كنت عامل موضوع انبارح باسم اسماء الجمعيات الخيره التى تم ايقافها 1055 جمعيه وتم حذفه

**shaaban2008** · 29-12-2013 02:03 AM

المشاركة الأصلية كتبت بواسطة ghostmido

رجااااء مراجعة تطبيق القوانين فى المنتدى لان فعلا فى تحيز واضح....
مشكلتنا مش فى القوانين مشكلتنا ان القانون بيتطبق بالمزاج سواء فى المنتدى او فى البلد.

مؤيد تماما لكلام حضرتك
وطالما دي بقت السياسة العامة لادارة المنتدي
يبقي نقول من تاني خلينا في العربيات أحسن

**احمد المصرى** · 29-12-2013 07:48 AM

المشاركة الأصلية كتبت بواسطة karim_monir

السلام عليكم ورحمه الله
من حقك تسأل ومن حقنا نجاوب
المنتدي له قواعد وقوانين انت وافقت عليها وانت بتشترك وتقدر تراجعها في اي وقت
من القواعد دي
ممنوع الكلام في التابو الثلاثي
الدين ( والمقصود بيها خاصه مناقشه العقائد)
السياسة
الجنس
اي كلام في التلاتة دول ممنوع نهائيا
الموضوع اللي حضرتك فتحته يا استاذ احمد يخص قلب الاحداث السياسيه وبما ان الشارع المصري متاجج غضبا من تصرفات الحكومه فهينتج عنه مناقشه سياسيه ساخنه، وهو ما حدث في الموضوع بالفعل، وستنتهي بوقف العديد من الاعضاء
ولذلك المشرف اخد قرار بغلق وحذف الموضوع ولو حضرتك متضرر من ده تقدر تعمل شكوي للجنة فض المنازاعات وهي هاتفحص الموضوع
-------------------------

استاذ محمد جيدو نفس الكلام لحضرتك
ان موضوع سيادتك ليس موضوع ديني عادي كتلك التي يفتحها العديد من الاعضاء واولهم صديقي العزيز الشيخ خالد
لكن اي موضوع يخص مناقشه العقائد هايتم غلقه وحذفه لانه ممنوع في قواعد المنتدي
يعني حضرتك لو فتحت موضوع عن احكام العمره ولا سنن الوضود محدش هايجي جنبه
لكن لو فتحت موضوع عن الولاء والبراء مثلا او حكم من مات ولم يستغفد من الكبيره هايتقفل لانه في صميم العقيده
-----------

استاذ هلال
القسم الاجتماعي مفتوح لمناقشه اجتماعيات المنتدي دون مخالفه قواعد المنتدي التي وافقت عليها قبل اشتراكك بالمنتدي
وتقدر تراجعها دلوقتي مره تانيه

ودي دعوه لكل الاعضاء انهم يقروها تاني

خالص تحياتي
كريم منير
رئيس مجلس اداره المنتدي

استاذ كريم انا مخالفتش قواعد المنتدى بالعكس دا قواعد المنتدى هيا ال اخدد الموضوع على انه سياسه فتم الحذف على طول يمكن قواعد المنتدى محتاجه تتعدل لان حاليا السياسه اصبحت ذى الهواء والماء انت شخصيا اكيد بتتكلم فى السياسه يوميا اركب اى مواصله هتلاقى الناس بتتكلم فى السياسه حتى هنا بعض المواضيع الخاصه بالسيارات تنقلب سياسه فى ثانيه مش عيب فى الاعضاء ولا فى الناس ولكن بطبيعه الحال السياسه الان ذى الهواء والماء يبق حاليا قواعد المنتدى هيا ال محتاجه للنقاش اى التعديل اذا كان يا راجل الدستور اتغير مش عايز قواعد المنتدى تتعدل مع تغير فكر الناس وتفكير الناس

ارجو قبول كلامى بصدر رحب لان اختلافى معاك فى بعض الامور وليس فى شخصك المحترم

**احمد المصرى** · 29-12-2013 08:24 AM

المشاركة الأصلية كتبت بواسطة s a m a

الموضوع تحول لنقاش سياسى وده طبيعى جدا لان مفيش هدف من نشر الاسماء غير النقاش في امور الحكم والسياسة
ليس مجرد نشر للعلم ولكنه باب للنقاش والجدال
وهو ما حدث مما ترتب عليه حذف الموضوع تجنبا للايقاف الجماعى
اما فيما يخص الاسماء الخاصة بالجمعيات فلا مانع لدينا من اعادة المشاركة وجعها في موضوع مغلق بهدف النشر فقط كما يقال

حضرتك حللتى الموضوع وحكمتى واصدرتى الحكم وكمان نفذته من واقع وجهه نظر حضرتك بس بدون اى رجوع اى نقاش او توجيه !!!!!!!!!!!!!!!!!!!!!!!!!!!!!!!!!

**احمد المصرى** · 29-12-2013 08:40 AM

المشاركة الأصلية كتبت بواسطة lanos2004

انا هقدم استقالتى من نايل موتوز
طبعا مصحوبه بشكر لكل اعضاء نايل موتورز
وكل الاعضاء الى استفدت منهم كتير جدا
وبشكر نايل انه عرفنى على ناس قمه فى الاخلاق والادب والتعاون
وهوة لو كان منتدى للسيارات فقط كان هيكون اروع من انه فتح مجال لمواضيع اخرى -مع عدم الحياديه يعنى الى بيتوقف بيتوقف بمزاج الادارة--وليس تطبيق صارم لقوانين المنتدى
انا اصلا مش عارف ازاى عضو يقدم استقالته وهوة ملوش اى حقوق غير انه بيشارك
شكرا نايل موتورز
وسنه جديدة عليكم سعيدة
الفنان التشكيلى -والنحات -و مهندس جرافيك
احمد عبد الهادى
وداعا نايل

انا مش عارف انت بتتكلم بجد ولا بتهرج بس اكيد انت بتهرج وفى الحالتين ان من الناس فعلا المحترمه جدا ولما قابلتك احترمتك اكتر يا باشا ووجودك مهم جدا بالنسبه لينا

المشاركة الأصلية كتبت بواسطة s a m a

ماهو زى ما حضرتك وضحت ده حكم محكمة تم نشره في الجرائد

معنا كدا ان الطالب بلاش يجيب كتب خارجيه ما المدرس بيشرح فى الفصل !!!!!!!!!!!!!!!!!!! منطق غريب جدا !!!!!!!!!!!!!!!!!!!!!!!!!!!!!!
ووجود الخبر لن يفيد العضو باى شئ فهى ليست مشكلة تواجهه ويبحث عن حل او موضوع محتاج فيه راى الزملاء

النقاش مش مفيد امال المنتدى معمول ليه اساسا علشان النقاش لو النقاش مش مهم يبق المنتدى مش مهم !!!!!!!!!!!!

وقى الاصل هذا القرار هو قرار سياسى اى مخالف لقواعد المنتدى
اجتماعى نايل موتورز للتواصل بين الاعضاء وتبادل الاراء والخبرات الحياتية وليس للامور السياسية

مصر كلها بتتكلم فى السياسه وحضرتك اكيد بتتكلمى فيها فى كل مكان وكل واحد فى مصر بيتكلم فيها يبق القوانين هيا ال مخالفه لارض الواقع ومخالفه للوضع ال احنا عايشين فيه

وسبق وان وضحنا مرارا ان ابتعاد المنتدى عن الخلافات السياسية بهدف اعادة وحدة الصف بين الاعضاء وليس لاى سبب اخر

النقاش الجاد المحترم مفهوش اى مشكله اطلاقا واى عضو بيتكلم فبيكتب وجهه نظروا مهما كانت صح او غلط مش معنى كدا اانا نسمع ال يعجبنا بس !!!!

فكل عضو مسئول عما يكتب وكل عضو متمسك برايه ولا يستمع او يقتنع اى شخص باراء المخالفين له
فما عادت علينا النقاشات السياسية باى خير بينما حولت الكثير من الود والاحترام الى خلافات وصراعات

مدام سما

حضرتك مسئوله عن لم شمل الاعضاء وعدم تفريقهم بطريقه ما ودا واجب لكل مسئولى المنتدى ارجو الانتباه واخذ الموضوع بجديه مطلقه اعتبريها نصيحه من اخ

نصيحه اخيره ..... حضرتك محتاجه كورس فى الاداره ...... لا اقصد اى اسائه وربنا شاهد على كلامى بس دى مجرد نصيحه من اخ

وارجو قبول كلامى بصدر رحب

**Karim_Monir** · 29-12-2013 11:25 AM

للاسف فيه اللي تفهم قصدي وفيه اللي مستمر علي رايه وهو حر
منتدي نايل موتورز منتدي سيارات يضم جانب اجتماعي لمناقشه بعض امور الحياه للاعضاء
ومفيش تغيير تم في قواعد المتدي من اول ما قبلتو تشاركو فيه
للاسف معنديش حاجة تانية اقولها في الموضوع ده
تحياتي

**احمد المصرى** · 29-12-2013 11:45 AM

المشاركة الأصلية كتبت بواسطة karim_monir

للاسف فيه اللي تفهم قصدي وفيه اللي مستمر علي رايه وهو حر
منتدي نايل موتورز منتدي سيارات يضم جانب اجتماعي لمناقشه بعض امور الحياه للاعضاء
ومفيش تغيير تم في قواعد المتدي من اول ما قبلتو تشاركو فيه
للاسف معنديش حاجة تانية اقولها في الموضوع ده
تحياتي

علشان كدا المنتدى بيقل كل يوم واسهمه بتقل ربنا يسترها معاك بس المنتدى قائم باعضائه وليس باعلاناته الاعلانات بعد الاعضاء وليس العكس بدون اعضاء لا يوجد اعلانات لا يوجد فلوس لا يوجد منتدى

ربنا يسترها معاك ومعانا كريم باشا