الموضوع: ماذا أركب لأسحب ماء من خزان في المطبخ لبقية مواسير الشقة بدون صوت؟

المشاركة الأصلية كتبت بواسطة طلاب العلم

أخي أحمد كمال
لم آخذ حتى الآن معلومات مؤكدة موثقة علميا بأن 500 لتر تجعل السقف ينهار
طلبت روابط على النت لهذه المعلومة ولم أجد إجابة
سبب عدم اقتناعي هو أنه غير معقول لو واحد وضع 10 شكاير أسمنت فوق بعض في غرفة فسينهار سقف الغرفة على السكان (الشيكارة 50 كجم)
فهل يوجد هنا مهندس معماري يفيدنا في هذه المسألة؟

اعتقد كلام حضرتك منطقيا هو الصح انا كنت عاوز اجاوب بكدة بردة دة ممكن وكنا بنرص 20 شكارة جنب بعض فى مساحة لا تتجاوز متر اى مايعادلوا طن

تعليقا على موضوع السقف ميستحملش يشيل و إن الوزن لو هيتحط على السطح يشيل فإيه الفرق.
حضرتك لو حاطط وزن 500 كم على السطح فالوزن ده بينتشر بإنتظام.لأن تأثر الوزن كله لأسفل و الأرض تحته.فبالتالي الوزن متوزع بإنتظام أسفله.
أما لو الحمل معلق..فهيكون معلق على ركائز الحمل فقط..
يعني لو فيه أربع ركائز يبقى الحمل منتشر على الأربعه فقط..و هنا تكون الخطوره.
بالبلدي كده لو حاطط شكاير أسمنت وزنها 1 طن..
فتأثير وزنها بيتوزع على المساحه السطحيه لقاعدتها.
لكن لو متعلقه في سقف تأثير وزنها مش على السقف.(مش لأعلى طبعا)
أخرك هتعمل عشر بنط بسياخ (التيش)و تعلق عليهم.هتيصبح قوة الوزن المؤثره لأسفل مؤثره على الراكائز و هتكون القوه أكبر بكتير في الحاله دي.
مما قد تؤثر بنسبه كبيره على السقف

المشاركة الأصلية كتبت بواسطة eng:mohamed

تعليقا على موضوع السقف ميستحملش يشيل و إن الوزن لو هيتحط على السطح يشيل فإيه الفرق.
حضرتك لو حاطط وزن 500 كم على السطح فالوزن ده بينتشر بإنتظام.لأن تأثر الوزن كله لأسف و الأرض تحته.فبالتالي الوزن متوزع بإنتظام أسفله.
أما لو الحمل معلق..فهيكون معلق على ركائز الحمل فقط..
يعني لو فيه أربع ركائز يبقى الحمل منتشر على الأربعه فقط..و هنا تكون الخطوره.

ما هو على السقف برضه هيحطه على ركائز
الافضل فى الموضوع ده
انك تعمل الخزان بسمك مثلا 30 سم ومساحته تبقى مغطيه مثلا 1.50 متر فى 1.50 متر

وخليه مرتكز على الحوائط

المشاركة الأصلية كتبت بواسطة طلاب العلم

الخزان قطره 75 سم وارتفاع 183سم بسعة 500 لتر
أخي amr
هل توجد روابط على النت لأعرف تفاصيل كلامك هذا:
(فى جميع الحالات يتم تصميم المبانى السكنيه على حمل حى لا يزيد عن 250 كجم على المتر المربع)؟

من غير روابط على النت
الموضوع ده موجود فى كود الاحمال والمبانى فى المركز القومى لبحوث الاسكان بالدقى
ان الحمل الحى للمطابخ والحمامات تحديداً لا يزيد عن 300 كجم / متر مسطح
كانت زمان بتتصمم على 250 كجم / متر مسطح

المشاركة الأصلية كتبت بواسطة algazar2

فى السطح انت هتحطه على كور السلم او كور الاسانسير فى حاله انه من الخرسانة و الجزء ده بيبقى متصمم انه يشيل احمال كبيره فى المبنى و قوى شد و ضغط عاليه فى معظم المبانى الحديثة

لو المبنى قديم هتحطه على الجزء الى تحته كمره خرسانية و دى هتساعد فى شيل الحمل و توزيعه على الاعمدة

لكن لو حطيته على بلاطه السقف بتبقى متصممه انها تشيل حوالى 250 كجم فى المتر المربع فانت هتحط وزن اعلى على مساحة اقل و ده غلط جدا على البلاطة ممكن يشرخها و يكسرها

هو ده اوقع كلام يتحط فوق السقف على الكور الخرسانى للسلم او الاسانسير