خلاص قربت اوصل لدرجة الجنان

السلام عليكم ورحمة الله وبركاتة
اللهم صلى وسلم على محمد وعلى اله وصحبة اجمعين.........
انا بيحصلى يا جماعة حجات غريبة مش شغل عفاريت والكلام دة لا الى بيحصل زى اية مثلا اجى نازل من البيت والبيت ميكونش حد قاعد فية ونا اخر واحد هنزل اقعد ااكد على الغاز وعلى محابس المياة وان الكهربا مقفولة وابقا شايف الحاجة قدام عينى مقفولة لكن فى ذهنى حاسس انها مش مقفولة اجى نازل من باب البيت اقفلة اقعد ااكد علية وازوق واخبط فية ليكون مش مقفول وبعد اما انزل من السلم اقلع تانى ااكد علية
تانى حاجة المنبة مثلا ابقا ظبطوا تمام واحطوا جنبى على السرير اقعد كل شوية اقوم ابوص علية ليكون مش مظبوط ويروح عليا معاد المحاضرة او الاءمتحان الى عندى لدرجة انى بقيت بظبوط منبهين والموبايل كمان وهكذا الموضوع دة فى حجات كتير اوى

وسواس

عندي نفس الكلام ده بس الحمد لله دلوقتي الموضوع قل عندي ...... حل الموضوع انك تعاند نفسك مثلا نزلت خلاص ماتطلعش تاني تأكد على الحاجة مهما حصل وهكذا عشان الموضوع مايزدش لأنها كانت بتوصل عندي إني ممكن أتوضأ 3 مرات ورا بعض من الشك

دة وسواس قهرى
خش على الجوجل واكتب وسواس قهرى واقرى عنة شوية
شفاك اللة وعافاك من اى شىء

دة وسواس

كدة في حاجة شاغلة تفكيرك ومشتتة تركيزك
وأتسببت في قلة ثقة بالنفس
وممكن يكون توتر بسبب الإمتحانات
توكل على الله وحاول تعمل ورد معين يومي
وربنا معاك

[youtube]http://www.youtube.com/watch?v=EPlVbB8PS08[/youtube]

بالظبط هو وسواس قهرى..والحل انك انت اللى تقهره..
وانت نازل لو حسيت انك مقفلتش الباب وراك بالمفتاح قول "ان شالله عنه ماتقفل مش هيحصل حاجه"
حتى لو المياه بتخر..هباه اتصرف لما ارجع
ده طبعا لو انت عارف انك قفلت كويس ومجرد وسوسه سخيفه..انما لو عارف انك نسيت تقفل الباب وراك يقينا ده موضوع تانى :d

نفس الموضوع دةعندى من ايام المدرسة لدرجة انى لماكنت بحضرالجدول و اروح انام ارجع للشنطة واتاكد انى حطيت الكتاب دة ولولقيته فعلا محطوط اشيله و احطه تانى بأيدى و افضل مصور المنظر فى عينى عشان افضل فاكر
دلوقتى بقى عندى 22 سنة و الموضووع كبر اووووووى
لدرجة بشوف الغسالة شغالة ولا لا مع انها مسؤولية الحاجة بس برده بتأكد
نفسى فى علاج

وسواس

العلاج سهل جدا انك لما تيجى تعمل حاجه تركز فيها ومترحعلهاش تانى ايا كان الموقف ما دام انت عملتها صح وانك تستعين بالاذكار والصلاة والقرأن

احسن علاج للموضوع ده انك تبقى مشغول طول الوقت ساعتها مش هتفكر فى اى حاجه
يعنى مثلا تروح جيم وترجع مهدود من التعب
ساعتها هتروح تنام ولو عندك وقت مش هتقدر تأكد على الحاجات ديه

نفس الموضوع ده عندى لو عملت اى حاجه لازم ارجع وأتاكد انى عملتها تانى الواحد لسه 22 سنه وبدأ يتهبل ولا ايه ههههههه

متقلقش .... ده وسواس قهرى ..
كان بيجيلي فى حاجات تافها قوى زى وانا بغير هدومى احس انى نسيت اقفل الباب بس الحمد لله
خف قوى عن الاول بسبب الاذكار والحاجات البسيطة اللى ماما كانت بتقولى عليها جازاها الله خيرا

معلش يا جماعة انا فرحان اوى بقيت عضو برونزى بعد اخر رد ليا ...
اسف على الاستهباال

ده وسواس قهري طبعا ....و الرسول الكريم نصحنا في حاله الطهاره و الشك في عدد ركعات انك تطنشه ...وتتعوذ بالله من الشيطان الرجيم .؟........

اعمل كده .. و حاول تحافظ عل الاذكار في مواعيدها ... و لازم تسال دكتور نفسي ثقه ...علشان بس ما يعملكش اشتغاله ..
و ربنا يهديلك الحال ..

حرص وقلق زاد لدرجة وسواس

أنصحك استمتع بالوضع الى أنت فيه .... لكن فى حدود المعقول .
أنا عندى نفس الموضوع .... والحمد لله متعايش معاه وبقول الحمد لله . لأن فيه ناس كتير بقابلهم العكس تمام عندهم لا مبالاه تخليك تشد فى شعرك .. وساعتها بحس بنعمة ربى .

لكن زى مقلتلك ميزدش عن حدة .... يعنى راجع نفسك فعلا فى الحاجات المصيرية المؤثرة لكن الحاجات التافهة فكك .

موسوس او مش مركز
كنت مصاب بيها لفترة

حلها انك لما تكون بتعمل حاجة تركز فيها هي بس كويس جدا