بالصور- تشغيل 24 ميني باص بخدمة WiFi على خط ''شبرا - المطار''

**Car's Sniper** · 30-12-2013 12:58 PM

شعب مابيعجبوش العجب ولا الصيام فى شهر رجب
ولو جت الحكومة اطور التعليم تلاقى اللى يقولك حسبى الله ونعم الوكيل ..فيه ناس بتموت من الجوع ودول رايحين يوزعوا "تاب" عالطلاب
ولما الحكومة تيجى تشوف اللى مش لاقيين ياكلوا هتلاقى ناس تطلع تقولك سايبين سبب المشكلة اللى هى الجهل وسوء التعليم ورايحين يعملوا حصر للى مش لاقيين ياكلوا
البيضة قبل الفرخة ولا الفرخة قبل البيضة
الحمد لله ان فيه خطوة ايجابية مش مهم ترتيبها ايه ..المهم نحافظ عالخطوة دى بس

**Elawany13** · 30-12-2013 01:11 PM

انتقاداتنا للموضوع مش من فراغ
ولكن من خبرات سابقة عدت علينا
مثال بسيط
فى طنطا عندنا مشروع سيرفيس فيه مينى باص نفس شكل ده وجابوا كام مينى باص زيرو عليهم علامة مرسيدس و جيمس
أيامها البهوات حاولوا يرفعوا الاجرة والناس رفضت
فأقنعونا ان الخدمه هتبقى مميزه وكل واحد هيقعد على كرسى ومفيش حد هيقف فى الطرقه
وخد التقيله ديه كمان
شغلولنا التكييف والناس اتبسطت واتجعصت وقولنل تمام
هما يومين بالضبط ورجعت ريما لعادتها القديمة
ولا تكييف ولا كرسى آدمى والاجرة زادت وخلاص
وهى ديه مصر

Sent from my GT-S6500D using Forum Runner

**Elawany13** · 30-12-2013 11:24 PM

**dede_dodo88** · 31-12-2013 02:19 AM

تحية لكل الردود الايجابية اللي في الموضوع..

انا شايف ان هي خطوة كويسة بس بشرط ان يبقى في اهتمام بصيانات العربيات و يتم زيادة عدد العربيات مع الوقت و إلا المشروع هينتهي بالفشل زي مشاريع كتير سابقة قتلها الاهمال..
و ايه المشكلة حتى لما يعلي الاجرة اكتر شوية كمان, هو مش لازم في كل مشروع نقل عام انه يستهدف الطبقة اقل من متوسطة, ما هو لازم يوفر خدمات نقل عام محترمةتخلي الناس تسيب عربياتها و تلجأ للمواصلات العامة, يعني انا معنديش مانع انزل من غير العربية مرة و اجرب الباص ده...

**HRH_Sameh** · 31-12-2013 01:13 PM

""
بعد قرارا الواى فاى فى أتوبيسات النقل العام هتسمع نوعيات جمل زى:

1 - الى بيحمّل يخف شويه يا جدعان!
2 - رستر الراوتر ياسطااااا
3- الى عنده نت كت ينزل من الأتوبيس يا جماعه
:)

""

شكراً على الخبر