اوعي تجيب حاجة من منصور ده اكتر واحد بيدي الناس علي قفاها ربنا يحفظنا من التاييف
عرض للطباعة
حضرتك عارف ان النترا ٢٠١٢ اول ما نزلت في شهر ٧-٢٠١١ ... الدولار وقتها كان ٥.٩٧ قرش و كان متوافر
انهارده الدولار في الصرافه سعره ٧.٤٥ قرش و غير متوافر كمان
يعني الجنيه قل بنسبه ٢٥٪ قصاد الدولار يبقي التوكيل مش حرامي ولا حاجه. :majd(2):
الله يخرب بيت الثوره اللي قللت فلوسنا و غليت اسعار كل حاجه و قعدت نصنا في البيوت من غير شغل و قسمت الشعب و قتلت الاف و لسه
انا فاكر طبعا وكنت باركتلك عليها فى موضوعك ولما عرفت انك بعتها زعلتلك لانك كنت شارى رخيص جدااااا وانا كنت حشترى نفس الفئه بالزبط وبالتحديد لما وصلت ل 145 الف يعنى كانت زادت 7 الالاف تقريبا وهيا كانت الفئه رقم 2 الى قبل الفولى لودد وصرفت نظر لانى لا رتبت نفسى وفلوسى كانت ب 165 الف!!!!!!!!!!!!!!
على فكره الفئه الى انت سالت عليها ولقيتها ب 170 ناقصه حاجات عن الى كانت معاك بعد ما غيرو تصنيف الفئات تخيل !!!!!!!!!!!!! يعنى اغلى 30 الف واقل مواصفات كمان
العيب مش فى غبور و لا النترا ... و لا غيره ...
زى ما كل الاخوه قالوا بطريقه عمليه >> قيمه الجنيه انخفضت ...
و حضرتك لو صرفت نظر عن الانترا .. ممكن تقول لنا اقرب منافس و سعره اقل ؟؟؟ لا يوجد !! كله غلى بال 30 الف ... حتى الصينى غلى بال 20 الف ...
طيب ماهى الرينو الفلوانس اول ما نزلت 2011 كانت قدامى ب 135 الف جم للفئه e3 الى فيها كل الابشنات عدا فتحه/زينزن/حساس ركن ...
لسه شاريها مو 2014 فيس ليفت من شهر ب 169.5 !!!
بالتوفيق ... تحياتى ...
أولا .. مرحبا بك مرة أخري في المنتدي و في قسم هيونداي و عود حميد أن شاء الله
ثانيا.. كان نفسي اقول لك أشتري الالنترا و خليك معانا لكن وجودك معانا مش شرط يكون بامتلاكك لعربية من عربيات هيونداي
ثالثا.. الالنترا عربية جميلة فعلا و لكن مش معني كده أنك تدفع فيها 170,000 جنيه و هيا هيا نفس العربية
متفق مع رأي بعض الاخوة و تحديدا أخونا محمد ممدوح في أن أنخفاض قيمة الجنيه له دخل و لكن برضه التوكيلات مزوداها و مش بس في الالنترا بمعني :
- أنهم بيزودوا السعر بمجرد زيادة قيمة الدولار أو اليورو أو الين أو حتي عملة دولة الموز أمام الجنيه و لكن زيادة السعر بتسري فورا و باثر رجعي علي المخزون المتوافر لديهم من السيارات مع أنه أشتراها أو جلبها من بلادها بالسعر القديم
- عندما تنخفض العملات الاجنبية امام الجنيه (ده أن أنخفضت) سعر العربيات لاينخفض بل علي العكس ممكن يزيد برضه و الحجج هنا كتييير
طيب أيه الحل ؟؟
- بالنسبة للالنترا أنا شايف أن السعر عالي طبعا و بأنصح بعدم شرائها و خليها تصدي
- للأسف البدائل محدودة لأن كل الوكلاء بيرفعوا أسعارهم مع بعض و فعلا هم متفقون و متحدون علينا نحن المستهلكين
- السؤال المهم : متي سنتفق نحن و نتحد ضد الوكلاء و جشعهم و أستهتارهم و أستخفافهم بنا و بعقولنا ؟
صديقي المواطن
إنت بصراحة ملكش حق وعربيتك أم 130 ألف سنة 2011 مثلا هي هياها نفس السعر أم 2013 ب 160 ألف ﻷن أساسا الدولار هو القيمة الحقيقية للأموال أما العملة المصرية وأي عملة عربية هي ورق مطبوع يخضع للظروف السياسية يعني سنة 2010 كنت بفك ال 100 ألف دولار ب 530 ألف جنيه
حاليا أنا بفك نفس ال 100 ألف دولار ب 740 ألف جنيه
أرجو تكون وضحت الصورة والعيب في قيمة الجنيه والتضخم وليس كله على التوكيلات الحرامية إنت بس زعلان ﻷن حضرتك الظاهر مش بتسافر بره مصر كتير وقبضك وتعاملاتك ومرتباتك كلها بالمصري عشان كده تحس بالمصيبة أشد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال