الموضوع: اجراءات نقل رخصة قيادة من مرور لمرور آخر

يعني قصدك تقول ان المرور الجديد هايقولي مليش دعوة هاتلي رخصة علشان اطلعلك رخصة جديدة ؟ وطالما ان الرخصة ضايعة يبقى لازم اخلص الموضوع كله الأول في المرور القديم ؟؟؟ دي تبقى كارثة .....

علشان خلاصة الموضوع ، والنقطة الجذرية اللي في الحوار كله ان رخصتي مسحوبة أصلا ، وعليها غرامة 750ج وبقالها أكتر من 3 سنين مسحوبة ، ..... والمضحك (المبكي) في الموضوع ان في نيابة الانترنت مش مطلعين عليا أي مخالفات !!! وده اللي هايجنني ، وجبت قبل كده من النيابة في شهر أكتوبر اللي فات 2013 شهادة برائة ذمة (شهادة مخالفات) مختومة بالنسر وموقع عليها وكيل نيابة بالأحمر بتقول ان مفيش مخالفات تماما على الرخصة دي بالأسم ده ، وفي نفس الوقت رخصتي في المرور القديم مسحوبة وموجوده في الملف وفيها ورق المخالفات اللي المفروض يتدفع ب750ج !!! والموضوع ده لسه كان في شهر 7 ، يعني المخالفات مالحقتش تسقط !!!!

أعمل ايييه ؟؟ أطلع رخصة جديدة وخلاص في المرور الجديد ؟ وهل بيناتي هاتطلع عندهم اني ليا رخصة مسجلة قبل كده ؟؟ ولو حصل ده مانا مفيش عليا مخالفات ؟؟

السلام عليكم ورحمة الله وبركاته
من فضلكم ال عنده فكرة عن نقل ملكية السيارة ونقل ملفها من مرورها الأصلي للمرور الجديد المفروض آخذ العربية معايا للمرور القديم لما أروح أعمل نقل ملكية ولا مش شرط وكفاية الورق بس؟