ممكن يحصل تغير في سحب الدايو

**mahmoud.69** · 28-12-2013 02:30 PM

السلام عليكم ورحمة الله وبركاته
انا في موضوع بفكر فية بس قولت لزم استشيركم
انا ملاحظ ان ماتور الدايو طول ماهو بارد العربية بتسحب حلو جدآ ولحظت كدة في فترة البرودة الي فاتت العربية كانت بتسحب معاية كويس جدآ معني كده ان ماتور الانوس تحتية سخونية لا قدرنا نخرجها منها هنأخد منها احلي سحب
انا بفكر اشيل الترموستات واحط ترموستات اخري بمعني لو الدايو الترموستات الاصلية بتعتها 90 اجيب انا مثﻵ ترموستات 80
واجيب فلتر هواء رياضي .
تعتقدو هيحصل تغير ؟؟؟

**kokowasfy** · 28-12-2013 05:38 PM

اول خطوة فى ضياع المتور شيل الترموستات او تغير درجة الحرارة المتوسطة فى العربية لو مكنش لية لازمة مكنش الخواجة حطو اصلا ارجو المعلومة تكون وصلت بس لو غيرت فلتر رياضى هتحس بفرق بس مش اوى بردو

**amoor89** · 28-12-2013 09:18 PM

ال10 درجات فرق الحرارة بتوع الترموستات هيدمروا الموتور بس بالبطىء
درجة الترموستات بتبقى محسوبة عن طريق دراسة وحسابات معقدة عشان تديك احسن استهلاك واحسن قدرة للموتور

**truss** · 28-12-2013 10:08 PM

ثرموستات الكوعة بيبتدى يفتح عند 87 درجة مئوية,
درجة حرارة التشغيل المثالية من 90 - 92 درجة مئوية,
المكونات الداخلية للموتور مصممة انها تعمل عند درجة حرارة التشغيل المثالية, لو شيلت الثرموستات كدة المحرك هيشتغل بارد لفترات طويلة و هيأثر على عمره الافتراضى.