يا جماعه انا كنت عايز اعرف انواع و اسعار فلاتر المياه.
يا ريت لو في اي حد عنده فكره يتفضل و يشارك.
انا معروض عليا فلتر 5 مراحل مكونات امريكي من شركة waterworld و تقفيل مصري ب 1650 و ضمان مدى الحياه
السعر ده كده كويس؟
شكرا للجميع
عرض للطباعة
يا جماعه انا كنت عايز اعرف انواع و اسعار فلاتر المياه.
يا ريت لو في اي حد عنده فكره يتفضل و يشارك.
انا معروض عليا فلتر 5 مراحل مكونات امريكي من شركة waterworld و تقفيل مصري ب 1650 و ضمان مدى الحياه
السعر ده كده كويس؟
شكرا للجميع
ياريت حد يفيدنا يا جماعة لان انا عايز اجيب فلتر
استاذ فادى هو حضرتك لقيته فين
جالي اعلان من عندهم في ايميل و كلمتهم و جم عملوا اختبار للمياه و قالولي على العرض ده.
لو عايز فلتر كويس ويعيش معاك يبقى اشترى الفلتر الـ National
فلتر يابانى محترم وممتاز فى تنقية المياه واحنا اشتريناه من السعودية من 5 سنين وشغال زى الفل هو ثمنه فى مصر تقريبا 250 جنيه
نا هاقولكم علي تجربتي مع الفلتر انا كنت دايخ علي شركة كويسة تجيب فلتر و يكون مضمون و سعره حلو المهم واحد صاحبي قالي علي شركة اوشن بجد شركة محترمة جدا جدا و معاملتها رهيبة و فيهم ميزة انهم ممكن يقسطو الفلتر زي منتا تحب و علي فكرة الفلتر بتاعهم راكب عندي بقالو سنتين و بجد تحفة فلو عاوزين تليفونهم انا معايا رقم المندوب بتاعهم بيجي لغاية عندكم و اي خدمة
فلتر باسونيك مجربه بقالى 3 سنيين كويس جدا وكان وقتها ب 300 وغيار الخرطوشة
كل 6 اشهر ب90 جنيه وهو يبانى بتاع بلده
فى فيلتر تانك , تصنيع مصرى , و فى منة عدة مودلات , كلم الشركة و هى حتبعت مندوب يقوم بتحليل المياة و يقولك على الفتلر المناسب .
عندهم فلتر "مرحلتين " و دة مناسب لازالة الشوائب و تقليل الكلور من الماء , و لو عاوز مراحل اكتر و تعقيم و ازالة املاح موجود برضو , كلمهم و شوف اللى يناسبك .
و لو عاوز ممكن اقولك على مندوب من عندهم انا تعاملت معاة . و معملتهم جيدة .
اجهزة الفيلتر تصنيع مصرى و شمعات الفلاتر مستوردة .
انا كنت جايبه من العتبة وكانت بشترى الخرطوشة من هناك بس الكلام
ده زمان لانى لقيت اخوه عند واحد صاحبى وطلع شاريه من التوحيد
والنور الجيزة و انا مكنتش مصدق وكمان قالى الخراطيش بتتباع هناك
وانا فعلا لسه شارى اخر خرطوشة من عندهم وكانت ارخص من
العتبة 5 جنيه تقريبا ويبانى برده ولقيت عندهم تشكيلة فلاتر كبيرة
مستورد ومصرى واماراتى وبيقولوا ان التشكيلات دى فى كل الفروع
ممكن تبقى تروح تتفرج وتاخد فكرة
مميزاته:
بيقضى على البكتريا والفطريات وبيرسب الصدا والمعادن والرمل(ان
وجد)والاملاح اللى فى المياه وبيمتص الصدا والكلور وبيقضى على الروائح
وبصراحة هو ممتاز جدا ويكفى انه يبانى
طيب ازاي نعرف نحكم على جودة الفلتر
على فكرة مش هاتحس بخطورة المية الا لو عندك حوض او بانيو ابيض و مليته ميه..هاتلاقي الميه لونها ازرق !! و ساعات اخضر
هيا مش بتبان و الميه نازلة من الحنفية بس بتبقى واضحة اوي كده..
انا الي راكب عندي اسمه باناسونيك و حمايا كان جابه من الامارات معرفش هوا موجود في مصر ولا لأ..بس ممتاز
يا جماعه انا كنت قريت قبل كده تحذير ان يوجد في السوق المصري بعض انواع الفلاتر بتشيل جميع انواه الاملاح والمعادن اللي في الميه
وده غلط
لأن المفروض ان هناك نسبه من الاملاح والمعادن لازم تكون موجوده في الميه
شوف الموضوع ده هيفيدك ان شاء الله
هنــــــــــــا
انا جبت فلتر 5 مراحل صناعة امريكي بالكامل ضمان سنتين و معاه طقم غيار هدية (شمعات)جبتو ب 2500 بس انا اختو منهم بالقسط دفعت 1000 و قسطت الباقي و اي خدمة و علي فكرة هما ناس محترمين بجد
كلام سليم تماما
وهو دا اللي بتعمله الفلاتر اللي 5 مراحل ..
حتى الفني لما هايجي عندك هايعملك اختبار في كوب ميه عادية وكوب ميه من الفلتر
هتلاقي الميه العادية بعد التحليل بقى فيها حاجات عايمة في المية زي الطحالب والمية المتفلترة مجرد بقى لونها اصفر .. وكدا بيوهمك ان الحاجات العايمة دي شوائب وقاذورات في حين انها بعض الاملاح بالتحليل الكهربائي انفصلت عن المية وبقى شكلها كدا والمية المتفلترة بقت نسبة الاملاح والمعادن فيها اقل من النسبة الطبيعية
غير ان المية المتفلترة دي مع التسخين للمشروبات والطهي بيكون طعمها رديء زي المياة اللي بيقولوا عليها معدنية
هو الحل يكون في الفلتر اللي بيكون مرحلة او مرحلتين يعني بس ازالة الكلور والشوائب انما متغيرش حاجة في المية
مرة واحدة اتصلت بيا بتعمل دعاية للفلتر دا قلت لها شكرا انا سمعت ان الفلتر الكيميائي دا بيفصل املاح ومعادن مهمة من المية .. قالت لي عندي نوع تاني مرحلة او مرحلتين مش فاكر.. من غير حتى ماتصلح لي الفكرة اللي عندي...!!!
وطبعا كلنا عارفين ان مافيش احلى ولا أعذب من مية القـُــلة القناوي..كطعم ونقاوة :)
انا عايز اقول على معلومه بس لانى كنت عايز اشترى فلتر مياه عشان صحتى وصحه اسرتى بعد ما كنت ما بجيب مياه نستله وفى مرة لقيت الميه رحيتها بتبقى وحشه اوى بعد فتح الزجاجة بيوم وكل اللى معايا فى الشغل اكتشفوا الموضوع ده
رحت بعت لنستله العالميه اشتكيهم و واحده كلمتنى هنا من نستله مصر وجالى مدير مش عارف ايه اخد كل الكراتين اللى كنا جايبنها فى الشركة وادانا يجى 5 كراتين هديه واقعد يعتذر وحركات
والراجل قالى انا هاحلل المياه وهاقولك اول لما تطلع
طبعا واحده كلمتنى من الشركة بعد شهر وقالتلى ان المياه ذى الفل والمشكلة فينا كلنا عشان احنا بنشرب من الزجاجة
المهم قلت خلاص انا مش هاعتمد على مياه معدنيه تانيه .. اذا كانت نستله كده يبقى التانيين عاملين ازاى
قلت لازم اجيب فلتر اقعدت ابحث وابحث لقيت ذى ما المياه مضروبه فى مصر غالبيه الفلاتر مش مضمونه لانى لقيت موقع عالمى للصحه ده بيحط كل انواع الفلاتر المعتمده وهما جربوها فعلا والموقع فيه برضه كل انواع المياه المعتمده .. طبعا ملقتش ولا نوع مصرى لقيت سعودى واماراتى لكن مصرى لااااااا
المهم قررت انى اجيب فلتر من امريكا وجبته والحمد لله شغال معايا ذى الفل والفلتر نوعه بيور
http://www.purwater.com/
اما اسم الموقع اللى يبقى مرجع قبل ما تجيب اى فلتر هو ده
http://www.nsf.org
يعنى مثلا قايلين على الفلتر اللى انا جبته الكلام ده
http://www.nsf.org/Certified/consume...d_text=Product Name
ياجماعه انا كنت لما اكلم شركة فلتر بتاع المبيعات يقعد يقولى كلام كتير انه امريكى و و .. اقوله حلو معتمد بقى من NSF يقولى هاحولك على الدكتور .. الدكتور يقول لا الشمع احنا بنجيبه من الصين لكن الجهاز مكوناته امريكيه
انا كده محتار جدا ّ!!!
وبندور حوالين نفسنا؟؟ !!!
يعني نجيب ايه في الاخر؟
ي شركة اوشن و مسئول المبيعات بتاعها اسمه الاستاذ احمد سمير ممكن تكلمو و تقولوله من طرف المهندس مينا و هو بجد انسان محترم فعلا بس انا مش عارف ممكن اسيب رقمو هنا و لا لا
يا ريت تكتب لنا ارقام الشركه يا نينو لاني عايز اكلمهم برده
ana raya7t dema3'y wgebt Tank mar7ala wa7da bas elsham3a bta3too 2in 1
m2addy el3'aradd welmaya ba2et a7san keteeeeeer :)
wmsh by2asar 3ala mokawnaat elmayah .
انا هاكتبلكم الرقم و اتصلو بيه و قولوله احنا من طرف المهندس مينا و صدقوني مش هتخصرو حاجة هو اسمو الاستاذ احمد سمير من شركة اوشن علي فكرة دي فرع من فروع شركة ووتر ورلد الامريكية هما ناس كويسين و عندهم كذا نوع و ده رقمه 0105288585
جزاك الله خير يا باشمهندس مينا انا هكلمه واقولك عملت ايه الف شكر
انا كلمتوا لقيت تليفونه مغلق لكن هجرب تاني بعد ساعه كده يمكن يكون لسه بيصلي
طمني يا استاذ تايسون عملت اه
أستاذ فادى
أنا كنت جايب فلتر باناسونيك يابانى من حوالى سنة وكنت جايبه من بورسعيد المحل أسمه سوفينير فى البازار وكان بـ 290 جنيه والمحل دة له فرع فى مصر بس مش عارف فين .
وهو له خرطوشة كربون بتتغير كل 6 شهور تقريبا
وسعرها حوالى 70 جنيه .
وبصراحة هو مريحنى قوى يعنى لما أشرب من الميه بتاعة الفلتر مبحسش بأى طعم أو ريحة للمية .
وحكاية شركات فلاتر المية دى مش عارف بحس إنهم نصابين .
وقبل كدة واحد عمللى تجربة قدامى جاب كوباية ميه وحط فيها جهاز كهربائى على أساس أنى أشوف الشوائب اللى فى المية وفعلا لقيت المية لونها أصفر وحاجات لونها غامق على وش المية ولما سألت عرفت بعد كدة أن الجهاز دة ما هو إلا جهاز لفصل المعادن عن المية عشان كدة يبان لك أن المية مليانة شوائب .
اتصلت و لا لا يا تيسون و قولي عملت اه
اه اتكلمت يا نينو وجالي استاذ احمد سمير قبل الفطار النهارده وهوشاب محترم ومهذب زي ما انت قلت واتفقت معاه علي كل حاجه وجالي مع فني التركيب بعد الفطار وركبوا الجهاز وكله تمام جزاك الله خير لانك اللي دلتني وانا فعلا مبسوط بالجهاز ده
هو زي جهازك بالظبط امريكي ب2500 جنيه 5 مراحل ودفعت الف وهقسط الباقي علي 3 شهور بس الفرق ان الجهاز بتاعي ضمان سنه واحده ومجبش ليه شمعات هديه والجهاز اسمه ultratic
علي فكره انا بعت لك رساله خاصه وصلتك ولا ايه
بص يا نينو انا عندي لما بفتح الحنفيه بتاعه الفلتر بلاقي الموتور بيعمل شويه تكتكه كده اكنه بيقوم وبعدين بيشتغل بصوت طبيعي ولما بقفل الحنفيه والموتور بيقف بيعمل تكتكه برده فهل ده طبيعي في موتور الفلتر اللي عندك ولا انا محتاج اكلم بتوع الصيانه ؟؟
وصلت يا باشا و انا بعتلك رسالة و كل سنة و انت طيب
وانت بألف صحه وسلامه يا مينا ومتشكر جدا علي نصيحتك بخصوص الفلتر كان توجيه ممتاز منك وفعلا انا سعيد بيه الف الف شكر