السلام عليكم و رحمة الله و بركاتة
انا معايا تيجو 2000 سي سي و عدلت فيها كل حاجة الا الموتور انا عايز اعرف انهي الافضل التربو ولا السوبر تشاجر
و بالسنبة للفلوس متقلقوش
شكرا لكم:untitled:
عرض للطباعة
السلام عليكم و رحمة الله و بركاتة
انا معايا تيجو 2000 سي سي و عدلت فيها كل حاجة الا الموتور انا عايز اعرف انهي الافضل التربو ولا السوبر تشاجر
و بالسنبة للفلوس متقلقوش
شكرا لكم:untitled:
متابع
بيعها و هات حاجة ينفع تتعدل احسن !
باشا احنا حنتكلم مع بعض بس انا خبرتي على قدي مع موضوع التعديل
انت بتقول انك عايز تعدل التيجو 2000 cc والفوس مبتفرقش معاك ولكني انا ركبت التيجو ال 2000 وعارفها كويس ضعيفه اوي على ال2000 و لما تيجي تعدلها صعب اوي لان لتيربو او السوبر تشارجر مبيتسقطش بس كده لوحده لأ ده معاه تعديلات بتحصل للمكنه كمان زي تغيير البساتم لنوع رياضي يستحمل الضغط الللي حيزيد و يتركبله انتركولر و حجات كتييير اشك ان التيجو حتساعدك ف كده انك تلاقي قطع الغيار ديه
المشكله في نقطتين هما ان التيجو صعب جدا انها تقبل التعديلات و ثانيا مكنتها مش حتسنحمل الضغوط اللي حتزيد معاهم
انا شايف انك ممكن تركب عربيه من اللي بتقبل تعديلات بسهوله للغايه زي البي ام و الهوندا
و اعمل حسابك اي عربيه حيتسقط لها تربو محترم او تعديلات في التغذيه المبلغ مش حيقل عن 7000
مستني ردك والمناقشه معاك
نصيحه بلاش
فلتر اسبور ب short intake و عدل نظام العادم ب headers و موسير و ديفيل اصلي و و هتتبصت
ماتوجعش دماغك وتعدل علي عربيه صيني غير قابله للتعديل لو عايز تركب صح بيعها وهتلك حته امبريزا 2007 وهتغيرلها سيستم wrx sti موتور 2500 تربو بيديك 300 حصان علي ابوه حاجه بتاعت بلادها وانا بقوللك سوبارو لانها الوحيده اللي في كل العربيات اللي بتتعدل All Wheel Drive يعني هتاخد منها اداء احسن من البي ام وسعرها هيكون اقل ممكن التكلفه كلها تخشلك من 100 الف الي 110 الف كل ده شامل العربيه وهتكون فابريكا بره وجوه كمان والسيستم كامل موتور وضفيره وكنترول وعفشه وتسقيط وضبط كل حاجه وهتحس انك راكب وحش تقدر تعلم بيه علي اتخن عربيه في بلدك بدون مبالغه
الافضل والاقل تكلفة بيعها وهات حاجة متعدلة
بلاش احسن دى تيجو مش ارمادا
التغيير تربو او سوبر تشارجر
معتقدش انه ينفع العربيات الحديثة كلها نسبة الانضغاط فوق ال 10 ، وعلشان التربو يشتغل صح لازم نسبة الانضغاط تقل الى 8
هذا على قدر معلوماتى.
او هتشتغل على بوست قليل
MMamdouh