اول مشاركة لية
بعت عربيتى اللانسر سوبر اكشن 2006 واشتريت بى واى دى اتوماتيك 2014 ويارب تطلع عربية كويسة عشان انا استهلاكى بمعدل سير 400 كيلو فى اليوم على الاقل
عرض للطباعة
اول مشاركة لية
بعت عربيتى اللانسر سوبر اكشن 2006 واشتريت بى واى دى اتوماتيك 2014 ويارب تطلع عربية كويسة عشان انا استهلاكى بمعدل سير 400 كيلو فى اليوم على الاقل
ألف مبروك .. وربنا يباركلك فيها ويكفيك شرها .. وإن شاء الله تكون مستمتع بيها
اختيار موفق إن شاء الله ...
السيارة لها سمعة طيبة ...
ربنا يبارك لك فيها ويكفيك شرها ...
الف مبروك وربنا يديك خيرها ويكفيك شرها
الف مبرووك وربنا يباركلك فيها
الف مبروك اختيار موفق باذن الله .
ألف ألف ألف مبروك يا باشا وربنا يديك خيرها ويكفيك شرها وشر العين
وخلي بالك منها وياريت تحكلنا عن تجربتك معها
الف مبروك وربنا يكفيك شرها ويعطيك خيرها
ياريت تكلمنى عن استهلاك البنزين جوه البلد وفي السفر
وهل دى المصري 1600 cc ام التقفيل الصينى
الف مليون مبروك
بس هى تمنها كام
وباريت تقولنا تقرير عنها والفرق بينها وبين الانسر
سعرها كام؟
بالنسبة لسؤال حضرتك هى تجميع اية f3 عموما تجميع محلى فى شركة الامل وبالنسبة للسيارة تجميع الصين الى هى هاتشباك بيتهيألى اسمها g3 ودى موتورها 1500 سى سى بس دى مانيوال بس وبالنسبة للفرق بين اللانسر والبى واى دى بصراحة طبعا اللانسر ما أقدرش اتكلم عليها ماركة يابانى زى الفل وشافت معايا قرف سنة كاملة كنت شاريها عاملة 50000 كيلو وبايعها عاملة 135000 كيلو يعنى 85000 كيلو استهلاك بصراحة غيرت تيل فرامل مرة واحدة امامى خلفى معرفش شكلة اية العفشة ما اعرفش عنها حاجة لانها بصراحة عفشتها ما يتحكيش عليها عربية بيتهيألى ما يشكوش منها الا حاقد بس انا ما كنتش بحبها عامل زى ماتكون متجوز واحدة مش طايقها بس أهو انت عايش انا بتكلم على الشكل العام طبعا او مظهر السيارة بصراحة انا جبتها بعد هوندا سيفيك 92 كنت بعشقها بس كنت بصرف عليها كتير فى الصيانة بصراحة انا حبيت البى واى دى من الناحية الشكلية الخرجية والداخلية أِما من ناحية الاداء لسة مظهرش اى شكوى طبعا لانى لسة ما كملتش 2000 كيلو اما بالنسبة للبنزين بيتهيألى الاستهلاك عالى شوية خصوصا على السرعات العالية اما فى السرعات المتوسطة معقول .
يارب اكون أفدتكوا طبعا
لو حد سأل بعت اللانسر لية كانت ابتديت تتعب بقى من الخارج اتخبطت واتجرحت كام تجريحة محترمة والله كلهم وهى واقفة انا بسوق كويس وكان الموتور ابتدى ياكل ذيت لانى بصراحة قسيت عليها قوى اخر شهر كانت معايا مشيت بيها حوالى عشرين الف كيلو اغلبهم على سرعة من 160 الى 200 كيلو بس للئأسف كنت مضطر جدا لكدة كان سباق مع الزمن لشغل جديد وبصراحة انا ماليش فى شغل تجديد السيارات وما بحبوش
ألف مبروك يا باشا ... ربنا يسعدك بيها و يرزقك خيرها و يبعد عنك شرها .......
أنا برضه عايز أعرف أحساسك بالعربية ايه بعد اللانسر هل تحس انك برضه في الصيني نزلت في المستوى قوي ولا الموضوع ده مش محسوس قوي بين الاتنين ... لاني عايز أغير عربيتي اليومين دول و مش عارف اعمل ايه لاني كل ما أفكر أغيرها أقلق من التجربة لاني كييف سواقة و بجري بسرعة لان طريقي كله دائري ....
و انت بتقول بتجري على 160 .... ف ايه احساسك مع السرعة فيها ..
تمنها 92500 من شركة الامل
بصراحة انا حاسس ان البى واى دى اتزانها احسن من اللانسر انا طريقى برضة دائرى وطريق العين السخنة هى عيبها الوحيد ان الموتور بعد 3000 ار بى ام صوتة بيعلى قوى معرفش لية اللانسر موتورها صوتة عالى برضة بس مكانش محسوس قوى انما فى البى واى دى محسوس والعيب التانى بتستهلك بنزين فى السرعات العالية انما غير كدة اتكل على الله العربية زى الفل
طبعا موضوع البنزين دة برضة مقارنة مع اللانسر هى بتاخد حوالى لتر لكل 10 كيلو على سرعة 160 فيما فوق وبيتهيألى دة مش وحش برضة بس اللانسر كانت احسن شوية بيتهيألى كان لتر لكل 12 او 13 كيلو
انا اسف بالنسبة للسعر السعر 90500 مش 92500 كان الاول بيتكلموا فى 92000 وبعد مفاوضات وبعد ما عرف انى كنت هاخدها من عند سمير ريان ب 91000 نزل 500 جنية كمان
مبروكة عليك..وتعيش وتركب وتتهنى..ومستور دائما طريقك ان شاء الله
ملحوظة:
صياناتك فى ميعادها..زيت تخليقى من اولها (10000 كم)
ماتقرصش على العربية أوى ..وهى هاتديلك التسارع اللى انت عاوزة
يعنى اجرى على سرعات ولكن بدون قرص على الاكسراتير .هاتاخد
منها احلى نتيجة..وبالتوفيق دائما ان شاء الله
ما شاء الله .. طيب و الله طمنتني ... ربنا يباركلك فيها و يسعدك بيها يا رب .... بالنسبة لموضوع البنزين أنا أصلا عربيتي الحالية 2000 سي سي ف أكيد هي هتبقى أقل و أريح في الاستهلاك .
الف الف الف مبروك يا باشا
من اى فرع يا باشا ؟؟؟ والف مبروووووووووك
الف مبـــروك يا باشا