الموضوع: صيانه 80 الف للتيدا و شكر واجب

السلام عليكم ورحمه الله وبركاته
حبيت اشارككم ال دفعته , قصدي ال عملته :d ف صيانه ال 80 الف للتيدا

بدايه ,ماعملتش صيانه من 55 الف كيلوا , بعد ما كنت منتظم جدا ف الصيانات , والسبب ان كرهت التوكيل وانهم ما بيفهموش غير ف الامور العاديه بتاعت الصيانه

روحت السبع , مش لانه اقرب , علشان المهندس احمد ناجي , اكثر الشخصيات احتراما ال قابلتهم ف حياتي
وما بروحش هناك غير علشانه والله

المهم العربيه كان فيها اصوات تخبيط من تحت جامده ف اول حركه العربيه وتخبيط جامد ف المطبات
والعربيه كانت مكتومه جدا بشكل غير طبيعي

باختصار شديد ما تم تغييره
صيانه ال 80 الف , تشمل سير المحرك - زيت الفتيس - فلتر هوا - ميه رادتير
سعر الصيانه 750 جنيه

المشاكل ف العربيه نتيجه

مساعدين خلفيين , ضاربين زيت , هو فعليا واحد ال كان ضارب وللاسف ما ينفعش تغير واحد بس
سعر الاتنين 790 جنيه + المصنعيه 200 جنيه للتغيير

مقصيين قدام , جلب كانت بايظه , ودي اهم نصيحه , لانى ركبت مقصين ياباني قبل كدا سعرهم 800 جنيه الاتنين , وللاسف ما كملوش معايا شهرين , لاني بمشي ف طرق متسكره كتير جدا ف الشرقيه

ف وافقت على تغييرهم باتنين اصلي , سعرهم 1900 جنيه , والمصنعيه طبعا 200 جنيه

قنطره عرضيه , الجلب كانت بايظه , وللاسف ما ينفعش تغير جلب , وبردو ماكنتش موجوده ف التوكيل - سعرها تقريبا 850 جنيه , ف مااتغيرتش و العامل ركبلي جلب من عنده وسعرهم 200 جنيه , والحمدلله ظبطت كويس

تغيير طقم البوجيهات , سعرهم 530 جنيه , والمصنعيه 150 جنيه
والسبب اني كذا مره غسلت العربيه من جوا بالميه وف اتنين بوجيه دخل فيهم ميه كانوا طالعين بايظيين ومصديين جدا , متهالكيين يعني

وطبعا ف حاجه كمان مش متذكرها
وطبعا والاهم من دا كله الضريبه ال كانت فوق ال 500 جنيه

الاجمالي كان 5300 جنيه

والمهندس احمد ناجي , ربنا يكرمه يارب
عملي خصم على معظم الحاجات , ودفعت ف الاخر 4900 جنيه
ف مقابل ان العربيه الحمدلله العفشه بقت احسن بكتييييير جدا

والسبب ان روحت التوكيل , لان دي حاجات كلها مش ميكانيكيه ف هما ادري بيها
وعارفين اسباب الاصوات والمشاكل ال فيها
وكان ف الفوج مش شغال , كان ف مشكله ف الكهربا
فكوهم وظبطوهم كويس الحمدلله
معظم الحاجات اتغييرت قدامي طبعا

ف الاخر بعد استلام العربيه
كان ف مشكله ما اخدوش بالهم منها , كنت بشتكي ان بسمع صوت وونه جامده وانا جوا العربيه
افتح الكبوت, العربيه صوتها طبيعي

طلعت المشكله من طرمبه البنزين ان الماتور بقي ضعيف وصوته عالي جدا
عالي بمعني الكلمه

المهندس احمد ناجي تفضل مشكورا عملي طلب اصلاح تبع الضمان
لان سعرها فوق ال 2000 بالمصنعيه والضريبه

بس للاسف ماكنتش موجوده , والمفروض اني هروح اغيرها يوم التلات الجاي

احب اوجه الشكر والتحيه للمهندس احمد ناجي , راجل قمه ف الذوق والادب والاخلاق
وفعلا وقت ما بتصل احجز صيانه بقولهم , احجزولي مع احمد ناجي

بدعيله فعلا لانه من الناس المحترمه النادره الايام دي


اسف للاطاله
بالتوفيق

مبروك بس الاسعار غالية جدااااااا جداااااا و المصنعية عالية اوى طقم بوجيهات اية الى 530 و مصنعية 150 وااااااااو دا احنا توكيل متسوبيشى رحمة بقا