المشاركة الأصلية كتبت بواسطة MohabSaeed
يا جماعه ده فن .... اسمه فن الترريتت .... محدش سمع عنه قبل كده
سواق الميكروباص او التوكتك او ماشابه من اشباه المواصلات .. لما تبقى النشوى واخداه و سعيد و فرحان بدون سبب ... تلاقيه ماشى بيعمل كده " ترريت ... ترريت تررررررريت " و بعديها بشكل متقطع ... " ترريت ترريت ترريت " تلات مرات و بعديها ترررريت ...... والله انا مش بهظر ده بيبقى سيم مابين سواقين الميكروباص
و لما تكون ماشى و سواق الميكروباص بيطلع من جمبك ... دايما يعمل الحركه ديه " تيت تيت تيت " بفاصل زمنى حوالى ثنيتين او تلات ثوانى .
انا فهمت الحوار ده ايام مكونت بركب ميروباصات زمان ايام الجامعه .
طبعا ده غير شتايم الكلاكسات .. و التحيات برده بالكلكسات .... بس دلوقتى بتوع الملاكى اكتشفو طريقه اهدى .... بالنور و الرعاشات ....
ده الموضوع وصل دلوقتى للمساحات الخلفيه و فرامل اليد بقت اسلوب للتواصل !!!!!!!!!!!!!
فعلا مصر بلد عجائب الدنيا ... و ده مش من فراغ ... من الهيافه