الموضوع: ازاى اعرف السويفت الى بشتريها فابريقة ولئة ؟؟؟؟؟

السلام عليكم
من فضلكم يا جماعة
ازاى اعرف ان السوزوكى سويفت تحديدا موديل 93 انها فابريقة ولا لئه
يعنى ابص على ايه وانا بشترى عربية مستعملة وخصوصا السويفت 93
علما بانى جديد فى قصة العربيات دى ولا يوجد خبرات سابقة

شكراااااااااااا

المشاركة الأصلية كتبت بواسطة max100x

اولا انصحك بأنك تاخد حد فاهم في شرا العربيات كويس و حبذا يكون واحد فاهم في نفس الموديل اللي هتشتريه

و هو معاك ركز في الحاجات دي

عداد الكيلو متر ...حاله الموتور الخارجيه ... حاله الدهان...افتح الشنطه و الكبود و بص علي الصاج شوفه عليه اثار دهانات او لحامات او غيره....اركب العربيه و جربها علي السرعات العاليه و كل بيها مطبات عادي علشان تشوف عفشتها ايه حالتها.

الفرش الداخلي ارفعه و بص تحته و شوف اللون شكله ازاي .... ارفع العربيه في اي محطه بنزين و بص عليها من تحت

اعتقد كده كفايه بس بكررهالك لازم حد يكون موجود معاك

بشكرك جداااااااااا على المعلومات دى
واكيد ان شاء الله هاخد معايا حد فاهم
بس تفتكر لو مالقيتش حد معاه نفس العربية
وجبت صنايعة يبقى صنايعى ايه
سعنى ميكانيكى ولا سمكرى ولا عفشجى ولا بتاع بوهية ولا ايه
وهل ينفع اننا اخد العربية الف عليها فى الورش فى التخصصات المختلفة
واتاكد من حالة العربية
ولا مفيش الكلام ده