الموضوع: مشكله فى السحب

انا خدت راى كتير من الناس ومعظمهم اكدوا ان العيب من الرشاشات
ياريت لو حد يقللى الرشاشات لما اجيبها باذن الله اعرف منين الرشاشات دى كويسه وهتستحمل معايا ولا هتبوظ تانى زى اللى جبتها الاول

المشاركة الأصلية كتبت بواسطة borio1704

ما دام حضرتك غيرت الرشاشات واشتغلت كويس وبعدين المشكلة رجعت تاني .. يبقى احتتمال كبير تكون المشكلة في البنزين.. أو بمعنى أصح.. في تانك البنزين.

أتوقع إن الرواسب في تانك البنزين كتير قوي وفلتر البنزين كمان فيه مشكلة وما بيحجزش الرواسب دي

حضرتك هتحتاج تفك التانك وتغسله كويس لإزالة الرواسب.. وما تنساش كمان تغير فلتر البنزين



...

وجهه نظرك يا بشمهندس ممتازه وفعلا انا ملفتتش نظرى قبل كده الفكره دى بس ياترا فى حد عنده شرح بالصور لطريقه فك التانك
وبرده تفتكر ممكن تكون الرشاشات اللى جبتها سيئه جدا لدرجه انها تبوظ بعد 6 ايام بس

فك التنك مش غلبه حضرتك تروح لواحد كهربائي ويرفع الكنبه اللي ورا ويحل الطرمبه هتلاقي الفتحه كبيرة تجيب سفنجه كبيرة ونضف براحتك ...علي فكرة فك التنك وتركيبه ساعات بيبوظ الفتحات والوصلات...وشكرا

بلاش تفك التنك عشان فعلاً صعب إنه يرجع زي الأول, أنا كان التنك عندي مخروم و روحت الأول لواحد بس طلع معندوش ضمير لأنه لحمه بس بلحام الأنبوبتين و ده غلط لأنه ساح مع الحرارة تاني يوم, و بعدين روحت لواحد تاني و ده أصر إنه التنك لازم يتفك عشان يتلحم باللمبة و فعلاً فك التنك و نظفه و لحمه بس المشكلة ظهرت مع التفويلة الي بعديها عشان إكتشفت لما قولت للراجل بتاع البنزينة فول التنك, إكتشف إنه فيه بقعة كبيرة جداً من البنزين تحت العربية و الراجل بتاع البنزينة قال إن ده الفايظ و ده كلام فارغ طبعاً لأني طول عمري بفول و عمره مكان فيه بنزين بيقع, المهم رأيي إنه الميكانيكي مركبش الخرطوم بتاع البنزين كويس و عشان كده لما التنك بيتملي على الآخر المسدس مبيفصلش و طبعاً البنزين بيقع على الأرض, المهم إني إتعودت أحط على قد الناقص بس, الخلاصة إنه ما حك جلدك مثل ظفرك و الأحسن إنك تعمل كل حاجة بنفسك بس للأسف الموضوع بتاع التنك ده كبير و بياخد وقت طويل في الفك و التركيب.

المشاركة الأصلية كتبت بواسطة دعبدالرحيم

فك التنك مش غلبه حضرتك تروح لواحد كهربائي ويرفع الكنبه اللي ورا ويحل الطرمبه هتلاقي الفتحه كبيرة تجيب سفنجه كبيرة ونضف براحتك ...علي فكرة فك التنك وتركيبه ساعات بيبوظ الفتحات والوصلات...وشكرا

المشاركة الأصلية كتبت بواسطة borio1704

ماهو موضوع 6 أيام ده هو اللي خلاني أفكر في تانك البنزين

عموما.. بالنسبة لغسيل تانك البنزين.. متهيألي الأحسن تروح تعمل الموضوع ده عند ميكانيكي عنده ضمير.. الموضوع مش صعب... بس فيه شوية بهدلة

المشاركة الأصلية كتبت بواسطة أحمد عثمان

بلاش تفك التنك عشان فعلاً صعب إنه يرجع زي الأول, أنا كان التنك عندي مخروم و روحت الأول لواحد بس طلع معندوش ضمير لأنه لحمه بس بلحام الأنبوبتين و ده غلط لأنه ساح مع الحرارة تاني يوم, و بعدين روحت لواحد تاني و ده أصر إنه التنك لازم يتفك عشان يتلحم باللمبة و فعلاً فك التنك و نظفه و لحمه بس المشكلة ظهرت مع التفويلة الي بعديها عشان إكتشفت لما قولت للراجل بتاع البنزينة فول التنك, إكتشف إنه فيه بقعة كبيرة جداً من البنزين تحت العربية و الراجل بتاع البنزينة قال إن ده الفايظ و ده كلام فارغ طبعاً لأني طول عمري بفول و عمره مكان فيه بنزين بيقع, المهم رأيي إنه الميكانيكي مركبش الخرطوم بتاع البنزين كويس و عشان كده لما التنك بيتملي على الآخر المسدس مبيفصلش و طبعاً البنزين بيقع على الأرض, المهم إني إتعودت أحط على قد الناقص بس, الخلاصة إنه ما حك جلدك مثل ظفرك و الأحسن إنك تعمل كل حاجة بنفسك بس للأسف الموضوع بتاع التنك ده كبير و بياخد وقت طويل في الفك و التركيب.

اولا احب اشكركم فى لمناقشه الموضوع معايا
بالنسبه لفك طرمبة البنزين وتركيبها ده موضوع ممكن اعمله بنفسى باذن الله
لانى فكيتها وركبتها قبل كده المشكله هى فى اتنضيف نفسه هل لازم العربيه تترفع وافك التانك كله ولا فتحه الطلمبه تكفى انى انضف منها التانك كويس وتسمح انى اشيل كل الرواسب الموجوده

لو عايز تضمن تنضيف كويس كرر التنضيف بعد كل تفويله مرتين كده ...ومش ممتاجه ترفع العربي ولا حاجه بس انت هات سفنجه كبيره وخليها تشرب البنزين وبعدين خلي جنبك حاجه واعصرها فيها هتلاقي البنزين طالع اسود..