يا رجاله ادامى واحده جيل 5 محتاجه مساعد بس واخده خابطه وهى واقفه فا راشة قايم والباقى فابريقه وهى لسه راشة بره جديد وفيها مكنه بيؤلى بتاعة 97 وهى si كراسى ريكارو والصالون جلد
تعمل كام ؟!!
عرض للطباعة
يا رجاله ادامى واحده جيل 5 محتاجه مساعد بس واخده خابطه وهى واقفه فا راشة قايم والباقى فابريقه وهى لسه راشة بره جديد وفيها مكنه بيؤلى بتاعة 97 وهى si كراسى ريكارو والصالون جلد
تعمل كام ؟!!
45 _47 والله اعلم واستاذ سامح يقولك المفيد
لو هتقبل بالوضع بتاع القائم , اللى اتخبط دة , وعشان تبقى عارف انها هتبقى فرصة لكل واحد لو حبيت تبيع انة ينزلك فى السعر
عموما هية بالحالة دية وعشان واخدة خبطة فى القائم هتعمل 40-42 الف جنية
طب يا سامح هو القايم ده بيأثر فى حاجه ؟!
ياباشا دة قائم شاسية السيارة , يعنى لو فية خبطة او اى حاجة , العربية كدة بقى فية عيب
باشا يا حبيبى العربيه ديه لو فى السيدة زينب ولونها احمر ومركونه فى جراج اللى هو بتاع الاتوبيسات
ابعد عنها احسنلك العربيه ديه انا شوفتها الجمب الشمال رايح فى دهيه كله من الشنطه لحد الاكصدام
نصحية بلاش العربيه ديه اعتقد ان اخرها 30 الف لأنها كمان محتاجه شغل كتير ومكنه البور بتاعتها بيظه
والمساعدين وكمان فيها مشكلى فى الفتيس قصه الفتيس ديه من صحبها اصلا انا مسوقتهاش بس
ده التقرير العام بتاعى والله اعلم
متشكر يا رجاله انا مليش خبره فى الحوارات دى بس انتوا جبتولى من الاخر كده فاكس وش
انا اسف انى هاقطع كلامكم بس
العربية الى حضرتكم بيقولة فيها وفيها دى عربيتى
و بعدين انا شلت الاعلان بعديهاا بكام يوم لانى قررت انى مش هابيع
لانى كان عندى ظروف بسببها كانت هابيع العربية بس الحمد الله
و كل الى كان فى العربية كان مساعد خلفى و طرنبة البور البلية بتاعتها فيةحاجة
انما الى بيقول فتيس دة مش عارف جيبوة منين الكلام دة و مفيش حد طلع جرب العربية اصلا خالص كان اخوية هو الا بيقف مع اى حد وهو بيتفرج والعربية مكنتش بتتحرك
وانا كانت مفهم اخوية انو يبقا صريح مع الا بيتفرج ويقول على الا انا اعرفوا فيهاا
وكان ممكن اغير لون العربية وارش القويم واقول غيرت لون و عادى مصر كلها عملة كدة
و فى استاذ بيقول 30 الف انت ممكن تجبلى عربية ex نصين شوف هتجبة وتلحمة وتجيب ورقة باكتر من 30 الف جنية
فا بعد ازنكم مش اى حد يقول اى كلام وبعد اذن استاذ سامح ممكن تمسح الموضع عشان الكلام دة بجد يحرق الدم
وشكراا
ياجماعة بعد اذنكوا , محدش يقول عيوب فى سيارة او اى حاجة , غير لما يشوفها ويتأكد منها كويس , عشان دية كدة حاجات ممكن توقف بيع سيارات بدون دليل
وحتى لو فيها مشكلة تكتفى انك تبعت رسالة خاصة للمشترى , وتقولة ملاحظاتك عن العربية وهو يبقى رايح ويتأكد من كلامك
وبالنسبة لكلام الاستاذ ahmed as elsha
ياباشا حضرتك ادرى بسياراتك وواضح من كلامك انك انسان محترم , واكيد مش هتغش حد
خلاص يا رجاله متكبروش الموضوع انا دخلت اسأل على حاجه معينة واترد عليا فيها اشطه مفيش مشاكل ..وممكن لو عايزين الموضوع يتمسح تمام مفيش مشكله عشان الكل يبقى مرضى