السلام عليكم
انا باذن الله نويت اشترى عربية مستعملة فى حدود 45 الف جنيه (ممكن يزيدوا ل 50 ألف)و كانت عجبتنى الفيات سيينا لكن قريت كتير جدا مشاكل عن العربية بالاضافة لموضوع قطع غيارها
أنا حسب ما اعرف ممكن اشترى سيينا حالة كويسة فى حدود المبلغ ده لكن اللانوس هيبقى اقدم
على العموم استعمالى للسيارة مش هيبقى كبير و قطع الغيار مش نقطة اوى بالنسبة لى
بس انا طبعا يهمنى العربية من غير مشاكل كتير
و فى نفس الوقت مش عايز اخسر فى اعادة البيع كتير
فايه رأيكم او ايه البدائل الافضل فى حدود المبلغ ده ؟؟
انصحك ب لانسر كرستالة او كيا سيفيا
وعموما المبلغ الى معاك يجبلك لانوس 2006 حالة نضيفة
بس انت متستعجلش فى بحثك وخد وقتك وميغركش شكل العربية المهم الماتور والعفشة
مشكل ة لانوس بالنسبالي الصاج ضعيف
لانوس افضل اختيار بس تكون حاله نضيفه
شكرا يا جماعة على الردود
بصراحة انا مش ميال اوى للدايو و الفيرنا (النوبيرا افضل بس مش لاقى فى حدود السعر ده حاجه مناسبة) ...
أنا كان عندى اساسا فيرنا ستار بس قدر ربنا و عملت حادثة
أنا عايز حاجه تكون ثبات و مش قديم اوى
طب مثلا اسبيرنزا a516 2008 ايه النظام بالنسبة لها ؟؟ خاصة اذا كانت عربية فابريكة و كويسة جدا ؟؟
و لا ابعد عن الصينى برده
لانوس
ولو عاوز ياباني ممكن كرستالة او عيون
بص يا سيدي مع احترامي للكل انا معايا لانوس 2 واخويا معاه سيينا
اولا السيينا بنت ستين ..... مقرفة في كل حاجة بجد بالرغم ان اخويا احسن مني في استعمال العربية بكتييييييييير وبيحافظ عليها .. فنصيحة اتحاسب عليها ابعد عنها
الدايو بتاعتي موديل 2000 والحمد لله تمام وليها معايا اربع سنين عمرها ماعملت معايا اي حاجة وحشة ..بس هي عربية قمة الفقر في الكماليات والامكانيات وخنيقة كدة ومش بحبها من 4 سنين وعلاقتي معاها زي علاقة زوج وزوجة مش طايقين بعض بالرغم انها عمرها مزعلتني بس ده احساسي منها من الاخر بردوا بلاش
من غير خناق شوف byd كويسة انا خليت اخويا اخيرا باع سيينا 2003 ب 30000 الف وبيخلص byd .2011 ب55000الف عاملة 36 الف كيلو فابريكة بس مغيرة اكصدام .. ودي نصيحة والله عربية محترمة من وجه نظري وعلى قد الايد