مساعدة قليلة تمنع بلاوى كتيرة
السلام عليكم
أنا عايز أخد رأيكوا فى حاجه لانى فعلا تعبت من التفكير. :36_1_50[1]:
أنا حاجز بيجو هاى 301 لابن من يوم 12 أكتوبر ولغاية دلوقتى ماستلمتش زى كتير غيرى موجودين هنا.
المهم كلمت التوكيل و قالى التالى
- شبه مؤكد إن التسليم هايتأخر لبعد 15 يناير (أمتى بالظبط الله أعلم).
- فى إحتمال إن العربية سعرها يزيد (مجرد إحتمال مش هايعرف الزيادة إلا فى أول يناير). :dumb:
مع الاخذ فى الإعتبار إن الدولار بيزيد دلوقتى
المشكلة بقى أن قدامى ستروين سى إليزى هاى لاين تسليم فورى يعنى وقتى يعنى فى اللتو واللحظة يعنى أدفع و أركب. :7_6_5v[1]:
وللعلم لما قلت للمندوب إن قدامى عربية ستروين قللى روح خدها
ودماغى خلاص هاتاكلنى من كتر التفكير - أنا لسه شارى طلبات البيت إنهاردة وكنت عامل زى الحمار الوحشى من كتر الشيل :cow07:
خايف أشترى الستروين مايحصلش حاجه و أفضل ندمان كل ما اشوف العربية.
و خايف أستنى البيجو تغلى و معرفش أجيبها او تبقى حمل عليا.
أنا عارف أنهم نفس العربية بس انا كنت نويت على بيجو خلاص وده مسببلى حته نفسية شوية
فى النهاية أنا أستصيعت و كلمت توكيل ستروين وسألتهم على زيادة الاسعار
قالتلى إن فعلا إحتمال يبقى فى زيادة بس مش عارفة هايطبق فى النص الاول من يناير ولا فى النص التانى. :what:
كل الكلام ده ممكن يطلع فى الكلتش ويبقى حوارات من بتوع المبيعات
فى الاخر بقى أنا أعمل أيه أشترى الستروين ولا أستنى البيجو ؟ :Copy of majd(4):