ده ثفاقة مجتمع اكثر منها اى حاجة
عرض للطباعة
ده ثفاقة مجتمع اكثر منها اى حاجة
بصراحة عندك حق في كل اللي عملته معاه لانهم بجد مستفزين ومتخيلين ان الشارع ده ملكية السيد الوالد ويعمل فيه اللي هو عايزه ويخبط العربيات اللي هو عايزها وفي الاخر يقولك دي بسيطة تطلع بفوطة يابيه حاجة بسيطة ياانسة :pissedoff: بجد مستفزييييييييين.
انا مرة واحد بنص نقل قرفني بكلكس عايز يعدي مني بس الدنيا زحمة ومفيش فرصة اعديه وده عمال يكلكس روحت عندت معاه ومرضيتش اعديه وبعدين عدي مني سبته يعدي وفضلت وراه وايدي على الكلاكس زي ماكان بيعمل بالضبط ودخل يمين دخلت وراه (بالصدفة كنت داخلة يمين من حظه السئ :D) ودوست بنزين لحد ماجيت جنبه وقلتله شفت بقي انا كمان عندي كلكس في عربيتي وممكن اقرفك بيه برده ومفيش اسهل من كده على فكرة وقلتله انت بتدي كلكسات ليه قعد يهلفط كده بكلام مسمعتوش وانا مديتوش فرصة ورحت مزعقاله بقي وعليت صوتي وقلتله انت بتدي كلكسات لييييييييييه اعملك ايه يعني اصل عربيتي مش بتطيييييييير لو بتطير كنت وسعتلك اعمل ايييييييييييه يعني ها ماتقولي اعملك ايييييييييييييه (اتلهى ومبقاش عارف يرد يقول ايه :D) وانا اصلا عمالة ازعقله ومش مدياه فرصة ينطق :D (طبعا هو اتفاجئ برد فعلي ده لإنه فاكر اني بنت بقي فاهاخاف ازعق فيه ولا حاجة) بيني وبينكم انا معرفش جتلي الجرأة دي منين وزعقتله ازاي وازاي نغمة صوتي اتحولت بقدرة قادر للصوت بتاع الزعيق ده :ph34r: بس هو استفزني جدا وخرجني عن شعوري بجد وفي الاخر سبته مشيت لاقيته برده بيدي كلكس كنت هازنق عليه تاني بس للأسف دخل شمال وهرب الجبان :D :D
سواقين الميكروباس
من كوكب تاني
اغلبهم جاي من كوكب طره
معظمهم عالم اعوذ بالله
لازم تكون للحكومة وقفة مع سلكوياتهم شوية
أنا كلمت Will Smith بس للأسف مش هيجي ....... و هذا ما دار في الحوار ......
أنا: ألو ... ازيك يا Will
:Will ألو .... مين بيتكلم؟
أنا: معاك Meda من مصر بنيابه عن Nile Motors
:Will أهلا و سهلا يا باشا ...... Egypt mother of the world
أنا: (مصر أم الدنيا !!!!! ..... حتى أنت ياWill ) ..... طبعا طبعا .... بقولك احنا كنا عايزينك في موضوع كده بخصوص ...
:Will مصر بلد 7000 سنه حضاره
أنا: (يا فرحتي التقيله) ...... واضح انك متابع يا Will ....... الموضوع بقي يا سيدي ان ....
:Will و أخبار المحور ايه؟ ..... خلص و لا لسه؟
أنا: (ده عرف المحور منين ده .... هوه المحور مشهور اوي كده) ...اه خلص خلص ....... فبقولك احنا عندنا مشكله و .....
:Will و استقريتوا على المثلث و لا لسه ؟
أنا: (!!!!!!) ..... ايه يا Will أنت ناوي تنقل مصر و لا ايه ...... أسمعني بقه و الا هشوف حد تاني
:Will: sorry man …. What is up?
أنا: بص يا باشا .... احنا عندنا شويه سواقين ميكروباصات كده مش طبيعيين خالص .... بيعملوا عمايل سوده و.......... (و حكتلوه الحكايه)
:Will: امال فين البوليس؟ .... ايه التسيب ده
أنا: (طيب قوي!! ) .... معلش يا باشا .... الشرطه مش فاضيه اليومين دول ..... بتزبط المثلث العاكس
:Will: ااااااااااه قولتلي بقه ........ طب فين الحكومه مش تتصرف؟!!أنا: (ده شكله هيخبط في الحلل) ...... معلش يا مان ....... الحكومه بتزبط شنطه الأسعافات .....:Will: ااااااااااه قولتلي بقه ....... طيب اوكى .....أنا: احنا قولنا مفيش غير Will هو اللي يخلصنا من المخلوقات العجيبه دي ..... انت ليك خبره برضه مع ال Aliens ايام Men in Black ...... و عملت شغل عالي في I Robot و كنت مكسر الدنيا
:Will: طبعا طبعا thanks a lotأنا: و يا ريت لو تكلملنا Tommy Lee Jones ...... أنا عارف انكوا بتعملوا شغل جامد مع بعض ....
:Will: That is right!أنا: في كمان بتوع الجمعيه دول كمان ...... ده النوع المتطور من ال Aliens اللي حكتلك عنهم و ......
:Will: انت قصدك بتوع الجمعيه التعاونيه لنقل الركاب !!!!!!!!أنا: ايه يا Will مالك اتخضيت كده ؟؟؟؟ ....... انت تعرفهم ..... هم دول بقى اللي .....
:Will: طبعا أعرفهم ..... فاكر المخلوق الكبييييييييير اللي شبه الصرصار اللي قتلته في الفيلم في الأخرأنا: اه فاكره ..
:Will: ده بقى أصغر واحد في بتوع الجمعيه دول ...... و أنا مش متخيل انني هاقابل اخواته الأكبر منه ......... العمر مش بعزءه يا عمأنا: يا Will انت جامد برضه .... و بعدين مش هيطلعوا أسخم من اللي في I am Legend
:Will: كل دوول مقدور عليهم ..... لكن تقوللي بتوع الجمعيه ........ Impossibleأنا: يا Will ده احنا ده احنا هنظبطك ...... و كمان ...
:Will: أنسى يا مان ..... و سلام علشان عندي تصوير فيلم رومانسي ....... bye byeeeeeeee
و قفل السكه على كده ..... واضح ان مفيش حد قادر على بتوع الجمعيه .....
لكي الله يا مصر
بجد اسلوبك اكثر من رائع و فعلا مواضيعك هادفة و جميلة و دمها خفيف.
ربنا يخليك متشكرة جدا لحضرتك :k10:
بس مقولتلناش بتعمل ايه مع الكائنات دي لما بيعزفوا السيمفونية المهببة بتاعتهم في الإشارات المقفولة؟ :girlsthink:
انا عن نفسي مرة قلتها لسواق ميكروباص لما قعد يكلكس ورايا روحت طلعت ايدي من شباك العربية ورفرفت بيهم وقلتله اطير يعني ولا ايه :O_stupid[1]:؟ ولما جه جنبي قلتله معلش اصلي لسة مركبتلهاش جناحات والله :Copy of majd(4): لما اركبهم هابقي اطير ان شاء الله :Ka_che1[1]: من عينيا :dzey:
انا دايما بعمل كده بالذات لو الشارع حارتين امشي في النص على مهلي اوي واحرق دم مامتهاقتباس:
تعالى قدام الميكروباص الرخم وهدييييييييييييييييييييي خالص
بالنسبة للكائنات العجيبة دي يا بيردي لما حد منهم بيديني كلاكسات و را بعض و يستفزني مش بخليه يطلع مني :3gears: الا لما انا يجيلي مزاجي و بقعد حاجزه و رايا بس لو رايق و مش عايز وجع دماغ بخليه يعدي بس بمزاجي برضه.
اه صحيح اسكتي يا بيردي النهاردة و انا رايح الشغل انا عادة مش باخد العربية و انا رايح الشغل كتير عادة بروح مواصلات المهم ركبت سرفيس النهاردة و سالت الكائن الفضائي اللي قاعد في كابينة القيادة
رايح هناك؟
قاللي اه رايح.
دخلت قعدت جنب الضحية التانية اللي علي الكرسي اللي جنبي و فجاءة سمعت صوت بلبل بينهق ورايا :blink:(ثادس ثابع و نادي الثكة ثادث ثابع) :goofy: الترجمة (سادس سابع و نادي السكة سادس سابع).
المهم سكتت و قلت المهم نوصل و نخلص و فجاءة لقيت ابو صوت زي البلابل راح جاي جنب السواق و كلمه معرفش قاله ايه و لقيت السواق نزل و ساب العربية بتريح لقدااااااااام و التاني بيتكلم معاه و سايبنا بنتحدرج هو كنا بنتحدرج بالراحة :willy_nilly: بس كنا خايفين برضه المهم فجاة ابو صوت ملائكي نط في الكابينة و جاب اولاني و بعد كدة فوقوني عند الشغل :dzey:.