استشارة عاجلة جدا بخصوص تيريوس 2000

**واحد من الناس** · 26-12-2013 09:07 PM

السلام عليكم جميعا

ياجماعة انا عاوز رايكم بسرعة جدا،،،

أنا معايا دايو لانوس موديل 99،،، لا يوجد بها أي كماليات ..زجاج يدوي وفتيس يدوي وكل حاجة يدوي ومافيهاش سنتر ،، كل اللى فيها التكييف قوي جدا ،،،حتى الكاسيت الاصلي وانتو عارفينه ,,,, العربية اشتريتها من 6 شهور تقريبا وكنت مضطر بسبب ظروف شغلي،،،، كان لازم عربية،،، خدتها بـ 43 الف جنيه وحالتها جيدة وما رشتش خالص بس محتاجة وش نظافة حاليا واكتشفت من فترة انها كانت مخبوطة خبطة جامدة وفيها سمكرة في الرفرف الامامي والعفشة اللى قدام

المهم النهاردة اتعرضت عليا عربية ديهاتسو تيريوس موديل 2000،،،جميع الكماليات وأوتوماتيك،،، لونها أبيض ورشت برة،،،الصنايعي اللي شافها بيقوللي معمول فيها شغل في السوك،، وشكلها كانت مقلوبة على جنبها،، بس مافيهاش عيب ظاهر

صاحبها(موجودة في معرض) عاوز ادفع له 7000 الاف فوق الانوس،،،يعنى ياخد منى الانوس وادف له الفرق ،،، والصنايعي بيوقللى ممكن تدفع 4000 بس فرق عن الانوس!!!

ما رأيكم؟؟؟؟؟ أبيع الانوس وآخدها؟؟؟ لانى محتار كل ما أقول لواحد يقوللى ،،أوعى تاخدها التيريوس مالهاش سوق،،، لو حبيت تبيعها مش هاتعرف،،، الانوس افضل منها وكمان قطع غيار الانوس أرخص// أرجوكم أنا معايا فرصة لبكرة علشان أقرر!!!!! أية رأيكم بكل صراحة

**kokowasfy** · 26-12-2013 11:09 PM

الانوس افضل منها مليون مرة الموديل دا من التيريوس ملوش قطع غيار اسئل مجرب و اعطال و الثبات فى الضياااااااع جدا و متور ضعيف و تكيف ضعيف بلاش منها انصحك تظبت العربية بتاعتك لو مش فارقة معاك منول ازاى تديها وش نضافة تركب كاسيت بفلاشة و ميمورى تركب زينون وحدات رفع ازاز كهربا سهل الكلام دا اليومين دول احسلك من الموديل دا دا غير كمان العربية مقلوبة دا كلام يا راجل

**aw2100** · 26-12-2013 11:16 PM

بلاش التريوس عربية ناشفة وثباتها فوق ال 100 مافيش خليك فى اللانوس ولو حبيت تغير جيب المانى جولف او ابيزا غير كده اللى تعرفة احسن من اللى ماتعرفوش تحياتى !!!

**واحد من الناس** · 27-12-2013 11:12 PM

طيب بلاش التريوس،،، لو حبيت أغير وما أدفعش فرق كبير عن الانوس أشتري ايه،،،بس عربية تستحمل المطبات وما تقرفنيش،،،،أو بالبلدي كدا ينطبق عليها المثل(كويس ورخيص وابن ناس)

**واحد من الناس** · 28-12-2013 06:52 PM

أية الحكاية ،،، مافيش ردود ليه،،،

**omaranes77** · 28-12-2013 07:02 PM

المشاركة الأصلية كتبت بواسطة واحد من الناس

طيب بلاش التريوس،،، لو حبيت أغير وما أدفعش فرق كبير عن الانوس أشتري ايه،،،بس عربية تستحمل المطبات وما تقرفنيش،،،،أو بالبلدي كدا ينطبق عليها المثل(كويس ورخيص وابن ناس)

بوص يا باشا شوف النوبيرا و شوف فيرنا العربيتين دول حمالين اسية