ملابسات الحادث:
شارع واسع
واحد ركن اقصى اليمين امام محل
بيفتح الباب عشان ينزل عربيه جايه من وراه قامت خابطه الباب
بس خلاص :)
عرض للطباعة
ملابسات الحادث:
شارع واسع
واحد ركن اقصى اليمين امام محل
بيفتح الباب عشان ينزل عربيه جايه من وراه قامت خابطه الباب
بس خلاص :)
صاحب العربيه كان المفروض يبص كويس قبل مايفتح الباب فجأه لان الى بيكون سايق بيفاجىء بفتح بالباب قصاده ومبلحقش يتصرف
انا قابلت الموضوع كتير وكنت او ل مالاحظ ان ممكن الباب يفتح من صاحب العربيه كنت بدى كلاكس طويل عشان ياخد باله ولولا كده كان احتمال انه يتخبط او افرمل فجأه بسببه فأتخبط انا من الى جى ورايا او أسبب مشكله للجى من خلفى
اللى فتح الباب هو الغلطان لازم يبص الاول ويفتح الباب على مرحلتين لتنبيه القادم
الاتنين غلطانين اللى راكن وبيفتح الباب لازم يشوف اللى جاى وراه الأول حتى لو كان راكب لازم اللى سايق ينبهه بكده لانه بيبقى مسئول عن العربية وعن اللى راكب معاه وللى خبطه برده غلطان باعتبار الشارع واسع
اللي فتح الباب غلطان مية في المية
عنده مرايه لازم يبص فيها الاول حتى لو الشارع واسع يمكن انا عايز اركن لو عندي مشكلة وعياز احضن على اليمين لأي سبب وانت فتحت الباب مرة واحدة اعمل ايه ((طبعا هشيل الباب واكصدامي هيتكسر وهنزل اتخانق معاك لانك سواق مستهتر))
اللى بيفتح الباب اللى غلطان .. وكان المفرود بردو اللى جى من ورا يديلو كلاكس
الي فتح الباب غلطان انه ما بصش في مراية الباب قبل مايفتح والمفروض يفتح الاول حته صغيره علشان لو حد جاي يبقا واخد باله مش يفتحه عالاخر مره واحده زي ما ناس بتعمل
الأثنين غلطانين :
خطء القادم من الخلف لابد ان يحذر من خطء الغير الشارع واسع فلابد من ترك مساحة كافية للسيارة المتوقفة تحرصا من ان يفتح الباب ونزول احد الركاب***
خطء الواقف: لابد ان ينظر فى مرءاة الصالون او المراية الجانبية ليتقى اصتدامه من الخلف**
أنا ماكنتش ناوي أعلق بس لقيت كذا رأي بيغلط اللي سايق ...
الغلط كله علي اللي بيفتح الباب ...أما اللي سايق فده المفروض ياخد حذره زي ما بالظبط طول عمر والدي يقولي مش كفاية أنك تبقي ماشي صح ، لازم تاخد بالك من أخطاء الأخرين ...
صديقي المواطن
بالنسبة للسائق العادي فطبعا من فتح الباب مخطيء ومجرم في كل الدول والقوانين واﻷنظمة ولكن بالنسبة للسائق الخبير المحترف فاﻹثنين غلطانين بنسبة 80% على من فتح الباب وبنسبة 20% على قلة خبرته بأن فاته تقدير أن الناس مليئة بالغلطات وكان يجب أن يحسب حساب كل شيء زي واحد جاي من بعيد وشايف إشارة خضراء وهو ماشي 100 130 أو 150 فهل ده يكمل بسرعته بحجة اﻹشارة معاه ولا يخفف بإعتباره سائق خبرة ولازم يحسب حساب الجهل وضعف القيادة وإستهتار اﻵخرين وغيرها من العوامل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
اختلف معاك
اللى راكن غلطان ماشى ماقلناش حاجه
بس برضه اللى سايق وخبط الباب غلطان
احنا بنتكلم فى شارع عرضه على الاقل 30 متر واللى راكن لازق فى الرصيف ومهما كان مقاس الباب مش هايزيد عن متر واحد فهل منطقى اللى جاى يسيب الشارع كله ويمشى فى المتر ده؟!!! وعلى فكره الموقف ده حصل قدامى واللى كان راكن يادوب فتح الباب ربع فتحه كده ولما اللى خبطه مشى لقيت مكان الكاوتش بتاعه على بعد 30 او 40 سم من العربيه اللى راكنه !!! فهل ده برضه منطقى؟؟؟؟ وهل الغلط كله لسه على اللى راكن؟؟؟؟
الي فتح الباب