حاجز نيسان سوبر صالون من احمد مرعى الاسكندريه وفى اشاعه ان السعر هايزيد حد عنده اخبار يا رجاله ؟!!
عرض للطباعة
حاجز نيسان سوبر صالون من احمد مرعى الاسكندريه وفى اشاعه ان السعر هايزيد حد عنده اخبار يا رجاله ؟!!
خامس!!!!!
تقريبا عشان التكييف التتش
بكام ؟ وايه حوار التكيف التتش؟
تقريبا 127000 جنيه والكلام ده امبارح من وكيل نيسان في المنصوره ( السبع )وهو بيبيعها ب 130000 ومعاها سنسور بارك وفرش جلد غرز!!!!!:36_1_1[1]:
في ناس بتقول هايركبلها تكيف تتش مش بكر
هاتزيد من حلاوه مشاكلها يعنى !
اخر كلام النهارده من احمد مرعى السعر للسوبر صالون هايكون 123000 عشان هايغيرو شكل التابلوه والتكييف هايخلوه تاتش
ياريت لو فيه صورة لشكل التابلوه الجديد، هل التكييف التاتش هو الإضافة الوحيدة اللي تستاهل 3500 جنيه اضافية عن السعر السابق؟
رجالة الشيفورليه نازلين سلخ فى الصنى مش عارف ليه !!! ماتسيبكوا منها ياجدعان .. متابعينها ليه ؟؟ أحنا عاجبنا شكلها ومشاكلها والله .. حد مننا دخل قسم شيفورليه وفضل يتريق على الاوبترا لاسمح الله واللا على الأفيو معاذ الله !!!
ههههههههه :flower4u: .. والله انا مستغرب يااستاذ/ حسام .. بالصدفة فى الموضوع ده لقيت اتنين شيفورليه وواحد فى موضوع تانى وكلكم نازلين قفش فى العربية دى مش عارف ليه .. مااحنا كان قدامنا الشيفورليه وكل الماركات قبل مانجيب الصنى وأستخرنا ربنا وجبناها ومابنتريقش على حد ولا بنوقف نفس حد من عربيته ونقوله انت مابتفهمش علشان جبتها .. ياجماعة الموضوع ده ممكن يخلى واحد نفسه تقف من عربيته بسبب تعليقات زى دى وتشيلوا ذنبه من غير قصد :angelnot:
ههههههه سبقتنى و الله كنت هقول نفس الكلام
مع انك لو فتحت موضوع مشاكل الافيو و الابترا مش هنخلص
عربيه كويسه بمعادلة السعر مقابل القيمه
سيبك من انطباعات الغير كل واحد وليه رايه وذوقه
بس انا كنت بتكلم على الطابلو الى موجود حاليا احلى من الى ممكن ينزل
انا كنت فى المصريه امس وقالو لى ان جالهم ايميل بزياده السعر من اول يناير
وانا حاجز فى اخر 2013 بالسعر القديم
يعنى مفروض اخد بالسعر القديم قبل ماتيجى الزياده دى مش عارف بقى هيعملوا معايا ايه ربنا يستر كانت قدامى بالسعر القديم بس انا اللى كنت متردد قدر الله وماشاء فعل
الصنى هى الحيطه المايله اليوم !!!
فى اى مقارنه يتم التقطيع فيها ... و بدون اى وجه حق !!!
لكن المضحك انها من نجاح الى نجاح ... و مكتسحه فى المبيعات ...
و ايجابيتها اكثر كثيرا من اى سلبيات بسيطه/هايفه ظهرت فى الشكل الجديد و تم معالجتها و انعدمت فى كل الدفعات الجديده ...
و بخصوص الشكل للمره المليون دى اذواق ... و انا و كثيرين جدا شايفينها مقبوله جدا !!! و افضل شكلا من سيارات اخرى كثيره و بها مشاكل الدنيا و الاخره !!
و سبب ارتفاع اسعارها ... ان عربيات جديده على السوق - بدون ذكر اسماء - و لم تحقق اى سمعه ... اغلى منها و معمول عليها ضجه على الفاضى !!!
تحياتى ...