ايوة يا أحمد
مش عارف ليه بتفكرنى بصفوت الشريف و كلمة العولمة اللى كان بيقولها عمال على بطال
انا بعد ما كتبت لك الرد رجعت تانى اعمل تعديل...عارف ليه
تخيل يا أحمد لقيتنى لازم ادوس على كلمة اعتمد المشاركة.....اعتمادية تاااااااااااااانى
عرض للطباعة
انا معرفش ان كلمة اعتماديه ليها تفسير واحد او معين
ولكن ال اعرفه كويس اوى ان العربيه الاعتماديه مش بتترمى او بتتباع بعد 5 سنين لانها بقت غير صالحه للاستعمال (واخدين بالكوا )
انا بتكلم عن عربيات ركبناها من سنة 80 و مازالت
قلة الأعطال ووفرة قطع الغيار بأسعار مناسبة وسهولة التصليح
وتوافر الصنايعية اللى يشتغلوا فيها
وكلامى ده عن تجربة الحمد لله فى البيجو 504 سابقا كانت مع والدى رحمة الله عليه
وبعدها ا ل405 مع ناس اقارب لى
بيشكروا فى توافر قطع الغيار وسهولة الصيانة وخصوصا الكربراتير
اما بخصوص ال301 معرفش عنها معلومات بصراحة
وموفق فى الاختيار بأذن الرحمن
دكتور عمرو انا عايز اضيف حاجه
التوب في السيارات احنا عارفينه وهو الالماني ومش اي حاجه بالخصوص مرسيدس و بي ام و اودي ودول مش اي حد بيركبهم يعني مش كل الشعب جربها و ميقدرش حد يتكلم عليهم لغلو تمنهم من مبدأ الغالي تمنه فيه
اما باقي الاوروبي ففي متناول نص الشعب و الشعب عايش معاهم
والكوري واليباني في متناول كل الشعب ومكانش حد يصدق تطورهم و نموهم
والماركات المعينه و خصوصا الارووبي عليها العين ولكن ..... البيجو مثلا من زمان عربياتها كانت مثال للتحمل و لحد دلوقتي بتهري في الاسفلت زي 505 و 405
اما الاسيوي و خصوصا الكوري الناس اغلبيتها جايبها باقل الاسعار وده بتعتبر نقله ليه لعالم الحديث فابنسباله انبهار انها بتمشي و بتجري ( والدي مثلا معاه 128 و بالنسباله النوبيرا مكنه 6 سليندر ) يجي عند الاعطال بتاعتها يقولك رضا على قد فلوسها و خصوصا انها مبتجرهوش في جيبه فعادي بيعدلها من مبدأ زي ماقولت على قد فلوسها و انها عربيتي ولكن يركز مع الباقي و يتبقى مين؟؟؟!!!! الاوروبي بس لانه مبيقدرش يتكلم على الالماني العالي لانها في نظره اله السيارات مع انها عادي بتعطل و كمان و هيا لسه زيرو زيها زي اي معده قابله للاخطاء
وزي ماقلت اغلبيه الشعب معاه الكوري فا الكلام حيكتر على مين ؟؟ !!! الالماني؟؟
وخلى بالك نقطه سالبيه هنا ان اغلبيه ثقافه الشعب المصري في كل المجالات معتمده على ثقافه السمع
الاعتماديه و الجوده من صفه السيارات اليبانى اكثر من الالمانى بمراحل و بتكلم عن تيوتا بالذات اتعمل عليها كتب فى الجوده و ميعرفش الكلام ده غير اللى درس اداره اعمال و جوده ( اليابانيين ملوك الاداره و البزنس بعد امريكا six sigma الخ....)
الاعطال فى اليبانى بصوره عامه اقل من الالمانى و الامريكانى ... دور كده فى jdpowers.com و انسى الوهم بتاع الالمانى ده.
الإعتماديه فى وجهة نظر المشترى المصرى هى نظريه حبقى اكتبلكم عليها فى تقريرى عن البيجو لما استلمها ان شاء الله
من ضمنها :
انه يشتري بسعر رخيص عربيه مليــــانه اوبشنز .. موفره جدااا فى البنزين مع ان الفرق بين اي عربيتين نفس ال cc ممكن ميكملش لتر بنزين ب 2 جنيه فى 100 كيلو بين عربيه و التانيه ...
و يكون كل الناس حواليه فى الطريق راكبين نفس العربيه .. و ميصرفش عليها .. و يكون فيها قطع غيار رخيصه جدا ..
و تكون حماله اسيه ههههه تشيل 6 افراد فى فرح و تمشى فى الجبل و تعوم فى البحر و لما يبعها بعد 3 او 5 سنين .. يكسب فيها :))
دى الإعتماديه فى وجهة نظر بعضنا.
الاعتماديه تكون كويسه و رخيصه و بنت ناس ههههههههههههههههههه السوق المصرى ليه معايير غير اى حته فى العالم طب شوف كده لما واحد يعمل حادثه و اليرباج ميفتحش ميبقاش مصدق نفسه من الفرحه مع انها لو حصلت بره ممكن يرفع قضيه على الشركه بتاعه العربيه و يطالب بتعويض عشان وسائل الامان مشتغلتش
اعتماديه دى عندى ليها معنيين
الاول اعطال قليله وتمشى حتى لو فيها مشكله ودة تلاقيه فى الكورى واليابانى
اخيرا بقه اعتماديه فى المواقف الحرجه من ناحيه المناورة والثبات والفرامل ودة تلاقيه فى الاوربى