انا كده غلطان (ماشى فى امان الله)

**maio_do** · 27-12-2013 07:24 AM

بسم الله الرحمن الرحيم

السلام عليكم ورحمه الله وبركاته

انا مغلط نفسى فى اللى انا هكتبه ده بس انا عايز اعرف لو انت مكانى هتعمل اية

سايق فى امان الله وطالع من روكسى على طريق السويس والطريق بيقفل مرة واحده عند يوتيرن

وانا ماشى فى الحارة الشمال بس رامى على اليمين علشان ناس واقفة مستنية مواصلات وعربيات راكنة صف تانى ومنها برده مطبق وسايق كتير ومش مركز

ومرة واحدة عربية شاهين تدى سراينة زى بتاعت الاسعاف وكلاكسات واسعتله وعديته والاقية بعد ماعداه بيقفل عليا ويكسر عليا جامد

اتنرفزت ودوست كيك دوان وبقيت اجرى معاه لدرجة ان الناس اللى واقفة مستنية المواصلات على اليمين كانت بتجرى من صوت العربية (بيجو 301) والعربية زيرو لقيت الطريق بيقفل عليا هديت وطلعت منه من على الشمال

وخلاص عايز اخد حقى ومرة واحده ركن عند اول كشك ونزل يجيب عصير هو واللى معاه مكلمتوش بس استنيته وهو شايفنى ومش راضى يتحرك لحد ماعسكرى واقف جنب دابابة شاورلى انى اتحرك

مشيت وانا مضايق ومتنرفز ومخنوق بعدها بكام كيلو الاقى عربية شاهين نفس اللون جاية فى البطى وادامها اتوبيس قلت بس الانتقام هيجى دلوقتى وهاخد حقى منه

طبعا قلت هينقل على الطريق العادى وانا مستنية عند المخرج من البطى فرملت وزنقت عليه لحد ماكان هيخبط فى الرصيف الفاصل مابين البطى والعادى ووقف والعربية بطلت منه

خلصت انا كده ومشيت جية ورايا والطريق قفل عند وطنية ولقيته جاى وبيكسر عليا فرملت ووقفت لقيته بيشاورلى وبيقولى تعال بايده

فضلت واقف لحد مالقيت عربية جاية وراه وهديت وعادت من جنبة قمت جايب اخر البنزين ورامى على اخر حاره فى الشمال وطبعا هو كان فى اليمين

شوفته فى المرايا واخد الطريق بالعرض قافل التلات حارات وبيعتذر للناس بايدة وقف طريق السويس كامل

بس بعدها حسيت انى مش صح حتى لو هو غلط مكانش لازم اوصل للدرجة دى من العصبية او العند

لان فى الاول والاخر ربنا دايما بيسترها وانا عربيتى زيرو وده اكيد كان عايز يخبطها بحدفته بعرض الطريق دى

الكلام لو انت فى مكانى وحصل معاك اللى انا قلته ده هيكون رده فعلك اية

**احمد المصرى** · 27-12-2013 08:43 AM

هو نرفزك بسبب السرينه تعديه وتكبر دماغك وتقوله ربنا يسهلك علشان تاخد حسنات لو الواحد هيتنرفز كدا كل مره يبق مش هيسوق اساسا

موقف وخلص خلاص يا باشا وكبر دماغك وانسى بس خلى بالك المره القادمه وربنا يسترها عليك وعلينا ان شاء الله

**Ahmed Amin** · 27-12-2013 08:58 AM

ياباشا الغباء لا دين له,,
اللي يكسر عليك أو يزمر زمارة غشيمة أو حتي يزمر لك بتشيمة
ولا تعبرة,
أولاً أنت عربيتك كانت هتروح في شربة مية,,
مش من اللي حصل دا,, من الموقف بتاع خرطوم المية لما كنت بترفع البصمة, يعني أولاً نحمد ربنا إن العربية أصيلة والموتور مفوتش,
ثانياً كان ممكن فعلاً يحكك أو يخبطك والعالم الغشيمة كتير,, وكنت هتروح كاره نفسك لأنك عارف أنك كان ممكن تسيبه يعدي من غير ما تخبط عربيتك وهيا لسه زيرو,,
أو الأسوء لو كان وقف قدامك وطلع قليل الأدب ونزل أتخانق معاك ونزلت أنت كمان وبقي الموضوع مهزلة.

قدر الله وماشاء فعل, والحمدلله أنها عدت علي كدا,
بلاش شغل الفورملا وان دا تاني والغرز والفرامل وأنك تكسر علي حد وحد يكسر عليك, الناس أنهارده خلقها في مناخيرها,

نصيحة شخصية مني ليك بقي, أمن علي العربية لو لسه مأمنتش, وحاول متهملش في الموضوع دا.
وسؤالي جانبي بقي, أيه رأيك في سحب العربية.

**Silent~Dream** · 27-12-2013 11:17 AM

دى مصر و ده حال كثير من الناس الى مش عارفين اى حاجه عن فنون القياده حضرتك كبر دماغك من الناس دى

**Akram.Gamal** · 27-12-2013 11:26 AM

انا مش هقولك انت صح او انت غلطان
لكن ال انا اعرفه عن السواقه انها فن ذوق اخلاق
و السواق الصح ال يعرف يفادى اخطاء الغير

و العبره لمن لم يعتبر

**J A G U A R** · 27-12-2013 12:11 PM

مكنش ليه لازمه ده كله .. انا لو مكانك هاشتمه وخلاص واكبر دماغى

**hossamalsadik** · 27-12-2013 01:03 PM

كنت قلت فى نفسك الله يسمحه واستعذت من الشيطان وكبرت دماغك ده مش ضعف ده قوة ليه
لان القوى من ملك نفسه عند الغضب (وفى الحديث ليس القوي بالصرعة إنما القوي من يملك نفسه عند الغضب ) فانتا كان ركبك الشيطان كنت ممكن تضيع نفسك وغيرك والسواقه مسؤليه اول ما تحط نفسك على الدريكسيون لازم تبقى هادىء او لو أتنرفزت اركن على جنب لحد ماتهدى وبعد كده سوق وكمل
نسال الله ان يستر طريقك وطريقنا جميعا

-

-

الموضوع: انا كده غلطان (ماشى فى امان الله)

LinkBack

أدوات الموضوع

عرض

-

-

-

-

المواضيع المتشابهه

ماشى فى اجرائات نق الملكيه والفحص والتجديد وان شاء الله هخلص قريب

حادثة مع توكتوك ماشى عكس .... حسبى الله ونعم الوكيل

ماشى فى نور الله

الكلمات الدلالية لهذا الموضوع

المفضلات

المفضلات

ضوابط المشاركة