استفسار عن مشروع ساوند بشكل جديد :d

**Mr~AkM** · 29-12-2013 06:21 AM

السلام عليكم
كنت عاوز اخد رايكم فى حاجة كدة عاوز اعملها ومعلش لو لقيتو فيها شىء غريب لانى لسة بتعلم

انا جبت سماعات بايونير 450 وات .. وانا عندى اصلا سماعات بايونير قديمة 180 وات

فا انا عاووز اعمل اية بقى

اخد السماعتين ال 180 دول اعملهم صب ؟؟

يعنى هعمل ليهم بوكس خشب كدة ولباد من جوة وبتاع وهظبط البوكس وهعملهم صب

كدة يبقى عندنا السماعتين الى 450 دول عاوز اشغلهم برضة مع الصب فا انا عاوز اعرف اجيب جى ام ليهم ويكون كام وات ؟ ولا اعمل اية ؟

يا ريت بس اكون قدرت اوصل انا محتاج اية وان شاء الله استفيد منكم مع العلم انى مش معايا فلوس اوى يعنى عشان اعمل ساوند غالى وكدة واصلا العربية صغيرة فا لو عملت فيها ساوند عالى ممكن تطير من مكانها

شكرا ليكوا مقدما ومستنى ارائكم

**Mr~AkM** · 29-12-2013 08:11 PM

up up up up

**Ahmod** · 29-12-2013 10:03 PM

بص يا باشا انت عشان تعمل سماعات صب لازم تشغلها على جي ام

وعشان السماعة تتحط على جي ام وتديلك بيز محترم لازم تبقى قوية

فالسماعتين ال 180 وات دول مش هينفعو نهائيا !!!

**Adham** · 30-12-2013 08:57 AM

تجيب امبليفير فور تشانيل بريدجيل و توصل السماعتين ال 180 وات عالتوالي ورا بعض عالتشانل البريدجد علشان يبقوا مقاومتهم اعلى (16 اوم) و يكون فية فلاتر Cut off علشان يقفل الصوت عن السماعتين و يديك صوت بيز بس عليهم بس مايكونش امبليفير عالي قوي علشان ميطيرهمش و يبقى احسن و احسن لو تجيب اتنين امبليفير, واحد فية فلاتر و توصلة عالسماعتين يدوك بيز بس و تكون قوتة متناسبة معاهم وتجيب امبليفير تاني 2 تشانيل للسماعتين ال 450 يكون قوتة مناسبة ليهم و اعلي من الاولاني

**Mr~AkM** · 30-12-2013 09:49 AM

اولا شكرا ليك على المشاركة واسف على انى ازعجتك ^_^

انا ان شاء الله هعمل اللى حضرتك بتقول علية دة .. بس هو بكام ال AMPLIFIER الواحد واجيبة كام وات ومنين و لو عاوز اركب واحد بس واجيبة كام وات لو عاوز اركب اتنين ... وسؤال تانى معلش الفلاتر ال cut off دى اجيبها منين وبتكون بكام وشكرا لحضرتك :)

**Adham** · 30-12-2013 10:01 AM

بص اسعار انا مش حاقدر افيدك انزل شارع دمشق او التوفيقية و شوف و حاول ماتجيبش سيمفوني علشان تاخد صوت نضيف عالاقل كينوود او بيونير

و الفلاتر دي بتبقى في الامبليفير نفسة

دي بتبقى زراير تضبط منها الفريكوانسي رينج بتاعه الصوت اللي بتاخدها من الامبليفير

يعني بتقدر تلغي كل الاصوات و يطلع صوت البيز بس

عندي امبليفير بيونير امريكاني بيعمل الموضوع دة و هو متوسط القوة يعني مناسب جدا على السماعتين دول و يديك منهم بيز بس و يلغي بقية الاصوات و صوتة نقي جدا جدا لانة امريكي الصنع بتاع زمان مش صيني و لا غيرة
انا كنت مشغلة على بازوكا جي بي ال كان مديني صوت تحفة لغاية ما شلتها من العربية من اقل من شهر علشان كبرنا عالكلام دة و عاملة زحمه في الشنطة

لو عايزة كلمني برايفت

**Mr~AkM** · 30-12-2013 10:24 AM

هكلم حضرتك على الخاص وشكرا لتعب حضرتك معايا :)

**Ahmod** · 30-12-2013 06:25 PM

المشاركة الأصلية كتبت بواسطة Adham

تجيب امبليفير فور تشانيل بريدجيل و توصل السماعتين ال 180 وات عالتوالي ورا بعض عالتشانل البريدجد علشان يبقوا مقاومتهم اعلى (16 اوم) و يكون فية فلاتر Cut off علشان يقفل الصوت عن السماعتين و يديك صوت بيز بس عليهم بس مايكونش امبليفير عالي قوي علشان ميطيرهمش و يبقى احسن و احسن لو تجيب اتنين امبليفير, واحد فية فلاتر و توصلة عالسماعتين يدوك بيز بس و تكون قوتة متناسبة معاهم وتجيب امبليفير تاني 2 تشانيل للسماعتين ال 450 يكون قوتة مناسبة ليهم و اعلي من الاولاني

يا باشا مع احترامي لوجهة نظرك طبعا

بس السماعتين ال 180 وات دول اخرهم يشتغلو على كاسيت !! اصلا هتشغلهم على جي ام ليه ؟

لما اي كاسيت نضيف ممكن يديلك الطاقة بتاعتهم كلها

السماعة لما بتكون 550 وات وبيكون خرجها الفعلي 80 rms

والكاسيت في جميع الاحوال خرجه 50 وات / 22 rms سعتها لما بتحطها على جي ام يديلها ال 80 كاملين بتحس بفرق ولو انه برضوا مش مستحب ان يتحط سماعات اقل من 100 rms على جي ام

انما لما تكون سماعة 180 وات وهتلاقي خرجها الفعلي بالكتير اوي 40 rms ان ماكنتش اقل من كدة !! يبقى حرام ان يتجبلها جي ام لانك مش هتاخد منها اكتر من اللى هتاخدها منها لو هي شغالة على كاسيت

---

فانا رايي الشخصي لصاحب الموضوع السماعتين البايونير ال 450 وات اللى انت لسه جايبهم بيعهم لانهم جداد فمش هتخسر فيهم

وزود وجيب سماعتين اقوى وجبلهم جي ام وكدة هتسمع صوت محترم (ده في حالة لو الكاسيت عندك نضيف)

او ممكن تركب السماعتين ال 450 على جي ام وهتسمع برضوا صوت مش وحش بس هتحتاج سماعتين مدورين قدام عشان الامور تظبط معاك

-

-

الموضوع: استفسار عن مشروع ساوند بشكل جديد :d

LinkBack

أدوات الموضوع

عرض

-

-

-

المواضيع المتشابهه

ساوند سيستم جديد ومحتاج رأي

انا رجعت تاني بس بشكل جديد

انا رجعت تاني بس بشكل جديد

انا رجعت تاني بس بشكل جديد

الكلمات الدلالية لهذا الموضوع

المفضلات

المفضلات

ضوابط المشاركة