ايهما اقرب للجامعة الامريكية مترو المنيب ام مترو المعادي
اسكن بالشارع المجاور لمدينة المصراوية بالقرب من الجامعة الامريكية
التجمع الخامس
اللي ساكن هناك هاقوله بالتفصيل اسكن في الشارع اللي فيه سور المخابرات منطقة المستثمرين الجنوبية
وعملي بجوار مترو الدقي ومعي سيارة الحمد لله بس مش عاوز ابهدلها كل يوم
ايه اقرب محطة مترو اروح اركن عندها العربية ويكون ركنة امان واركب المترو علشان اروح الدقي
مترو المنيب ام مترو المعادي علما باني مستبعد مترو العباسية وكوبري القبة
همممم .... مترو المعادى اكيد اقربلك بس هتركب و تغير من رمسيس (اللى فاهمه ان التحرير مقفول) و ترجع فى الخط التانى للدقى (مشوار عربيه حوالى 60% من المسافه من بيتك للشغل بس مشوار مترو بتاع ساعه الا ربع على الاقل و هتغير فى رمسيس من خط للتانى)
لو هتكمل للمنيب هتركب الخط التانى على طول للدقى (مشوار حوالى 75% من بيتك للشغل و مترو حوالى 20 دقيقه)
اللى انا شايفه الصراحه ان كده كده انت هتعمل مشوار كبير بعربيتك اصلا عشان تروح المترو و اللى يوصلك المنيب يوصلك الدقى خصوصا انك هتلبس زحمة الدائرى باى حال ....
ممكن تروح المرج و تاخد المترو من اوله ... معرفش هل المسافه على الدائرى اقل ولا لأ و هل الركنه هناك امان ولا لأ بس مشوار المترو هيكون طويل حبتين برضه
ربنا معاك
ممكن المنيب
المعادي هاتمشي جوة المعادي حبة حلوين عشان توصل محطة المترو تكون وصلت المنيب اظن
من المنيب بقى خد المترو للدقي , او كمل بالعربية
الف شكر يارجالة
بس انا لما حسبتها المشوار من باب البيت لباب الشغل عن طريق كوبري اكتوبر بالظبط 41 كيلو معرفش عن طريق الدائري هايبقي ايه النظام
يعني كل يوم 82 كيلو يعني في السنة هاعمل حوالي 30 الف كيلو يعني بعد كام سنة العربية هاتترمي في الزبالة
ربنا يستر
للعلم ... الطريق من كوبرى اكتوبر اقصر حبه حلوين عن لو اخدت الدائرى و الاتنين احتمالية الزحمه تقريبا واحده
انا باعمل في السنة 25 الف كيلو , و شغلي في المعادي و ساكن في مدينة نصراقتباس:
المشاركة الأصلية كتبت بواسطة solghof
واحد تقريبا
بصراحة انا شايف ان اقرب مترو ليك بالترتيب :-
هو العباسية وهتلاقى مكان للركنة - لكن انته مستبعد فكرة العباسية
وبعدين المعادى وفى الحالة دى هتعملك حوالى 30 كيلو رايح جى
وبعدين المنيب ومنصحكش بيها عشان زحمة الدائرى صباحا ومساءا والمشوار بتاع 60 كيلو ذهب وعودة والركنة مش امان فى المنيب - نصيحة خليك فى العباسية - ( معلش سؤال خارج الموضوع شوية السكن فى المستثمرين الجنوبية اخبارة اية وبالذات فى المنطقة السفلية القريبة من جمال عبدالناصر والغابات المتحجرة من حيث الامان والخدمات والمنطقة عمرانه ولا لسة وكدة يعنى عشان بفكر) مع خالص تحياتى ...
الافضل انك تركن عربيتك في الرحاب وتاخد باص الرحاب لحد مترو سرايا القبة