أفضل أداء للفيات 128

**amer_aboamer** · 29-12-2013 05:05 PM

السلام عليكم ورحمة الله وبركاته

الإخوة الأعضاء الغلابة اللى شكلى اللى معهاهم 128
انا جربت جميع الوسائل بعربيتى للحصول على أحسن أداء ليها على الطريق وعمر أطول لقطع الغيار وإكتشفت التالى:
أولا حط ريداتير نحاس ثلاثة ماسورة ومروحة كبيرة بحجم الريداتير كله وظبط طربمبة المياه وإتأكد من سير الدينامو وركب أقل ثرموستات للحصول على أفضل تبريد.
ثانيا إتأكد دايما من سير الكاتينة وغيره فى ميعاده المحدد عشان مايتقطعشى وتخش فى عمرة.
ثالثا إظبط تاكيهات العربية كلها على 35 صيف وشتاء.
رابعا قيس شحن الدينمو وظبط مياه البطارية كل شهر.
خامسا غير الزيت فى ميعاده وعن تجربة حط زيت شل الأحمر 20/50 متعدد ونزلو على 2500 ك فى الصيف و3000 فى الشتاء شرط ان الموتور مايكونشى بيسرب زيت او بيبخر.
سادسا ماتحطش أى قطعة غيار فى العربية اللا الإيطالى وأخرك التركى.
سابعا ماتركبشى كاوتش اكبر من 165/65/13
وأخيرا تمشى بالعربية على سرعة مابين 80 إلى 100
وبكدة إن شاء الله عمرك ماهاتشتكى من العربية أبدا
وأسف على الإطالة وشكرا

**amr011111** · 29-12-2013 06:27 PM

شكراً للملاحظات بس برضه العيب اللى بيعكنن على الواحد هوه فتح الشاسيه وموال اللحامات

**kokowasfy** · 29-12-2013 07:24 PM

اصحاب 128 مش غلابة ولا حاجة لا دول فوق راس اى حد و النصايح بتاعتك حلوة وربنا يباركلك فى العربية يارب

**ihabyossef** · 30-12-2013 10:50 AM

على فكرة ال 128 دي ادماااااان

وبجد تسلم ايدك على المعلومات اللي في الموضوع

**amer_aboamer** · 30-12-2013 01:31 PM

أنا متشكر جدا لكل الزملاء وإن شاء الله هايكون فيه جديد دايما

**amer_aboamer** · 30-12-2013 01:41 PM

المشاركة الأصلية كتبت بواسطة amr011111

شكراً للملاحظات بس برضه العيب اللى بيعكنن على الواحد هوه فتح الشاسيه وموال اللحامات

الموضوع سهل والحل بسيط بإذن الله
لما تيجى تحل الموتور لاى سبب من الاسباب (بعيد الشر يعنى)وترفع الموتور بره العربية إستغل الوضع وإغسل الحوض غسلة كويسة عشان الشروخ المتدارية تبان وخلى سمكرى محترم يلحمهالك ويتأكد من كل الزواية بتاعة الحوض ويظبطها بالزراجين وركب شدادات من تحت الأول وبعدين سقط الموتور وإقفل عليه بشداد من فوق بعرض الحوض بين المساعدين وإنسه إن العربية تفتح تانى أنا عملت كده من سنة وماشاء الله أنا عربيتى 76 خواجة