الموضوع: الي بيحصل ده حرام حسبي الله ونعم الوكيل

بصراحه مش عارف ابدأء اذاي
اشتركت في tetata من حوالي شهر وافتكرت ان افضل عرض هو طلقه بسرعه 8 ميجا واشتركت فيه علي باقه 40 جيجا وبما انه عرض عليه دبل كوتا ويصبح 80 جيجا في الشهر وبد مشاكل في السرعه طبعا المفروض انها ٨ ميجا ولكن مسمار جحا بالنسبه لهم هو قابليه تحمل الخط وفوجئت بالسرعه ١ ميجا طب اذاي مش عارف كلمت الشركه علي ١٩٧٧٧ واتلطع علي الخط اكثر من ٢٠ دقيقه وانا مستحمل سخافات اعلانتهم وعروضهم وسوبر سبورت ومش عارف ايه لغايه ما كنت هتشل انا اعرف انه في خطوط ساخنه ولكني اكتشفت انه في مصر يوجد ايضا خطوط بارده كذلك وبعد ده كله الخط فصل وعاودت الاتصال مره اخري وطبعا بعد كده ياريت الاقي حل لا يقولي حضرتك مشترك عند موزع ولابد من مراجعه الموزع طيب يافندم الموزع ماله هو قدامي مسجل الاشتراك علي عرض طلقه ولا يمكن في طلقات سريعه وطلقات بطيئه مثلا برضه يقلي راجع الموزع قفلت معاه وراجعت الموزع علما ان الموزع بعيد عني ولكني راجعت الموزع وضاعت ٣ ايام مابين خدمه العملاء والموزع وفي الاخر يادوب السرعه اترفعت الي ٣ ميجا بحجه عدم تحمل الخط الارضي وهو كما ذكرت مسبقا مسمار جحا بالنسبه لعرضهم للعلم ايضا الاسلاك والتمديدات والراوتر جايبهم من الكويت ومن افضل الانواع بحب اشتري مره واحده واريح دماغي وشايف علي صفحه الراوتر قوه الوهن ونسبه التشويش وهي ممتازه وتسمح بسرعه اكبر ولكن لا حياه لمن تنادي وطبعا رضيت بالامر الواقع وقلت ال ٣ ميجا ممتازه وانا كلها قاعد في مصر شهرين ومسافر تاني
طبعا ال ٨٠ جيجا خلصو في اول ١٥ يوم بالرغم ان الي حملتهم ٤٠ جيجا حوالي ٣ افلام hd فقط والباقي تصفح ويوتيوب خفيف خالص طبعا انا قلت في بالي ياواد متسيئش الظن ومش معقوله الباندويث هيتسرق وقلت يمكن العيال بيشوفو فيديوهات ولا بيحملو من الابل ستور وكبرت دماغي وطبعا السرعه نذلت بحيث التصفح منعدم رحت للموزع وقلت له اشحن لي ٢٥ جيجا واديته ٧٥ جنيه وببص خلال ٥ ايام لقيت السرعه نذلت تاني شيكت علي معدل التحميل لقيتهم خلصو رحت للموزع تاني اشحن ياعم ٢٥ جيحا تاني الموزع بصلي واستغرب ايه ياعم هو انته بتحمل ايه ولا فلوسك كتير ولا ايه وانا برصه اقنع نفسي ياواد ممكن العيال ومتسئش الظن بالشركه معقوله هيسرقو منك ٥٠ ولا ٦٠ جيحا مثلا ده حتي عيب يعني ومتوصلش للدرجه دي طبعا انا خلاص ال ٢٥ جيجا الشحنه التانيه كانت يوم ٢٥ وحوالي الساعه ٦ المغرب انا قلت اكيد تكفي باقي الشهر وذياده والباقي يترحل الي الشهر التاني كمان وطبعا من باب الاحتياط فصلت الايبادات من النت وغيرت تشفير الشبكه بالرغم اني كنت بشوف اللوج واعرف الماكات بتاعتي ومفيش اي اتصالات غريبه عندي يادوب التليفونات والايبادات والكمبيوتر بتاعي والريسفر وخلاص وعارف استهلاكي كويس وقلت برضه متسيئش الظن ولكني فوجئت امس الصبح الشبكه ضعيفه ورجعت ريما لعادتها القديمه وقضيت النهار علي كده وبالليل حوالي الساعه ١٢ ونصف تقريبا لقيت الباقه الجديده نذلت ٨٠ جيجا قلت ممتاز ولسه ما كملتش نص ساعه واشوف والاقي الباقه انخفض منها حوالي نصف جيجا بالرغم اني محملتش حاجه ونصف ساعه تاني والاقي اني الباقه ناقصه فوق الجيجا وهكذا طبعا لغايه دلوقتي موجود علي استهلاك حوالي ٤ ونصف جيجا بالرغم اني فصلت الراوتر نهائيا من الكهرباء واخدت سكرين شوت علي الايباد قبل فصل الراوتر وطلعت قضيت كام مشوار ورجعت بعد حوالي ساعتين او ٣ ولقيت الاستهلاك بتاعي وصل فوق ٤ جيجا بالرغم اني فاصل الراوتر نهائيا ودي صور توضح اذاي بيتحسب علي الاستهلاك بالرغم ان الراوتر مفصول عنه الكهرباء نهائيا
الصور حسب التسلسل من بعد حوالي الساعه ١٢ لغايه دلوقتي