ارجو المساعدة من خبراء الرينو عموما من فضلكم ارجو الرد
السلام عليكم ورحمة الله
انا قعدت اشوف المواضيع الموجودة فى قسم رينو هنا علشان اطلع بأى معلومة عن الرينو سانديرو او السانديرو ستيب واى و للاسف مش لاقى اى معلومة عنهم مش عارف لية هل دى حاجة كويسة للعربية ان هى مفيهاش اعطال كتير علشان كدا محدش بيتكلم عنها ولا ليها مواضيع ولا دى حاجة وحشة ان محدش بيكتب عنها حاجة لكثرة الاعطال فا زهقتو من كتر الكتابة مثلا :wink14: المهم ندخل فى الموضوع على طول لو سمحت انا عاوز اعرف كل المعلومات عن الرينو سانديرو ستيب واى او سانديرو علشان انا بفكر اشتريها بالتقسيط و لو العربية مش كويسة تنصحونى اشترى اية بدلها الافيو الجديدة مثلا ال 2014 ولا اية بظبط بس ياريت محدش يقولى اشترى عربية صينى علشان انا مش بعترف بيها كعربية مع احترامى لكل مالكى كل السيارات الصينى بس فعلا اللى يركب رينو و يركب اى عربية صينى او كورى زى الدايو مثلا هيعرف قيمة الكلام اللى انا بقولة
انا اسف على الاطالة فى الموضوع و ارجو الرد فى هذا الموضوع بأسرع وقت ان امكن لان انا عاوز اشتريها و عاوز اعرف كل المعلومات عنها من اسعار قطع الغيار . الثبات على الطريق . العفشة اى نظمها نشفة ولا كويسة و نعمة . العربية سحبها كويس ولا لا . التزايد فى السرعة كويس ولا لا يعنى الكلام دا كلة
وشكرا كتييير يا اخوانى :satelite:
و فى انتظار الردود :Copy of majd(2):
