لانسر سوبر اكشن 2008 فبريكة برا و جوا

لانسر 2008خليجى موتور 1600 سى سى - حقن الكترونى -عداد 75000 ك - سوبر اكشن اتوماتيك- اللون شامبين - فبريكة بالداخل و الخارج (رشة اكصدامين للخرابيش ) - تكيف ثلاجة - فتحه سقف- جنوط سبور لانسر الأصلى - سى دى 6 اسطوانات- بور ستيرنج - فتيس جلد- طارة جلد - 2ايرباج - 2 مفتاح اصلى- سنتر لوك بالريموت اصلى- زجاج كهرباء امامى و خلفى - عتب - اوكر نيكل- اسبويلر - دركسيون قابل للتعديل - كاوتش جديد - بطارية جديدة (من اسبوع) - استبن لم يلمس الارض - تم عمل الصيانة الكاملة لها بالتوكيل ( سيور و فلاتر ) -زجاج حرارى خلفى - فوانيش شبورة - رخصة 5 شهور

رقم موبايلى 01006273802 مطلوب 113000 جنيه

اسف والله على المداخله ....بس انا بدور على عربيه زى دى بس دا سعرها عالى جدا جدا جدا جدا جدا جدا

موفق فى البيع .. بس السعر عالى

اقتباس:

---

المشاركة الأصلية كتبت بواسطة dr ahmed saleh

اسف والله على المداخله ....بس انا بدور على عربيه زى دى بس دا سعرها عالى جدا جدا جدا جدا جدا جدا

---

ههههههههه قبل الثوره بعت عربيتى زيها بلظبط ب80 الف ج!!! هيا الحاجه بتزيد ولا بترخص؟

عربية حلوة و مواصفات حلوة بس سعرها غريب

113000

طب ما انا اروح ادفعهم مقدمه
ولا اشوفلي حاجه تكون موديل قريب وماشية قليل جدا

البلد ديه خلاص كل واحد بقا ماشي بمزاجه

اقتباس:

---

المشاركة الأصلية كتبت بواسطة alexandro

113000

طب ما انا اروح ادفعهم مقدمه
ولا اشوفلي حاجه تكون موديل قريب وماشية قليل جدا

البلد ديه خلاص كل واحد بقا ماشي بمزاجه

---

شكلها كدة

السلام عليكم ورحمة الله وبركاته
طيب ماهو 130000 جنيه والعربية موديل 2008 ........ يبقا موديل ال2014 بـــ 180000جنيه بقا
ايه يا عم الارقام الى الواحد بيسمعها اليومين دول دى
بص العربية دى الى حضرتك كاتب مواصفاتها دى مع احترامى لحضرتك ورأى حضرتك
سعرها بعد غلو العربيات والدولار وغلو الزيرو والكلام ده العربية الى حضرتك بتعلن عنها
تساوى من 90000 جنيه لــــ 950000 جنيه

الناس يا اما ما عندهاش خبرة يا اما بتدخل علي كونتاكت تشوف أسعار التجار و تربط دماغها علي كده. طب و الله واحد صاحبي معاه سيراتو الشكل القديم 2013 مزنوق في فلوس القسط و مش عارف يبيعها حتي ب 123000 يعني فرق 10000 جنيه عن سعر حضرتك. وطبعا 7 سنين فرق و جنوط 17 بقي و فتيس 6 سرعات و هيصة. ربنا يوفقك للي فيه الخير.

تصدق انا فعلا كنت ناوى اكلمك قبل ما اشوف السعر لانى بدور على واحدة بس لما لقيت السعر اتصدمت

انتوا مستغربين السعر ليه ؟؟
التجار كلهم بيقولوا سعر الحاجه الضعف عشان انت تتكسف تنزل للنص فتنزل للربع و هو يبقى كسب فوق المكسب الطبيعي و الزباين كتير
انا رحت اشتري عربيه شيروكي 2001 _(انا تخصص جيب ) الراجل كان بيعاملني على اني خواجه و مش فاهم حاجه
العربيه راشه بره و عاوزه علبه باور و و فيه صوت في الماكينه ( اظنه في الكامات) و الراجل بيقولي مفصولالي ب 105 الف
قلتله اللي فصلها مبيفهمش وانت مبتفهمش عشان مبعتش
انا بشتري العربيه على حسب الحاله
العربيه دي تمشي معايا ب 80 الف ؟؟
و بعد زعيق و طلاقات و حلفانات و و مفصوله بكذا و صرافه عليا كذا اتصل بيا تاني يوم و قالي لو تلزمك ب 83 الف
قلتله خلاص خلصت مش هشتريها لو ببلاش
فعادي يعني يا رجاله اللي تلزمه العربيه يتفرج عليها و يديها حقها و بين البايع و الشاري يفتح الله
و اللي متلزموش العربيه و لا كأنه قرأ الاعلان اصلا

أخرها كام يا أستاذى ؟
وان شاء الله انا شارى
وحضرتك منين ؟

ادينى نمره صاحبك ده بتاع السيراتو

بالتوفيق