كنت اشتريت غطاء للدركسيون جديد من سبينس
وشليت القديم
( بالشد اتقطع )
وجيت اركب الجديد بنفسي
شديته جامد علشان يركب وشبه اتمزق على خفيف بس شكله مش هيكمل وهحتاج واحد جديد
عايز اعرف هل فى مقاسات للدركسيون
عايز طريقه التركيب الصح
عرض للطباعة
كنت اشتريت غطاء للدركسيون جديد من سبينس
وشليت القديم
( بالشد اتقطع )
وجيت اركب الجديد بنفسي
شديته جامد علشان يركب وشبه اتمزق على خفيف بس شكله مش هيكمل وهحتاج واحد جديد
عايز اعرف هل فى مقاسات للدركسيون
عايز طريقه التركيب الصح
أنا اشتريت مرتين وحاولت اركبه فشلت فشل ذريع
خليت اللى باعهولى هوه اللى ركبه
هو رش اسبراى كده الأول على الطارة فيه مادة زيتيه خفيفة
علشان تسهل عمليه التركيب
اقلك تركبة ازاى لية طريقة بمنتهى البساطة بس مش عارف اوصفهالك ازاى بس هحاول
اول حاجة جيب الكفر تمام دخلة حتة منو فى الدركسيون من فوق و اقعد لفة الكفر حوالين الدركسيون وحدة وحدة و هيقعد يدخل كل شوية حتة لغاية ميدخل كلو ارجو تكون فهمت قصدى
بيركب زي جنزير البسكلته بالظبط
تدخل حته وتبتدي تلف الدركسيون وانت بتزقه حته حته داير داير هيدخل كله ...
تحياتي
لو الكفر من النوع الجلد السميك ممكن تحطه فى الشمس لمده ساعه لغايه ما يسخن حتلاقيه مط معاك و بقى اطرى من العادى و ده حيسهل عليك التركيب
و لو مستعجل و ما فيش شمس اركن فى جراج و توصيله كهرباء و اديها بالسشوار لغايه ما يطرى معاك
و الله اعلم
الكفر قبل التركيب كان اقل حاجه بسيطه من الطاره
فهل ده الصح
ولا المقاس كان غلط
؟؟
انا كنت ركبتو من فوق الاول و بعدين من تحت زى جنزير العجلة و كان ماشى معايا زى الحلاوة بس كنت حطيطو فى الشمس لمدة ساعتين قبل ما اركبو
شكرا لحضرتك
ياباشا هو المفروض بيكون أصغر شويه فعلا من قطر الطاره بتاعتك .. بس مش لدرجة تخليه يتقطع وانت بتركبه
مع احترامي لحضرتك .. تلاقيك جبت مقاس أصغر من مقاس الطاره بتاعتك .. اتأكد وانت بتشتري المره الجايه وقول للراجل على نوع عربيتك (إلا اذا كنت مغير الطاره الأصليه بقى .. ساعتها يبقى المقاس مختلف أكيد) .
أنا لما ركبت غطا للطاره بتاعتي .. ماكانش في صعوبه أوي كده .. أو حتى لو في صعوبه مش لدرجة انه يتقطع منك .
تحيـــاتي
اعتقدت بان الطاره لها مقاسات استاندر -
صغير كرياضى - او - كبير عادى
ده اللى جه فى بالى
وده اللى افترضته
والا كنت لقيت طارة مكتوب عليها متسويشى
او مرسيدس او او
او يابانى او امريكى او اوروبي وهكذا
عموما انا عربيتى لادا 2107
بس لو حبيت اشترى من محل غير متخصص زى سبينس
مش هلاقى اللى يتجاوب معايا ويقلول لى على المناسب لعربيتى
متابع
احسن حل انى وقفت بالعربيه قدام محل الاكسسوارات وندهت للراجل وقولتله عاوزه جراب للدريكسيون
بص كده وقالى اوك ودخل جاب المقاس المضبوط وخليته هو يركبه
شكرا للتوضيح
حاليا اللى راكب هو نفسه اللى مقطوع ( شابك على جزأ بسيط )
ولسه لم اشترى جديد
وفى انواع كتير
فى جلد طري وجلد خفيف و جلد كانه نوعين مختلفين مع بعض
متابع