عرض للطباعة
السلام عليكم يا أعضاء هذا المنتدى الجميل والمفيد
نويت أتوكل على الله و أبيع الماتريكس بتاعتي و أشتري عربية علية من تاني و بعد مجهود كبيير رسيييت المقارنة على القاشقآي والبيجو 3008 العربيتين أنا ركبتهم و الإتنين ماشاءالله محترمين جدا بس نفسي من يل أعضاء الكرام حد يفيدني بآرائه عن تجربة العربيتين و إيه نظامهم على الطرق بتاعتنا الجميلة ، إيه نظام التوكيل و قطع الغيار . أنا إن شالله بعد الشراء ناوي أعد بيها كتير و مش ناوي ابيعها خالص.
انصحك بالقشقاى
بس مجربتهاش فسامحنى مش هقدر افيدك والاعضاء الكرام ممكن يفيدوك
قشقاي
البيجو متنفعش فى مصر .. ده انا شوفتها مرتين فى حياتى .. قشقاى افضل
3008
3008 مختلفه كتير
القشقاي سعرها اقل و اعادة البيع افضل
بس مش عارف اسعار قطع غيار القشقاي ايه
انا راي الشخصي انك تستمي لحد اول السنة وتجيب بيجو 2008 وده اسمها مش سنة صنعها للعلم ......عربية جميلة اوي ادخل وشوفها علي النت ....وممكن تسأل التوكيل علي موعد نزولها .....انا سمعت من حد من التوكيل ان سعرها في حدود 175 الف وهي منافسة مباشرة للقشقاي بس شكل افضل وكماليات اكتر وسعر احسن بكتير لكن لو مش حابب المجازفة يبقي قشقاي
اسئل عن قطع غيار العربيتين الاول وشوف الموضوع ده
http://www.nilemotors.net/Nile/371216-17-600-a.html
والله موضوع محيّر فعلا، لكن عموما أنا في آخر الأمر اخترت قاشقاي عشان الانتشار، إنما إذا استطعت أن تؤجل الشراء لثلاثة شهور أخرى على الأقل، فسيكون لديك قاشقاي الشكل الجديد ( ولست متأكدا من سرعة توفير الوكيل لها ) وسيكون هناك بديل آخر ممتاز كذلك هو بيجو 2008 كما تفضل الإخوة الكرام.
أستاذ وليد فتحي ممكن حضرتك توضحلنا 3008 مختلفة إزاي ؟ و واضح من البيانات أنك من ملاك ال 508، ده أنا معتمد عليك إنك تشجعني أشتري ال3008 هاهاها
للأسف ياجماعة ال 2008 مش عجبني خالص، شكلها ضيقة و مش داخلا دماغي بتصميمها ، ده أولا اما ثانيا منسبل الكاشقآي الشاكل الجديد متهيألي هياخد وقت طويل عقبال ما ينتشر و ينزل مصر و من شكل العربية كدة واضح إنها هتعدى البدجت جامد :) لما يل تيدا إلي لسة نازلة من كام إسبوع بسعر عدة يل160,000 فاما بالكم بالQashqai
باترى اية الاخبار
ربنا هداك لاية .. انا عندى نفس المقارنة بس مع حاجات تانية كمان
خالص تحياتي
استاذ عمر انا هكلمك عن القشقاى بس ﻻنى من مﻻكها لكن ال 3008معنديش اى معلومات عنها وبالتالى مش هظلمها وانا مجربتهاش بخصوص القشقاى عربيه ماشاء الله ربنا يحفظها وصالونها مناسب جدا وكمالياتها رائعععععه بالنسبه لسعرها فى هذه الفئه وللعلم انا بسافر كتير وثباتها ماشاء الله وصاجها محمل وبوصل بيها ل180 والعربيه الحمدلله منتشره واثبتت وجودها فى الشارع المصرى ، نيسان مصر توكيل محترم جدا ومنتشر فى الجمهوريه حتى الصعيد .
وبالتوفيق فى اختيارك ....
مفكرتش فالكيا
3008 طبعا فعلا تحس انك في مركبة فضاء وفي الاخر فرنساوي
https://www.youtube.com/watch?v=Qz-lE13MqTs
صاحبى لسه شارى بيجو 3008 تسارع تحفة بس عيب قاتل ان الدركسيون تقيل جدا يكاد يكون بدون باور
التسارع جامد علشان التيربو و موتورها هو بتاع البى ام ال 316 بس موضوع الدركسيون تقيل جدا دا أتأكد من ان ضغط الكاوتشات مضبوط على القيم الموصى بهااقتباس:
المشاركة الأصلية كتبت بواسطة dr_energtic