استلمت العربية وعملت حادثة

**AhmedGen2** · 22-09-2008 01:15 PM

السلام عليكم

استلمت العربية امبارح ورخصتها انهاردة وانا راجع ماشى فى عباس العقاد رايح أملى العجل نتروجين لاقيت واحد طلعلى منين مش عارف بيعدى الشارع وانا جديد فى السواقة مكنتش عارف اعمل ايه اتفاجأت وكسرت يمين وفرامل لاقيت نفسى داخل فى بركة مية صغيرة لاقيت العربية بتعوم منى بعد ما تفاديت الراجل بأعجوبة ومش عارف دست بنزين ولا فرامل لاقيت نفسى داخل فى سوزوكى ربع نقل صغيرة الحمد لله انها كانت بتمشى مش ثابتة.

الخساير عندى ازاز الفانوس الشمال اتكسر وطرف الكبوت اللى عند الفانوس اتعوج بس الاعوجاج ميتشافش من جوة العربية.

الخساير عند السوزوكى الفانوس اليمين اللى دخلت فيه بشمالى اتكسر.

انا زعلان اوى يا جماعة وكنت هاجى من الترخيص اقولكوا انا عملت ايه وانا طيران من الفرحة ، وانا مبسوط انى شيكت عالعربية وطالع بيها من المعرض من غير عيوب ، كل حاجة شغالة تمام والحمد لله.

استغفر الله العلى العظيم ، قدر الله وما شاء فعل ، الحمد لله.

**MoDyBeNz2008** · 22-09-2008 01:26 PM

قدر الله ما شاء فعل
الحمد لله انها جت على اد كدة
الخساير مش فظيعة بس حاجة توجع القلب انها زيرو لسة

**MMamdouh** · 22-09-2008 01:34 PM

قدر الله ما شاء فعل

MMamdouh

**Noha.M** · 22-09-2008 01:39 PM

معلش يا اسلام و الله بسيطة
قدر الله و ماشاء فعل
فعلا قضا اخف من قضا . مش احسن ما تكون خبط الراجل و جراله حاجة و اسعاف و اقسام و نيابة و قضايا .. سودتها فى وشك انا عارفة بس عاوزة اهون عليك والله

ان شاء الله ترجع احسن من الاول