الموضوع: انا كده غلطان (ماشى فى امان الله)

المشاركة الأصلية كتبت بواسطة j a g u a r

مكنش ليه لازمه ده كله .. انا لو مكانك هاشتمه وخلاص واكبر دماغى

مكنش لية لازمة فعلا بس عارف لو مكنتش مطبق وتعبان كنت سبته ولا عندت معاه ولا حطيته فى دماغى كان عدى حتى لو كسر كنت هديت وركنت لو لزم الامر

المشاركة الأصلية كتبت بواسطة hossamalsadik

كنت قلت فى نفسك الله يسمحه واستعذت من الشيطان وكبرت دماغك ده مش ضعف ده قوة ليه
لان القوى من ملك نفسه عند الغضب (وفى الحديث ليس القوي بالصرعة إنما القوي من يملك نفسه عند الغضب ) فانتا كان ركبك الشيطان كنت ممكن تضيع نفسك وغيرك والسواقه مسؤليه اول ما تحط نفسك على الدريكسيون لازم تبقى هادىء او لو أتنرفزت اركن على جنب لحد ماتهدى وبعد كده سوق وكمل
نسال الله ان يستر طريقك وطريقنا جميعا

ده بالظبط اللى حصل العربية كان شغال فيها قران عملت Pause وشتمته بس معرفتش اهدى

هو شيطان فعلا بس الحمد لله ربنا دايما بيستر ربنا يسترها عليك وعلينا

المشاركة الأصلية كتبت بواسطة د عمرو العمرجى

فى حاجة مهمة احب اقولها لكل الاخوة المشاركين
من حوالى 3 سنين و انا طالع من الشقة و بفتح الباب و رايح شغلى حسيت بآلام فى صدرى و بسرعة اتصلت زوجتى باحد اقاربنا ساكن جنبى ف الهرم و جه الراجل فى لحظات و ما كنتش قادر ارفع ايدى و ادىله مفتاح العربية...نزلنا كلنا و معانا البواب و رحنا لمستشفى الهرم و هناك عرفنا انها ذبحة صدرية و اتحجزت فى العناية المركزة
المهم انو بسبب المنظر اللى انا كنت عليه قريبى كان بيسوق العربية و عدى الشارع عند سفارة النيجر امام مستشفى الهرم علشان يكسب و قت و ما يستناش اللفة البعيدة و كان بيشاور هو و البواب للعربيات اللى كانت بتشتم و ما حدش كان عايز يعدينا و فاكرنا بنلعب و مفيش وقت نشرح لحد حاجة
ده غير عشرات المواقف اللى حصلت لى و انا مستعجل فى الذهاب للمستشفى و اقول الناس لما تشوف علامة الهلال هتفهم انى دكتور و رايح لمرضى مستنيين....لكن كنت بشوف العكس
يا جماعة الله أعلم بالراجل ده يمكن معاه حالة ولادة..جاله تليفون الحق ابوك تعبان...رايح مطار او محطة قطار
لو انت مش مستعجل سيبه يعدى و خلاص
موقف تانى عمرى ما هنساه فى مستشفى سوهاج الجامعى وانا فى سنة الامتياز لما سيدة وضعت مولودها على عتبة الرصيف و ربنا ستر عليها و على المولود
كلنا بنعتب على الاسعاف و المطافى انها بتتاخر...طيب بذمتكوا بأمارة ايه توصل بدرى فى هرجلة الشارع المصرى

يا دكتور الف سلامه عليك انما الموضوع مش كده لانى بعد ماطلعلته من الشمال ركن يجيب عصير وفضل واقف حتى الاعتذار مطلعش منه

عارف لو قال انا اسف دى مبتنزلش من حد بس كان هدانى على الموقف الحيوانى اللى عامله بس يلا الحمد لله والف سلامه عليك مرة تانية ربنا يسترها عليك وعلينا

المشاركة الأصلية كتبت بواسطة start_wow

الحمد لله انك بخير وقدر الله وماشاء فعل ولكن ماتكررهاش تاني..اللي عايز يعدي يسيبه يعدي..

الفكرة انه مش يعدى. مايعدى هو فيه شيكولاته ادام

انا عديته عادى قام كسر عليا وقفل عليا الحاره اللى انا فيها وهنا تقول ليه

انا من التعب كنت عامل كده وبعد موقفه ده بقيت ده

بس انا كمحمود اتبسط من العربية وسحبها وبحب الجو ده شوية

الحمد لله على كل شئ ربنا يسترها عليك وعلينا

المشاركة الأصلية كتبت بواسطة mahmoudysf

ايه كل ده هو انت نازل حرب ولا رايح تقضي مشاوريك
مكنش ليها لازمة كل الحاجات دي اخرتها وحشه

ده العادى فى بلدنا نازل تسوق يبقى جاهز سلاحك الناس مبتهزرش فى الشارع

عارف لو كان معايا سلاح كنت اعدمته فى الشارع ادام الناس ليكون عبرة لمن يعتبر وبعده اجيب سواقين المكروبصات

الحمد لله ربنا دايما بيستر

المشاركة الأصلية كتبت بواسطة abo_lamar

غلطان غلطان للصبح يا زعيم ... كبر دماغك من المواقف دي وبعدين انتقام ايه اللي بتقول عليه يا جدع .

والله الصح انى اكبر دماغى بس تقول اية شيطان والانتقام ده حقى يا هندز تبقى ماشى فى امان الله وناس تعديهم يقوموا مزنقين عليك يا راجل ده كتير كده

ومحدش سامع صوتك يا كبير ان شاء الله تكون بخير انت والوالده والجماعه ابقى سمعنا صوتك كده وطمنا عليك

المشاركة الأصلية كتبت بواسطة mahmoudysf

انت عارف انا مش بقولك كدة من فراغ
انا اتعرضت لمواقف زي دي كتير
ومخدتش منها غير الخسارة وقلة القيمة
وكنت برجع ااقول لو كبرت دماغي مكانش كل ده هيحصل

ربنا يسترها عليك يا كبير

انا عارف والله المفروض مكنتش اعند وانا فاهم ده بس لحظة شيطان والحمد لله على كل شئ