عرض للطباعة
السلام عليكم يا شباب
اكيد كتير مننا سمع عن موضوع الاتوبيسات الجديدة واللة الععظيم دى حاجة اخر دلع بجد مواصلات بنى ادمين مش الى موجودة فى الشوارع دلوقتى اتوبيس ذكى واى فاى سرعة 7 ميجا حاجة طلقا :36_1_1[1]:نظام دفع ذكى و نظام كروت ممكن تشتريها من اقرب محطة اتوبيسات عندك و مميزات كتير كتير كتيييير لو الاتوبيسات دى انتشرت ممكن تستغنى عن عربيتك و تركبها بجد دى فعلان اتبيسات تلايق بلمواطن المصرى بجد الف شكر للحكومة المنظمة المحترمة و شوفو الفديو دا بردو
http://www.youtube.com/watch?v=pzRJtqKt7N8
لا ده احنا صيعنا خالص
هههههههههههههه واللة لو اضمن مواصلات نضيفة ادامية واللة العظيم مركب عربيتى تانىاقتباس:
المشاركة الأصلية كتبت بواسطة j a g u a r
نقطه مضئيه فى صفحه مليانه سواد يا رب حال البلد يتعدل
مش المهم بداية الخدمة الاهم هو استمرارها وصيانتها .
كل حاجة فالبلد في اولها كانت شغالة ونضيفة بس بعد شهرررررر هتلاقي كل حاجة فصلت ومفيش صيانة والتكييف فصل والشبابيك اتفتحت وبعدين اتكسرت وبعدين شوية شوية هتلاقي الناس واقفة فالطرقة بين الكراسي وبعدين واقفين عالباب والحجة عشان نازل قريب وهيتحوووووول للاتوبيس العادي بتاع النقل العام .
وتبقي فكرة الاتوبيس ابو واي فاي كانت تجربة جميلة ربنا يعيد ايامها.
انا ركبته ومكنش فيه الواى فاى
ازاى ولا موبايلك هو اللى مش متماشى مع الطفره فالاتوبيساقتباس:
المشاركة الأصلية كتبت بواسطة محمد البخ
هتلاقى السواق كان طافى الراوتراقتباس:
المشاركة الأصلية كتبت بواسطة محمد البخ
والله حاجه تدعوا للتفائل
اهم حاجه الناس يسيبوا الاوتوبيس فحاله :d
متوقع بعد اول اسبوعين السفنج متقطع والشاشة بايظه ومكتوب عليها بحبك ياسارة
هو ده اللى هايحصلاقتباس:
المشاركة الأصلية كتبت بواسطة k_e
تسلسل ماسلو الهرمي للإحتياجات
دي نظرية نفسية بترتب إحتياجات البني آدم
تتدرج الحاجات حسب أهميتها في شكل هرمي، ويتكون هذا الهرم من:
- الاحتياجات الفسيولوجية و دي تتكون من (تنفس-طعام-جنس-ماء-إخراج-نوم)
- احتياجات الأمان
- الاحتياجات الاجتماعية
- الحاجة للتقدير
- الحاجة لتحقيق الذات
يعني التدرج لازم يبقى متوازن
يا ترى المواطن المصري في حاجة ملحة للواي فاي!!!!
أه دي حاجة جميلة إن يكون في وسيلة مواصلات آدمية و محترمة لكن لازم نراعي إحتياجات الناس
آه المشاريع التجميلية فالزمالك أو المهندسين حاجة كويسة و بتدي روح للمكان
لكن توفير رعاية صحية لألف مواطن فقير أهم
كان يبقى أحسن لو زودوا عدد الأتوبيسات و زودوا الخطوط اللي شغالة عليها و يسيبوهم من موضوع الواي فاي-gps-شاشة عرض بلازما-...الكلام ده كماليات المواطن العادي مبيدورش عليها
دي كماليات يسعى الفرد لتحقيقها لكن ليس مطلوب من الدولة توفيرها
المواطن العادي عايز مواصلة تنقله من النقطة 1 إلى النقطة 2 في أسرع وقت
لو الخدمة شملت كل الخطوط و بدأ المواطن يلجأ لها بدل العربيات المرور و الطرق هترتاح أوي
إلا لو توفيرها لغرض تجاري هيدر نفع لخزينة الدولة تستخدمه فأمور تانية
و لو التفكير كده يبقى سعره هيبقى مش مناسب لمتوسط الدخول في المجتمع (في مصر9 دولار في اليوم في مارس 2013) يعني حوالي 60 جنيه
يا ترى سعره متناسب مع متوسط دخل الفرد؟؟
يا ترى الحاجات اللي بتوفرها الحكومة لراحة المواطن و بما يتماشى مع إحتياجاته الأساسية؟؟
أنا مش بحارب التجربة بالعكس أنا معجب بيها و نفسي حاجة زي كده تتطبق من زمان (من 2006 و أنا فالكلية بعد عودة صديق من لندن و نقله لتجربة المواصلات هناك)
لكن إحنا دايما بنهتم بالشكليات و ننسى المضمون
و الأهم زي الزملاء مقالوا المتابعة و الصيانة عشان التجربة تكمل للآخر
حد فاكر الاتوبيس المكيف بتاع اكتوبر والمطار
فى اعتقادى انا
شركه جديده واخده توطيل
عايزه تعمل دعايه
عايزه تعمل شغل
الشركه خاصه مش الحكومه العملاه لاكن تحت اسم الحكومه
التوبيسات دى بتكسب كويس جدا
تفكير ناجح و تعتبر التوبيسات نجحت من قبل متشتشغل اصلن
الاتوبيسان مش كلها مكيف
يعنى واى فاى و مفيش تكيف عمااار يا لبيا
بس الاتوبيس اللي في الفيديو هو هو نفس الاتوبيس بغباوتة
معرفش ازاي هيبقى ذكي بعد اضافة النت
ايش تعمل الماشطة في الوش العكر
ههههههههه
سبوه شهر واحد بس للمصرين