90 الف كيلو فى العربيه بس ملهاش لازه تقعد الكاوتش كل الفتره دى و اشترى كاوتش سعره متوسط و غيره على 60 الف

**ibnmoaz** · 28-12-2013 12:57 AM

المشاركة الأصلية كتبت بواسطة samir elshahawy

أطارات هانكوك بسيارات هيونداي ألنترا md هي kenergy eco و هي ذات نقشة خاصة و متميزة
أهم مميزاتها :
- تماسك عالي بالطريق خاصةمع وجود أمطار و مياه علي الطريق أو رمال
- اداء جيد للفرامل مع هذا الاطار
- معدل تأكل بطئ
- عدم التشقق حتي بعد قطع مسافة 55,000 كم

و هذا من خلال تجربتي معاه من خلال قطع مسافة 55,000 كم معظمهم سفر و سرعات عالية

أهم عيوبه :
- الصوت العالي نظرا لتماسكه و أحتكاكه مع أسفلت الطريق
- أتساع الفتحات بالنقشة بيستوعب كمية من الحصي الصغير

هذا الاطار يماثل في أدائه و عيوبه أطارات بريدجستون بوتنزا لبموجود بسيارات تويوتا ياريس
لذا فاطار الهانكوك هو اطار جيد جدا في أعتقادي و من خلال تجربتي معه و سعره ليس رخيص بالمناسبة ثمن الاطار يتخطي ال 640 جنيه و السعر المعروض عليك كده لقطة

الهانكزك kenergy eco كنت بادور عليه بملقاط لأني من المفترض أني هاغير الاطارات قريب عند صيانة ال 60,000 كم و البديل الوحيد له الذي وجدته هو بريدجستون my02 و بنفس سعر الهانكوك تقريبا

لذا أنصحك بالهانكوك المعروض عليك لو جديد لأن بالسعر ده مش هاتلاقي حاجة كويسة و تعطيك نفس الاداء الحالي
و ياريت تقول لي وجدته فين لأني محتاج أغير الاطارات قريب جدا

شكراً يا باشا علي المعلومات الوافية دي .... وهو فعﻻ جديد وكوري بس بسعر 500 جنيه الفرده وانا فعﻻ اشتريته والحمد للله من واحد في الجيزه اسمه الحداد موزع معتمد لأكثر من منوع

**Samir Elshahawy** · 28-12-2013 01:16 AM

المشاركة الأصلية كتبت بواسطة ibnmoaz

شكراً يا باشا علي المعلومات الوافية دي .... وهو فعﻻ جديد وكوري بس بسعر 500 جنيه الفرده وانا فعﻻ اشتريته والحمد للله من واحد في الجيزه اسمه الحداد موزع معتمد لأكثر من منوع

طيب ألحقني بالعنوان و رقم التليفون
ده أنت جيت لي من السما

**ibnmoaz** · 28-12-2013 01:38 PM

المشاركة الأصلية كتبت بواسطة samir elshahawy

طيب ألحقني بالعنوان و رقم التليفون
ده أنت جيت لي من السما

يا سﻻم يا سمير بيك انت تؤمر .......دا موبايل محمود الحداد صاحب المحل 01116987464 هو محل صغير بس ما شاء الله ﻻ قوة إلا بالله تجاره مزدهره جدا ....كلمه واساله حضرتك على اللي انت عايزه وقوله من طرف احمد صبري بتاع الصين ......هو عنوانه في االجيزه شارع ربيع الجيزي اللي فيه مجمع المحاكم امام محطة مترو ام المصريين ....