عربيه مستعمله ب 100000 و مش عارف اجيب ايه ممكن النصيحه

**shiko82miu** · 22-09-2008 09:57 AM

السلام عليكم يا جماعه أنا في مشكله.
أنا عايز أركب حاجه محترمه يعني(BMW Or Mercedes) بس مش هينفع. و كمان مش عاجبني الزيرو اللي في الرانج ده , ممكن النصيحه لو سمحتم.
أخوكم عمرو

**Nour_Peugeot** · 22-09-2008 10:04 AM

بما انك بتتكلم عن المرسيدس و البي ام يجي تحتيهم البيجو في الفخامة و وسع الصالون

وولي نصيحة ليك بلاش تجيب ب ال 100000 الف كلها سيب 10000 علي جمب علشان اكيد اي عربية مستعملة هتصرف عليها

وانا في اريي انك تجيب 406 فيحدود 80 ال 90 الف و عربية محترمة جدا جدا و الله مش تحيز لي البيجو انا بنسحك بس هات مودبل اعلي من 2002 علشان كان في عيب في الموديلات القديمة و اتصلح خلاص

و ممكن تجيب اوبل فيكتر برده بس انا معنديش عنها خلفية اووووي
و ممكن تجيب جيب شروكي برده كويسة بس اعمل حسابك في البنزين و الضريبة
و ممكن سكودا a4 كوبسة و بسم الله مشاء الله عربية معمره اوووووووي

و يبقي القرار ليك و ارجو اني اكون افدتك

**sab3aawy** · 22-09-2008 10:09 AM

البى ام او المرسيدس المتاح هو موديلات التسعيناتـ ، يعنى ممكن بى ام دبانة او مرسيدس سى ام فانوس مربع وهتحتاج تزود شوية علشان توصل لها

فى الفئة دى من الزيرو فيه الأوبترا والصنى واللانسر البومة والإلانترا

لو هتزود شوية عندك الميجان واللانسر الشارك والكورولا والاوكتافيا A4

طالما انت بتحب العربيات ذات الطابع الأوروبى ومعندكش مشاكل تركب شكل قديم يبقى ممكن تجيب اوكتافيا A4 زيرو، وفرق مستوى الانتاج بينها وبين المرسيدس والبى ام هيعوضه فرق 15 سنة بين الزيرو وبين اول بى ام انت ممكن تلحق تركبها

**mshamy** · 22-09-2008 10:32 AM

ممكن تشوف هوندا سيفيك 2005 جميع الكماليات تكون ماشية 30 او 40 كيلو فابريقة بالكامل تعمل حوالى 95 الف
بجد عربية تحفة و عن تجربة

**M.Mokhtar** · 22-09-2008 11:35 AM

اوبل فكترا 2000 سىسى وعيش حياتك
عربيه مالهاش حل ولو عرفت توصل لوحده Cdx يبقى احلى كلام
عربيه قويه جدا وثبات وسرعه وكماليات اعلى من اى عربيه زيرو حاليا

**fireboy** · 22-09-2008 01:57 PM

السلام عليكم
انا راى برضه بيجو 406 طالما انت بتدور على الفخامه و الله مش انحياز للبيجو بس انا بقولك رأى و برضه العربيات اللى قالو عليها الاعضاء ممتازه و فى الاخر الاختيار ليك و ربنا يوفقك و اسف على الاطاله
شكرا

**hazem_khidr** · 22-09-2008 05:51 PM

هات اعلي موديل ممكن تجيبه
و انا من رايي ان ال 100 الف يجيبوا اوكتافيا 2004 او 2005
نضيفه اوي و ماشيه قليل.

**blazer** · 22-09-2008 06:11 PM

ممكن تجيب كمان ميجان مستعمله موديل 2007 حاله نضيفه اوووووى
او فولكس بورا 2002
او سيات توليدو 2001
بيجو 406
بيجو 307 موديل 2006
وربنا يوفقك

**Ahmed Selim** · 22-09-2008 09:01 PM

أرشح الأوكتافيا A4 و الفيكترا بشدة

لو عندك طولة بال مع الميكانيكية بس عاوز تركب Bmw أو مرسيدس.......دوس.......ركوبة ملهاش حل بس الشرط الوحيد أنك تكون على أستعداد لأى طوارئ......السن له حكمه برضه :)

فى حالة البى أم أو المرسيدس سيب 10000 جم على جنب أحتياطى
ولو أوكتافيا أو أوبل سيب 5000 جم بس

-

الموضوع: عربيه مستعمله ب 100000 و مش عارف اجيب ايه ممكن النصيحه

LinkBack

أدوات الموضوع

عرض

-

-

-

-

-

-

-

المواضيع المتشابهه

الحقيقة انا تعبت ومش عارف اشتري عربية مستعمله .... ممكن مساعدة

ارجو النصيحه فى ضمانات تقسيط عربيه مستعمله من شخص

انا مش عارف كل لما اجي اقرر اجيب عربيه تقفلوني منها

محتار مش عارف اجيب عربيه ايه

عاوز عربيه مستعمله ب 100000

الكلمات الدلالية لهذا الموضوع

المفضلات

المفضلات

ضوابط المشاركة