أحذروا غسيل موتور العربية بالجاز

**adel_edrees** · 29-12-2013 08:57 AM

الجاز بيبوظ الكاوتش و بيتفاعل معاه و بيخليه يطرى و بالتالى يتقطع يا جماعة بلاش غسيل العربية بالجاز و سيبك من الصنايعية بتوع محطات الغسيل يعنى مثلا لو حضرتك غسلت الموتور بالجاز مرة و أتنين و تلاتة حتلاقى كاوتشة الكبلن تطرى و تتقطع و بالتالى يخش التراب و بالتالى الكوبلن يطقطق و بالتالى الكوبلن باظ ده على سبيل المثال و حضرتكو لو عايزين تتأكدوا من كلامى هات قطعتين كاوتش و حط واحد فى الجاز نص ساعة و شيلها و سيبها لمدة يومين و شدها حتلاقى أن فى شقوق حصلت فى الكاوتش و هتلاقى أن الكاوتش فقد خواصه أنا لما حد قاللى على المعلومة دى ما صدقتوش فى الأول (غم أنه كيميائى) لحد ما عملت التجربة دى بنفسى و بعدين ما فيش توكيل محترم بيغسل موتور العربية بالجاز أو حتى بيسمح بيه و فى ناس هنا فى المنتدى أتكلمت كتير عن تأثير الجاز على الكاوتش و أنه المفروض بعد غسيل الجاز يتغسل بالمية على طول لكن محطات الغسيل عمرها ما بتعمل كده بتسيب الجاز على الكاوتش لح ما يجيب أجله بعدين العربيات الحديثة فيها ما يكفى من الدوائر الأكترونية بحيث أن اى سوائل ممكن تبوظها

**MIDOBROKERAGE** · 29-12-2013 09:47 AM

اولا متشكرين لمعلومتك وهى أكيدة بالفعل
بس لو ممكن سؤال انا لو غسلت الموتور كيماوى ايه بأه اللى هو تكلفته تقريبا 50جم
ولو غسلت العفشة بالجاز وكده يعنى الدنيا ايه بأه
ارجو الافادة للى عنده معلومة من وحوش الجروب

**firstknight_eg** · 29-12-2013 09:52 AM

اولا كل الصنايعية في مصر بيحبوا يفتوا عشان يعملوا اي مصلحة وميهمش اللي بيجري للعميل ... كنت في البنزينة بغسل العربية وكان في عربية c180 موديل 2012 واقفة بتغسل والصنايعية قالوا لصاحبها نغسلك العفشة... المهم الراجل وافق ورايح يشتري حاجة من الماركت رجع لقاهم رافعين العربية علي الكوريك اللي عامل زي قضبان القطر، الراجل شاف المنظر اتصدم... اللي كان هيجبلي شلل... ان الصنايعي قالوا يا بيه لو حصلها حاجة عندي

**hamisa08** · 29-12-2013 10:39 AM

:جزاك الله خيرا

انا لسة غاسلة امبااارح وبجاز كمان طب كنت اكتب موضوع امبارح قبل الغسلة

**Egyzizo** · 30-12-2013 11:37 AM

أنا شفت فكرة جديدة بيعملوها فى توكيل سبيرانزا
كنت باعمل صيانة لعربية 113 ، فغسلوا الموتور بمسدس الهوا + wd40
يعنى كانوا بيبخوا هوا ويرشوا قدامه wd40 أثناء البخ ، وده خللى الموتور والحوض بيبرق الصراحة.
متهيأ لى ده مافيهوش ضرر على حاجة ومش بيأذى الكاوتش.

بالعكس ، لأن wd40 زيتى القوام ، فاعتقد انه بيحافظ أكتر على الأجزاء الكاوتش ويمنع التشققات.

**محمد طايع** · 30-12-2013 02:41 PM

المشاركة الأصلية كتبت بواسطة egyzizo

أنا شفت فكرة جديدة بيعملوها فى توكيل سبيرانزا
كنت باعمل صيانة لعربية 113 ، فغسلوا الموتور بمسدس الهوا + wd40
يعنى كانوا بيبخوا هوا ويرشوا قدامه wd40 أثناء البخ ، وده خللى الموتور والحوض بيبرق الصراحة.
متهيأ لى ده مافيهوش ضرر على حاجة ومش بيأذى الكاوتش.

بالعكس ، لأن wd40 زيتى القوام ، فاعتقد انه بيحافظ أكتر على الأجزاء الكاوتش ويمنع التشققات.

المشكله فى موضوع انه زيتى القوام ده
ده برضه هيساعد انه يلم تراب بسرعه لأن التراب هيلزق فيه بسهوله
مش عارف بصراحه دى فكره كويسه ولا لأ