السلام عليكم ياريت تقولولى نصايحكم علشان انا دماغى هاتضرب انا معايا 45000 وأخرى ممكن أكملهم 50000 ومش عارف أجيب بيهم عربيه إيه تكون كويسه ياريت تفيدونى وتاخدو راحتكم فى الشرح :) وشكرا .
السلام عليكم ياريت تقولولى نصايحكم علشان انا دماغى هاتضرب انا معايا 45000 وأخرى ممكن أكملهم 50000 ومش عارف أجيب بيهم عربيه إيه تكون كويسه ياريت تفيدونى وتاخدو راحتكم فى الشرح :) وشكرا .
لازم تضيف بعض المعلومات عشان الناس تقدر تفكر معاك زى
1 - استخدام عائلي ولا استخدام شخصى معظم الوقت هاتشباك مثلا .
2- قطع غيار وصاينة رخيصة وسهلة ومش مهم الاداء والثبات ولا الاداء والثبات وعناصر الامان اهم .
3- سرعة و سعر اعادة البيع ولا مش فارقة والمهم عربية كويسه.
4- مشاوير داخل البلد فى الزحمه ولا الاكتر سفر .
لا إستخدام عائلى أحيانا وشخصى أكثر الوقت :) إنت فاهم الواحد رايح جاى الشغل بالعربيه ونادر لما بيخرج الاسره بس نقدر نقول عائليه علشان لما تحب تخرج او تسافر إنت والاولاد تنفع وبلاش تكون هاتشباك علشان انا معايا سكودا فيفوريت وكرهتنى فى الهاتش باك كلو مع إنى زمان كنت بحب الهاتش باك والله .اقتباس:
المشاركة الأصلية كتبت بواسطة إبراهيم المصرى
طبعا انا يهمنى الاداء والثبات لانى بحب السرعه وفى نفس الوقت برضو مش عاوز اتعب فى قطع الغيار
بص والله مش عارف أسإلتك حيرتنى الواحد عاوز كل ده علشان كده انا ماكنش عندى معلومات احطها شوف انا بحب الكيا لانى كان معايا كيا سيفيا 95 فعلشان كده كنت بفكر أجيب منها 2000 بس المشكله ان ال 95 كانت محيرانى شويه فى قطع الغيار مش عارف بقى ال 2000 إيه ظروفها وكنت سمعت من ناس ان ال 95 احسن من ال 2000 وده مخلينى قلقان منها وبفكر فى الشوما دى بقى انا معرفش عنها اى حاجه كنت محتاج الاعضاء تقولى إيه اخبار العربيه ديه ناس تقول حلوه جدا وناس تقول غير كده وبفكر فى الكريستاله وبفكر فى النوبيرا وفى السيفيك والاوبل فى البريليانس ومش قادر اقرر اشترى إيه فيهم ولو فى حاجه افضل وانا مش عارفها ياريت تفيدونى انا اسف والله على الاطاله بس اهى دردشه وبستفيد من خبراتكم.
السلام عليكم ورحمة الله وبركاته...
كنت في الحيرة دي من سنة والحمد لله جبت عربيه في الحدود دي بردو...
1- استخدام عائلي يبقى لازم سيدان وبشنطه.
طبعا كل العربيات اللي انت قولتها دي احجامها مختلفة وماعتقدش هاتفرق معاك كتير يعني الكنبة اللي ورا مابتخودش اكتر من تلاته في حال من الاحوال وكلهم بياخدو تلاته.
2- قطع غيار سهلة ورخيصة يبقى (لانوس - نوبيرا - سفيا - كرستاله - شوما - كورسا- السيفك - ماعرفش حاجه عن الصيني)
- الاداء والثبات ( السيفك -شوما - كرستاله - كورسا ويمكن السفيا - النوبيرا - الانوس) وهي تقريبا عكس الترتيبه اللي فوق.
3- سرعة اعادة البيع (لانوس - كرستاله - نوبيرا - السيفك -سفيا - كورسا - شوما).
4- مشاوير جوه البلد وزحمه (مش فارقين كتير ولو اني شايف ان اللانوس كويسه عشان الخبطات والحكات وتكيفها مش وحش بس قعدتها يمكن اسوء قاعدة فيهم ، وطبعا اكتر عربيه مريحه جوه البلد لو اتوماتيك لكن صعبه في صيانة المستعمل).
- مشاوير سفر ( يبقى نفس ترتيب الاداء والثبات).
انا بقى كان معايا جيب رانجلر من سنه وقرفتني في كل حاجة كانت وحشه في الثبات وفي الراحه والتكيف والعزل وقطع الغيار واعاده البيع والسفر ومش عائلية وصيانه يعني كل حاجة. وبعتها الحمد لله ماصدقتش نفسي بعد ما بعتها.
وقولت لازم اشتري ارخص عربيه في قطع الغيار وسهولة الصيانه ولازم تبقى بشنطه ولازم اربع ابواب.
وثباتها مش وحش وتسافر ولما تعطل تتصلح ببلاش.ولما افكر ابيع انزل ابيع في نفس اليوم.
اشتريت لانوس 1 موديل 99 والحمد لله مريحاني.
وعلى فكرة هي سحبها مش عالي لكن بتجيب سرعة كويسه معاك لحد 170 كلم/ساعة.
واستهلاك البنزين كويس 8 لتر/100 كيلو.
والتكيف مش وحش...وربنا يسهلك الحال.
وشكرا
http://www.nilemotors.net/Nile/397418-1999.html
ودا لينك لسفيا شوفتها هنا في المنتدى
شكرا على ردك الوافى بس انا لفت نظرى انك قولت ان السيفيك قطع غيارها رخيصة رغم ان كل الناس خوفتنى منها لانها قطع غيارها غالية : انا عندى نفس مشكلة صاحب الموضوع بس كمان انا اول مرة اجيب عربية فمحتار و اتعرض عليا من زميل عربية هوندا سيفيك بمبلغ كويس وهى بتاعة مراته يعنى استخدامها المفروض انه خفيف بس كل زمايلى خوفونى زى ما قولت من قطع غيار الهوندا عموما فتنصح بايه ؟؟؟؟
مين قال ان السيفك قطع غيارها رخيصة؟؟؟اقتباس:
المشاركة الأصلية كتبت بواسطة mido2010n
دي غالية...
بس السيفك فيها ميزة كويسه انها ركوبتها ممتازه وعفشتها ممتازة بردو وثباتها ممتاز كل حاجه فيها حلوة والتزبيط فيها حلو جدا ...
.لكن هي واطية جدا وبتحك كتير ، وانت راكبها بتحس ان انت تحت وكل الناس فوق...
بالنسبة لقطع الغيار دا بيختلف من موديل للثاني...
يعني مثلا الشكل بتاع 92 هاتلاقي متوفر اكتر من اي شكل تاني وهاتلاقيه غالي بردو لكن ارخص من الاشكال التانيه...
السيفك قطع غيارها معمرة وبتعيش لكن غالية...
الحالة اهم من النوع --لو عايز حاجة اقتصادية لو سفرك كتير يبقى نوبيرا لو اغلب مشاويرك داخل البلد يبقى لانوس لو عايز اداء عالى بس قطع غيار اغلى شوية ومش اى ميكانيكى بيشتغل فيها يبقى هوندا سيفيك بس تكون نظيفة لو تعبانة هتكره نفسك --اللانسر الكريستالة رائعة لكن انا شايف ان اسعارها بقت مبالغ فيها شوية