عرض للطباعة
كنت نازل مع واحد صحبى الجامعة فا بعد ما ركن العربية لاقينا واحد بيقولنا 5 جنيه فا بنقوله ليه فا بيقول عشان الركن وحماية للعربية و انو تبع الحى و هوا اصلا شكله لا تبع حى ولا بتاع فا كنا مش هندفع و هنشد معاه بس مش رضينا لا نطلع بعد ما نخلص نلاقى العربية على الارض
يعنى واحد طالب معاه عربية يدفع كل يوم 5 جنيه يعنى 150 جنيه فى شهر و راكن العربية فى الشارع مش فى جراج ده ازاى ده :argue2:
انا رحت بلعربيه من شهرين و نفس النظام برده
روحت كلمت امين الشرطه الى واقف قدام فنون تطبيقيه لاقيته بيقولى روح بلغ عنه فى اول الشارع
طبعا كنت %&@$%@#$ لانه المفروض يعنى واقف بينيل ايه طهما مش فاضيين غير فى مكافحه الارهاب و الجرى ورا طلبه المدارس
استغلال
بلطجة و لازم يكون ليها نهاية
نفس الوضع قدام مستشفى الحسين وفي شارع الازهر
الوضع موجود فى كل شوارع مصر حتى الشوارع الفرعيه و طبعا لو مدفعتش هتلاقى عربيتك متبهدله او مش موجوده اصلا
الحل الوحيد معاهم اول ما تيجى تركن و يجى يقولك 5 جنية قولو ماشى وبتاع و اركن اول ما تخلص مصلحتك و تمشى نفض لية و اعلى ما فى خيلو يركبة ممكن تدية نصف جنية لو عاوز و لو فتح بوقة اسف فى الفز بلجزمة و على فكرة مجربو كتير و ميغركش بلطجى ولا شمام دول عيال جبانة اصلا
لازم يكون فى حل مش اى حد معاه عربية يبقى مرتاح و معاه فلوس فى ناس شايلة القرش على القرش عشان تجيب عربية تريحها من البهدلة
موضوع الحى حقيقى وليك حق وقتها تشوف الكارنية بتاعه اللى خارج من الحى وتاخد بالك من التاريخ كمان لانه ممكن ميكونش مجدد او مش مجددين ليه لاى سبب
الحاجة التاينة الحى اكيد مش هيخلى الناس تدفع 5 جنية فى الركنة ده منطقى جداا كده الواحد يسيب عربيته وينزل مواصلات لا تاكسى البنزين مع فلوس الركنة يبقى كده المواصلات احسن غير انه ممكن يقولك قاعد كام ساعه كده هات عشرة جنية نصب
لما تدفع تطلب وصل الحى وده بيبقى جنية فقط بس طبعا مين هيردى ياخد جنية انا لما بكبر دماغى لانى اكيد مش هتخانق مع عيل شمام واقل من نفسى بديلة 3 جنية مرديش وقتها تديله بالجزمة
فكرت فى موضوع التبليغ بس قلت هيعملوه اية هروح اعمل محضر وفى الاخر محدش يروح يلمهم وبكده ابقى عملت اية
ربنا يرحمنا والبلد تنضف بقى الواحد قرف والله
ههههههههه فكرتني بمشهد فيلم تقريبا كانو ماسكين حرامي وظابط معدي بيقولهم فيه ايه ؟؟؟؟ فقالوله ماسكين حرامي فقام علي صوته ماحد يتصل بالنجدة ياجدعااااان.اقتباس:
المشاركة الأصلية كتبت بواسطة blazer
دي الاتاوة في كل شوارع مصر
انت قولو لما اطلع هديلك ولما تيجي ماشي سيبلو 2جنيه بالكتير اوووي يجي يتكلم فكك منه انا بعمل كده عن نفسي
ريح دماغك الداخليه هى اللى مسرحاهم فى المناطق دى ,,,
الداخلية و الحى مظبط معاهم ( مش قانونى طبعا ) و كله بياخد نصيبه فى الاخر
و على فكرة الناس ديه فيها منها اللى بقاله 20 سنة .. يعنى المنطقة بتاعته و طبعا لو انت من طلبة الجامعة لازم تدفع و الا عربيتك هتتبهدل طبعا و فيه ناس كتير جدا بتسيب ليهم المفاتيح كمان و بيناموا فى العربيات عادى جدا
اقتباس:
المشاركة الأصلية كتبت بواسطة kokowasfy
دى ناس بلطجيه حضرتك وطبعا هيطلع مطوه وممكن يعور بيها
دى بلطجة علنى للاسف
هو بينى وبينك الشرطه هتعمل ايه ولا ايه بس ربنا عرفوه بالعقل
البلد سايبه والبلطجيه فى كل مكان:36_1_50[1]:
يا باشا شرطة ايه اللى تعمل ايه بساقتباس:
المشاركة الأصلية كتبت بواسطة tota_ys
الشرطة مظبطة معاهم و شغل اخر حلاوة :feelgood:
يا جماعة فعلا الشرطة هتعمل ايه و الا ايه؟ هتلم في الارهابيين و الا في طلبة الجامعات و الا هتلم فلوس مخالفات الطرق السريعة. الله يعينهم. فعلا عمرك ما تلاقي طريق اسكندرية مثلا مش عليه رادار. ناس شايفة شغلها صح.
انا الموضوع ده بضايق منه جدااااااا وعملت كذا مشكله بسببه والاهم ان عربيتى قديمه ومش خايف عليها
واحد عند وسط البلد ركنت فى الشارع اللى فيه الامريكان لقيته بيقولى 10 جنيه وانا مسعجل قولت ليه لما اجى ولما رجعت بديله 2 جنيه قالى باشا سيبك من الفكه بصيت ليه وقفلت الازاز ع دراعه ومشيت بالعربيه وجريته معايا لحد ما فتحت وسيبته
وواحد تانى عند محمد فريد بيقولى انا تبع الحى قولته ايه اللى يثبت ورانى ورق وكارنيه قولته طب قشطه خد رقم العربيه واعمل مخالفه وسيبته
بس دلوقتى اللى بيقولى فلوس قبل ما اركن بركن بقوله مش معايا وانا راجع ولما ارجع بسيبه وامشى ولا بعبره وديه بتجيب اوى ومتكيف منها
وفى واحد تانى عند ميدان التحرير حاطه فى داماغى وماسك دفتر بس لسه هاعمل معاه الصح قريب
بس مش عارف لما اغير العربيه هاعمل ايه ؟؟؟؟؟
احسن شئ الواحد لما ينزل بعربية
ميفكرش يركنها