ابنى هيموت على اى حاجة عشان يلعب جيم فى اجازة نص السنة المهم مطللوب حاة فى حدود الالف جنية مع الضمان ولو تسمحوا يا اخوانى اية الفرق بين الاى باد والتاب واية احن الانواع فى حدود الف جنية وشوية
عرض للطباعة
ابنى هيموت على اى حاجة عشان يلعب جيم فى اجازة نص السنة المهم مطللوب حاة فى حدود الالف جنية مع الضمان ولو تسمحوا يا اخوانى اية الفرق بين الاى باد والتاب واية احن الانواع فى حدود الف جنية وشوية
التاب من سامسونج
الاي باد من أبل
التاب عبارة عن جهاز كومبيوتر لوحي ( يعني بيشتغل بالتاتش كله ) وبيشتغل بنظام الاندرويد
الاي باد بردو جهاز كومبيوتر لوحي ( تاتش ) بس من شركة أبل وبيشتغل بنظام ios و ده النظام الوحيد لشركة أبل
ده كل اللي اعرفه
واعتقد كده التاب اللي من شركة سامسونج منتشر اكتر وارخص من الاي باد واسهل في استخدامه على حد علمي
التاب بيشتغل جهاز كمبيوتر + تليفون
الايباد جهاز كمبيوتر بس
الاتنين في منهم انواع ممكن تشغلهم كجهاز لوحي بس او جهاز لوحي + تليفون
بس هم عموما اغلى من الميزانية اللي حضرتك حاططها
بالسعر اللى حضرتك محدده فى تابلت lenovo ideatab a1000 بيتصل بالنت عن طريق الواى فاى فقط و تمنه حوالى 1000 جنيه
فيه كمان acer iconia b--710 برضه فى نفس الفئه أو أغلى 100 جنيه واى فاى ثرضه
و فيه hp و توشيبا فى حدود 1300 جنيه واى فاى
كمان فيه أنواع صينى كتير أرخص و كمان فيه مصرى
لكن لو عايز سامسونج فأرخص حاجة فى حدود 1600 واى فاى
أما الأى باد فأرخص حاجة المينى فى حدود 3000 أو أقل شوية واى فاى
لو عايز تابلت يتركب فيه شريحة تليفون و يشعل النت فى أى مكان يبقى الأسعار هتزيد و مش هتلاقى فى حدود الألف أو أقل إلا الصينى المشكوك فى جودته
متابعععععععععععع
جزاكم الله خيرا ، انا أستفدت أكثر من صاحب الموضوع .
والشكر موصول لصاحب الموضوع
الفرق بين التابلت و الآيباد بإختصار شديد إن الآي باد من عائلة التابلت بس الإسم التسويقي ليه iPad
و نازل من شركة آبل.
يعني لو اعتبرنا الموضوع شجرة هتلاقي الجذر بتاع الشجرة فيه التابلت و الفروع بتاعته
iPad, Lenovo ideaPad and Samsung Tab2 etc...
يعني كلهم Tablets
بس بيختلف في الشركة المصنعة و السوفت وير الي نازله و طبعا في السعر.
التابلت افضل من الايباد حيث ان شركه ابل لا تسمح بنزول البرامج الا المخصص للايباد و لازم يكون من شركتها و طبعا ده بفلوس فده هيخليك دايما متقيد بمنتجات ابل فقط اما التابلت فهو كمبيوتر تعمل فيه الى انت عاوزوه غير انه ارخص
يا جماعة الipad دا عبارة عن tablet (تاب).
السؤال ايه الفرق بين التاب و الايباد كانك سالت ايه الفرق بين العربية و اللانسر.
اللانسر هى عربية بتصنعها شركة اسمها ميتسوبيشى.
الايباد هو تابلت (او تاب كاسم مختصر) بتصنعه شركة اسمها apple.
الناس هنا فى مصر مسمين التابلت ايباد علشان الايباد هو اشهر تاب , لو ضربت مثال بالعربيات كان شخص مسمى كلمة عربية (سيارة) لانسر!!
تابلت معناها كمبيوتر لوحى يعنى اللى هو زى شاشة منغير زراير و فى مصنعين كتير زى apple بيعملوا ماركات كتير زى ipad و ipad mini و كدا , فى مصنعين تانيين زى lenovo و acer و samsung و asus و huawei و dell و Hp و toshiba و اشهرهم فى صناعة التاب هى سامسنج و فى مركات صينى متتعدش
فى احجام من التاب و فى فرق امكانيات كبير جدا بين الموديلات
عايز حاجة كويسة فى حدود 1000 جنيه عندك اللينوفو الa1000 دا احسن امكانيات باقل سعر بس مفيهوش نت عن طريق الموبايل (النت عن طريق راوتر الwifi بس)
بعد أذن صاحب الموضوع
ممكن ترشوحلى نوع تاب للاطفال يكون ريسليوشن عالى مريح للعين ومايسببش ضعف نظر بغض النظر عن السعر
الصينيون يمتنعون علشان ليا تجربة مريرة مع الصينى