ايه اللى بيحصل بالضبط فى مرو ر السويس....!!!

السلام عليكم ورحمة الله وبركاته

النهاردة رحت المرورعشان اجدد رخصة عربيتى الفيرنا وهى موديل 2011
كنت رخصتها فى 2يناير 2011 لمدة 3 سنوات تنتهى اول يناير 2014
المهم فحصت وعملت تامين لمدة ثلاث سنوات كما فعلت فى الرخصة القديمة
تبدأ من 1/1/2014....وتنتهى فى 1/1/2017
وطلبت من الموظفة المسئولة بالمرور بعد مراجعه الملف ان تكون الضريبة ل3 سنوات وانى عملت بوليصة التأمين لمدة 3 سنوات وذلك للتأكيد لانها كانت تغلط فى بيانات بعض من سبقونى
وعلشان تكون الرخصة لمدة 3سنوات منعا من معاناة التجديد كل سنة
المهم طلب موظف الخزينة مبلغ 436 جنيه دفعتهم وبدل ان يعطينى ايصال بالسداد كالعادة
اعطانى ورقة خرجت من الة طباعة مرتبطة بالكمبيوتر موضح بها كل الرسوم وفوجئت بالاتى
1- مكتوب ان الترخيص لمدة ثلاث سنوات
ولكن موضح تحتها ان الضريبة عن سنتان فقط من 1/1/2014...وتنتهى فى 1/1/2016 والمفروض تنتهى فى 2017..وان مدة الترخيص بنفس المدة
راجعت الموظفة تانى ربما هناك خطأ منها وانى طالب تجديد رخصة ثلاث سنوات موش سنتين
وانى مأمن ثلاث سنوات
ولكن اكدت ان البيان صح وان الترخيص لمدة (سنتين ) فقط موش ثلاثة( حسب التعليمات)
طبعا استغربت وسلمت امرى لله
2- كانت المفاجاة التانية عند استلامى للرخصة وهى معمولة على الكمبيوتر ومغلفة كالرخصة الدائمة ...وانها (تصريح لمدة ستة اشهر) وليست (رخصة سنتان ) والمعتاد ان يكون التصريح او الرخصة المؤقتة تكون على ورق كرتون وليست كمبيوتر..وانى مطلوب منى اجدد هذا التصريح كل ستة اشهر...رغم ان الكمبيوتر الخاص باستخراج الرخص شغال موش عطلان
طبعا موش عارف ليه خللوا الترخيص لمدة سنتان موش تلاتة والسيارة ملاكى وشاريها كاش
وليه تصريح ستة اشهر بدل رخصة دائمة والكمبيوتر شغال موش عطلان

شكلهم كده بيستعدوا لتنظيف جيوبنا واستنزافها ومص دمنا بتعدد الاجراءات
وبتلفيق مخالفات وهمية لنا يتم تحصليها
اول باول كل ستة اشهر عند تجديد التصريح..وليس بيدنا حيلة ..وبكره تشوفوا مصر..وحسبنا الله نعم الوكيل