عرض للطباعة
السلام عليكم
كنت عايز اعرف رايكم فى محلات دريم 2000
الاسعار قليلة بشكل مبالغ فيه
يعنى سامسونج نوت 3 ب 4850 وهو اصلا ب 6000
ازاى يعنى ؟؟
من غير ضمان ولا نسخة اقل ولا كسر زيرو ولا ايه الحوار
حد جرب يشترى من هناااااااك
ياريت تجاربكم علشان هنزل اشترى فعلا
حضرتك شوف الموضوع ده
http://www.nilemotors.net/Nile/391732-a.html
موجود عند التميمى ب 4699 ج بصمان سنه من الوكيل
http://eltamimi.net/cart/
https://www.facebook.com/eltamimi.net
يابختكم التليفونات السامسونج بتنزل من غير ضمان في كل حتة..محدش يعرف تليفونات htc من غير ضمان ورخيصة زي السامسونج كدا الاقيها فين؟؟
ازاى يا شباب
هو انا جيت من كوكب تانى فجاءة ولا ايه
انا اعرف ان اى جهاز من غير ضمان سعره ممكن ينزل 200 او 300 جنيه
لكن نفس الجهاز وبالمضان وارخص 1000 وشوية !!
رايكم ايه بيبقى موديلات مختلفة ولا مفتوح ولا مستبدلين قطع
اكيد فى سبب رئيسى
انا سئلت فى سيتى ستارز والاسعار مولعة
مكتوب فى التميمى ضمان سنة + فيتنامى
طيب هو كل اللى فى السوق فيتنامى ولا كورى ولا ايه
انا شوفت فى الشوب بتاع موبينيل ب 6000 ده فيتنامى برضه ولا ايه ؟؟
اقتباس:
المشاركة الأصلية كتبت بواسطة r0xer
ياباشا ده بالضمان كمان ورخيص
الله اعلم ازاى :)
يمكن هاي كوبي.
ياما التوكيل حرامية لدرجة انه بيكسب مكاسب خرافية بالشكل دا؟ والمحلات بتبيع على قدها مثلا!!اقتباس:
المشاركة الأصلية كتبت بواسطة egyboy
مش عارف! فعلا حاجة تجنن..
غالبا التوكيل حراميه طبعا
بص السعر بره كام بالدولار مثلا واحسبها
(طبعا اسعار التجار بتكون اقل من المستهلك بره)
بس انت ممكن تحسبها كروكي
وتشوف السعر منطقي ولا لأ
طيب مفيش حد اشترى فعلا من دريم 2000 او التميمى ويقولنا تجربته
جزاكم الله خيرااا
كمان انا لقيت سامسونج نوت بشريحتين ..هل ده هيقلل من باقى الامكانيات ولا دى نسخة رسمية اصلية :)
حبيبى اسال فى دبى وانت تعرف الحقيقه المره الاجهوه ببلاشاقتباس:
المشاركة الأصلية كتبت بواسطة egyboy
تجربتى مع التميمى كانت تجربه سيئه جدا والسلعه المشتراه كانت عباره عن tv box خاص بال lcd وبمجرد ما رجعت البيت وجربته اكتشفت انه زباله بمعنى الكلمه ولما رجعت للمحل اللى فى عابدين رفض ارجاعه وخصوصا ان فواتيرهم مش ضريبيه ومش هتاخد منهم حق ولا باطل...لكن الحمد لله ربنا اراد ان العامل اللى فى المحل كان عاوز يروح ومستعجل وانا رفضت اخد اى سلعه بديله مقابل النقود قبل تجربتها فعمل اوردر مرتجع واسترديت الفلوس...اقتباس:
المشاركة الأصلية كتبت بواسطة egyboy
انا اشتريت مرتين من دريم 2000 اللى ف مصر الجديدة ، فعلا سعرة كويس ..
وعليكم السلام ورحمة الله
بص التوكيلات حرامية والرجالة وضحوا قبل كده ليه أسعار التوكيل بتبقى مبالغ فيها وده سببه الرئيسي إنهم عايزين يشغلوا الموزعين والمحلات اللي بتشتري منهم جملة فلازم يغلوا عنهم والناس اللي بتشتري منهم بيبقى زيادة اطمنئان مش أكتر وأحيانا برستيج ! زائد إنهم بيدوك فاتورة ضريبية ودي مفروض بتزيد عن تمن الجهاز بنسبة 10% تقريبا يعني الجهاز لو عند دريم نفسهم ب5000 وطلبت منهم فاتورة ضريبية هيبعولك الجهاز بالفاتورة الضريبية ب5500 علشان بيزودوا 10% زيادة ضريبة المبيعات لكن الفاتورة العادية اللي بتاخدها منهم مفيهاش أي مشكلة بتثبت برده إنك شاري من عندهم وبتروح بيها للتوكيل عادي يصلحهولك لو فيه مشكلة لو لسة في الضمان ، التوكيل مش بيشترط وجود فاتورة ضريبية حسب علمي
دريم 2000 محترمين وأسعارهم أقل أسعار في السوق تقريبا وأجهزتهم مش مضروبة ولا حاجة بالعكس بتبقى متبرشمة بلزقة الضمان وأنا شاري النوت 3 من عندهم أول ما نزل كان ب5555 وكان ساعتها في أجدع حتة ب6000 زي الشناوي مثلا اللي مفروض إنه رخيص ! وطبعا في التوكيل كان معدي ال6500 وقتها
توكل على الله واشتري منهم ومتقلقش
جزاك الله خيرااا
طيب حضرتك هو انت جيبته ايه فنلندى ولا كورى ولا ايه ؟؟ هو الاصلى اصلا ايه
وسؤال كمان انت جيبته 4g ولا ابو خطين
وشكرا على النصيحة القيمة ...ان شاء الله اتوكل على الله بعد سماع نصيحتك وتجربتك
شكرا
آمين وإياكاقتباس:
المشاركة الأصلية كتبت بواسطة egyboy
هو مبقاش في حاجة دلوقتي اسمها صيني وفنلندي وكوري :grin54:
كله صيني دلوقتي لأن جميع الشركات العالمية اتجهت للتصنيع في الصين للتوفير لأن العمالة رخيصة والتكلفة هناك أرخص من أي بلد أخرى خاصة فيما يتعلق بالأجهزة اللي سيتم تصديرها للشرق الأوسط
لكن طبعا الحاجة الأصلية بتتعرف عن التقليد وغالبا مش هتلاقي محل ليه سمعته واسمه يبيعلك جهاز تقليد على إنه أصلي لأنها هتتهرش بسرعة وهيخسر سمعته
جهازي النسخة SM-N900 اللي هي 3G لا 4G ولا أبو خطين لكن حاول تجيب ال4G ورقمه الكودي SM-N9005 هو متوفر دلوقتي وفارق السعر مش كبير أوي لكن يقال إن البروسيسور أسرع ومميزات تانية غير متوفرة في نسخة ال3G بس أنا شايف إن ال3G كويس جدا والفروقات بين الجهازين مش ملحوظة بدرجة كبيرة لكن لو انت عايز الأفضل والأريح هات ال4G
وربنا يوفقك وابقى طمنا وقولنا عملت إيه
بارك الله فيك ع النصيحة
وان شاء الله فى اقرب وقت هنزل اشترى
بفكر فى ال 4g خصوصا انه هينزل مصر قريب وانا اكيد مش هغير كل يوم تليفون :)
شكرا ليك جداااااااااااااااااا
وفيك بارك اللهاقتباس:
المشاركة الأصلية كتبت بواسطة egyboy
نسخة ال4G لقيتها موجودة على السايت ده وب4543 جنيه ازاي معرفش !!
http://www.expansys.com.eg/samsung-g...note-3-252619/
لكن أكيد 100% ضمان دولي مش محلي علشان كده رخيصة
اقتباس:
المشاركة الأصلية كتبت بواسطة egyboy
النوت اللي بشريحتين ده نسخة رسمية بس بتنزل في الصين بس مش لباقي دول العالم
Prices shown on this website are in Hong Kong dollarsاقتباس:
المشاركة الأصلية كتبت بواسطة أبو آسر
وكمان مش محسوب فيها اكيد ال 10% ضريبة المبيعات المصرية :)
انا نزلت يا رجالة
واللى فى السوق كله يا اما صينى او فيتنامى
حتى توكيل سامسونج نفسه فى سيتى ستارز فيتنامى زى دريم 2000
معتقدش هتفرق والله اعلم
اتوكل على الله ان شاء الله
اقتباس:
المشاركة الأصلية كتبت بواسطة egyboy
حضرتك لا تشغب بالك بكلام مصنوع فين ده ... ما الايفون معمول فى الصين ...
الى يقولك ان الكورى افضل مثلا ... ده شغل مبيعات ... و اى كلام لزياده السعر ...
انا الى عندى فيتنامى .... كلهم واحد بالملى ... و معظم الاجهزه الى فى السوق فيتنامى ... المهم انه يكون اصلى و العلبه متبرشمه sealed ...
و يفضل انه يكون وارد السعوديه او الامارات نسخه الشرق اوسط ...
و ال 4g اسرع حاجه بسيطه جدا و لا يفرق عن ال 3g و فرق السرعات غير محسوسه اطلاقا ... و ال 3g طلقه من الاساس و يعتبر اسرع جهاز فى السوق ... يليه السونى Z1 ... كما ان شركات المحمول قدامها كتير حتى تنزل الجيل الرابع ... و اول ما ينزل حتكون فى اماكن/مناطق تتعد على الصوابع ... و امامه مش اقل من 3/4 سنوات حتى الانتشار فى جميع مدن/مناطق مصر ... و قتها حتكون اى موبيل 4G :)
و على فكره ال 3g فى اسكندريه ب 4600 بدون ضمان ... لكن اصلى و مبرشم ..
بالتوفيق ... تحياتى ...
ربنا يطمنك يا هندسة
شاكر ليك جدااا
على بركة الله
اقتباس:
المشاركة الأصلية كتبت بواسطة egyboy
مبروك مقدما :)
النوت 3 جهاز امكانياته و سرعته جباره ...
تحياتى ...
انا اشتريته من اسبوعين انا هنا في عمان وكان كل اللي في السوق فيتنامي وبالصدفة مريت على محل كان جايب دفعة من دبي جديدة ( بيننا وبين دبي 4 ساعات سفر ) وكان كوري جيل رابع واشتريته ب 240 ريال يعني حوالي 4400 ج بضمان المحل اللي هو بضمان المكان اللي اشتراه منه في دبي مش التوكيل في عمان .. بتاع التوكيل ثمنه 5400
اقتباس:
المشاركة الأصلية كتبت بواسطة د.محمود صلاح
مبروك عليك :)
اغلب الناس لسه فاكره ان الاجهزه فى الخليج سعرها واقع و اقل من مصر كثيرا !!! لكن الحقيقه ان اليوم .. و مع مرور الوقت و تدهور قيمه الجم امام الدولار ... الاسعار بقت متقاربه جدا ...
و انا عن نفسى لما بكون فى اسكندريه بشترى فى وقتها ... مش مستهله الانتظار و الشراء من دبى و توفير 200/300 جم ...
تحياتى ...
اقتباس:
المشاركة الأصلية كتبت بواسطة أبو آسر
ضريبة المبيعات على الموبايلات 10% لانها سلعة ترفيهية
فلما تروح تشتري موبايل تمنه 6000 بدون فاتورة ضريبة من محل اخر المفروض سعره 4500
بس في محلات في السراج مول ارخص من دريم ( بالضمان بردو )
ضريبيه المبيعات بقانون هى 10 على اى سلعهاقتباس:
المشاركة الأصلية كتبت بواسطة أشرف العدوي
اللى حضرتك بتتكلن فيه هو الجمرك الذى يصل احيانا ل 40 على الالكترونيات لكن الموبايلات اعتقد 10
محلات اسمها ايه ياباشااقتباس:
المشاركة الأصلية كتبت بواسطة أشرف العدوي
وبضمان المحل ولا سامسونج ؟؟
ياريت لو لينكات لمواقعها
:::::::::::
سؤال مهم انا كمستهلك هيفيدنى ايه لما اشترى الجهاز ابو فاتورة ضريبية
ايه المنفعة اللى هتعود عليها ؟؟ اكيد هروح للارخص !!
انا شاري تليفوني mega من مخل صغير اسمه 4g ارخص من جريم ب 100 جنيه و بضمان سامسونج بس لف على المحلات علشان الاسعار بتفرق 50 جنيه تقريبااقتباس:
المشاركة الأصلية كتبت بواسطة egyboy
و الفاتورة الضريبية بتديك الحق في ارجاع السلعة في خلال 14 يوم او لو حصل خلاف بينك و بين المحل نفسه مش التوكيل بتبقى مستند معتمد طالع من المحل
Sent from my Galaxy Mega 6.3 using Forum Runner
انا كنت بشتغل فى موبيل شوب والضريبه 10%اقتباس:
المشاركة الأصلية كتبت بواسطة أشرف العدوي
انت صح هي طلعت 10% فعلااقتباس:
المشاركة الأصلية كتبت بواسطة mk3
اجهزة الثريا و مكوناتها هي الي 25%
انا هطالب المشرف بتعديل المشاركة علشان ما تبقاش معلومة غلط