الموضوع: الشاشه مش بتقرا الترجمه

للاسف نفس الحوار حاصل مع شاشات جالكسى الجديده بيتهيالى الشاشات دى مبيصرفوش على سوفتويرها خالص
لو ملهاش حل نهائى وصل الشاشه بلاب او كمبيوتر وشغل الفيلم منه

المشاركة الأصلية كتبت بواسطة طارق _عبد السلام

نفس المشكله وكنت عايز اعمل موضوع بيها
وبما ان الاستاذ ميدو فى الموضوع وهو خبره كبيره مع شاشه ال جى6610
عملت كل الطرق لتنزيل الترجمه مع الفيلم لكن الشاشه مش بتشوف الترجمه اصلا
استخدمت طريقه النود مفيش قايد
ظبطت اسم الفيلم واسم الملف نفس القصه
اى فيلم بيتحمل وبحمل له الترجمه مابتشتغل الترجمه معاه
مع ان على الهارد افلام تانيه ثرى دى وبلوراى ترجمتها شغاله

غريبه يا استاذ طارق الشاشه دى بتقرا الترجمه ال srt عادى جدا وانا مجربها اكتر من مره على افلام عاديه وافلام 3d الفكره كلها انك تخلى اسم الترجمه زى اسم الفيلم بالظبط ايا كان اسمه وتخلى لغه التليفزيون نفسه عربى بس علشان الترجمه متطلعش هيروغليفى
وبتظبط ال encoding من اوبشن الشاشه للعربى وخلاص !
حاول تعملها ابديت لانها بينزلها ابديت كل فترة والتانيه
وقبل ما توصل الهارد شغل الفيلم من على الهارد وهوه متوصل بالكمبيوتر وتكون منزل الكودك وشوف حتظهر الترجمه ولا لاء لو ظهرت حتظهر على التليفزيون ان شاء الله

انا اخر ما زهقت بقيت ادمج الترجمة فى الفيلم كأنها جزء واحد

بس كانت جودة البلوراى بتقل ... لحد ما لقيت برنامج جامد جدا بيدمج الترجمة و بحول بيه ال MKV لل Mp4 من غير مقلل الجودة خالص .

اسمه MKV converter studio ...

عشان تبقى الترجمة ملزوقة فى الفيلم من غير ملف تانى ولا حتى ينفع تتشال و تتعرض على الشاشة.

المشاركة الأصلية كتبت بواسطة طارق _عبد السلام

اشكرك استاذى الفاضل على الرد
وانا عارف انك خبرتك كبيره فى الشاشات وردودك كلها اضافات مميزه
انا عملت كده وجربت انى اغير الاسم لنفس اسم واضيف كلمه srt
ولا تظهر الترجمه مع الفيلم وعامل لها اخر ابديت وفعلا بعض الافلام بتكون اللغه هيروغليفى وبظبط اعدادات الفيلم وبخليها عربى لكن المشكله مع الافلام اللى بحملها وملحوظه كنت متصور ان الافلام الثرى دى اللى بتعدى ال10 جيجا هى بس اللى فيها حاجات بتطلع من الشاشه فيه فيلم حجمه 1.5 جيجا وحاجات كتير بتطلع
المهم هحاول اجرب واخلى الاسم هو نفس الاسم لملف الترجمه ونشوف
واشكرك على متابعتك

متضيفش srt ولا حاجه
اضغط على ملف الفيلم كليك واحد حيظهرلك كانك حتعمل rename خد اللى مكتوب كله كوبى وروح على ملف الترجمه اللى انت نزلته وضغطه واحدة عليه بردة لحد ما يبقى كانه رينام واعمل باست وخلاص
جرب وان شاء الله تظبط وانا معاك فى اى استفسار