اجراءات نقل رخصة قيادة من مرور لمرور آخر

سؤال من كلمتين بساط جدا
- اجراءات نقل رخصة قيادة من مرور لمرور آخر ........
ولكن بداية المعضلة في الموضوع ان الرخصة ضائعة ، ثاني شئ اني مش عايز أروح للمرور الاصلي بتاعي - ودي أهم نقطة - علشان بعيد عني جدااا (سفر) ، في حين انه انا ممكن أجيب شهادة مخالفات من عن طريق النت ومختومة بختم النسر والنيابة بأنة لاتوجد مخالفات وهاتجيلي بالبريد ...... وهارفق معاها محضر شرطة بأن الرخصة مفقودة
هل في المرور الجديد هايقبلوا بهذة الاوراق ، ولا هايطلبوا ورق معين او حاجة معينة تخليني أروح للمرور الاصلي بتاعي ؟
مع مراعاة ان بطاقتي الجديدة ومحضر الشرطة على نفس عنوان المرور الجديد
وشكرا للجميع مقدما .......

تم تعديل العنوان و نقلة لساحة المرور وموضوعات التأمين فى مصر .

انانقلت الرخصه من السلام للاميريه
بتجيب شهاده مخالفات
وصوره البطاقه الجديده
لكن الرخصه القديمه ادبست في الملف الجديد
وتتصور وتطلع الراخصه
جرب الاوءل بصوره المحضر وشهاده المخالفات
والبطاقه الجديده
ياما تسال في المرور الجديد اللي عايز تنقل له

حضرتك اقرا المقال ده بخصوص قانون المرور فى النقطة ديه.


قادتنى الصدفة إلى أن اكتشف ما يمكن اعتباره بالنسبة للبعض صدمة، البطل فيها قانون المرور لكن الرائع فى الأمر أنه لم يخفف وقع تلك الصدمة على كثيرين سوى ضابط شرطة عرف كيف يتعامل بذكاء مع صدمة المواطنين المترددين على مكتبه من عنصر المفاجأة غير المتوقعة فى إحدى مواد قانون المرور وبدلا من حالة الإحباط التى كان من المفترض أن يخرج بها هؤلاء منحهم بصيصا من الأمل فى إيجاد حلول قانونية لتلك الصدمة وثقة فى أن هناك ضباط شرطة يدركون معاناة المواطنين ويحاولون مساعدتهم فى التغلب عليها ولا يستغلون القوانين لمزيد من تعذيب الناس.

هى مفاجأة قادتنى اليها الصدفة لكننى تعمدت أن أنقلها إليكم لأنه من المؤكد أن كثيرين سيمرون بها خاصة أن معظمنا لم يطلع على قانون المرور بكل مواده رغم أنه أحد القوانين التى نتعامل بها بشكل يومى.

فالمؤكد أن كثيرين لا يعلمون أنه بمجرد تغيير محل الإقامة لابد أن تخطر قسم المرور المختص خلال ثلاثين يوما، ليس هذا فقط ولكن إذا كان تغيير محل الإقامة من محافظة لأخرى وليس داخل المحافظة الواحدة فإن الأمر قد يبدو أشد صعوبة لأنه فى هذه الحالة لن يتوقف الامر عند مجرد الإخطار وإنما لابد أن تبدأ على الفور إجراءات نقل رخصتك إلى قسم المرور الجديد الذى تتبعه.

لكن الكثيرين ممن يغيرون محل إقامتهم وتكون لديهم رخصة قيادة سارية لسنوات يستمرون فى استخدامها ولا ينتبهون إلى هذا المأزق الذى سيكون بالنسبة لهم مفاجأة غير متوقعة وهم يجددون الرخصة بعد انتهاء مدتها.

المفاجأة التى أحدثكم عنها يحملها نص المادة 38 من قانون المرور والذى يقول أنه على المرخص له عند تغيير محل إقامته إخطار قسم المرور المختص خلال ثلاثين يوما من اليوم التالى للتغيير بكتاب موصى به فإذا كان التغيير إلى محافظة أخرى وجب عليه خلال المدة المذكورة أن يقدم إلى قسم المرور بهذه المحافظة طلبا لنقل قيد الرخصة واستيفاء إجراءات نقل القيد التى يحددها وزير الداخلية بقرار منه ويترتب على عدم مراعاة الميعاد فى الحالة الثانية اعتبار الرخصة ملغاة.

وهذا يعنى أنك لو كنت تسكن مثلا فى الزمالك ونقلت إقامتك للمهندسين ومرت ثلاثون يوما لم تخطر فيها قسم المرور بذلك، فإن رخصة قيادتك تعتبر ملغاة حتى لو كان متبقيا لها سنوات.

هذه هى الصدمة فمهما كانت سنوات قيادتك ومهما كان التزامك بآداب وتعاليم المرور فإنك قد تجد نفسك محروما من قيادة سيارتك مرة أخرى لأن الرخصة ستكون ملغاة لمجرد أنك لم تطلع على المادة 38 من قانون المرور.

هذا ما اكتشفته عندما كنت موجودا فى وحدة مرور الشيخ زايد وتابعت وقتها طريقة تعامل رئيس الوحدة سيادة المقدم محمد برهام وهو يبلغ بعض المواطنين الذين تنطبق عليهم هذه المادة بنصها القانونى الذى يمنعه من تجديد الرخصة لهم لكنه أجاد التعامل مع الموقف بذكاء ولباقة وهو يبحث لهؤلاء المصدومين عن حلول قانونية وكان بإمكان المقدم محمد برهام أن يكتفى بالحديث عن تلك المادة التى تعنى أن رخصتك أصبحت ملغاة وأن تبدأ مع نفسك رحلة معاناة البحث عن حل ولن يلومه أحد وقتها لأنه فى النهاية يطبق القانون لكنه نموذج جيد لضابط الشرطة الذى يدرك أن مهمته لا تتوقف فقط عند تطبيق القانون وإنما تمتد إلى خدمة الناس طالما أن هناك حلا فى إطار قانونى أيضا.

والحل يأتى من خلال مادة أخرى فى قانون المرور هى المادة «73 مكرر أ» والتى تقول أنه فى جميع الأحوال التى ينص فيها القانون على إلغاء رخص القيادة ومع عدم الإخلال بالتدابير المقررة فى هذا القانون لا يجوز إعادة منح رخصة قيادة جديدة إلا بعد توافر الشروط المقررة للترخيص وإعادة اجتياز الاختبار الفنى فى القيادة وفى قواعد المرور وآدابه واجتياز دورة بأحد المعاهد المعتمدة لتعليم القيادة كشرط لمنح الرخصة من جديد بذات درجتها.

معنى هذا أنه بإمكانك أن تسترد حقك فى القيادة بشكل قانونى مرة أخرى.. صحيح الأمر قد يبدو هزليا أن تقود لمدة عشرين سنة مثلا ثم يطالبك قانون المرور بأن تتعلم من جديد وتدخل اختبارات قيادة من جديد لكنه فى النهاية حل قانونى لصدمة المادة 83 وأفضل من أن تجد نفسك محروما من القيادة.

لكننى ومثلما توقفت عند تلك المفاجأة القانونية التى لم أكن على علم بها وأثق أن كثيرين لا يعلمون عنها شيئا توقفت أيضا عند طريقة تعامل المقدم محمد برهام مع الناس بأخلاق عالية خففت عنهم الصدمة إلى حد كبير وفى وقت ننتقد فيه كإعلام ممارسات أو تجاوزات بعض ضباط الشرطة، يصبح علينا أيضا أن نشيد بأصحاب المواقف الإيجابية منهم مثل المقدم محمد برهام خاصة إذا كان فى تلك المواقف ما يساعد على تنمية إحساس الناس بأن الشرطة تغيرت بالفعل للأفضل بعد الشرخ الذى أصاب علاقتها بالمواطنين والذى التأم بعد ثورة 30 يونيو.

لكن يتبقى أن نطالب إدارة العلاقات العامة بالمرور بحملة جديدة لتوعية الناس بمواد القانون خاصة تلك التى تحمل مفاجآت غير متوقعة مثل المادة 83 التى كانت صدمة لكثيرين لم يخفف منها ولو قليلا سوى أخلاق ضابط شرطة.

طلع رخصة جديدة من المرور الجديد

أ-hugan .... كلامك فعلا مظبوط ، هو الصح ومن الأخر المفروض اني أروح للمرور بتاعي وأجيب من الأخر وأسألهم على الورق المطلوب بالظبط ..... ولكن للأسف يمنعني ظروف شغلي وعملي أخد أجازات او حتي أوذونات في هذة الفترة تماما ، وأنتوا عارفيين بقي شغل روتين المرور والأجراءات دي

أ-mohabelnegm شكرا لحضرتك جدا على المعلومة اللي صدمتني انا شخصيا فعلا ، بس السؤال اللي يطرح نفسة ، لما حد (ظابط في لجنة مرور مثلا) هايشوف رخصتي (اللي هي المفروض القديمة على العنوان القديم) هايعرف منين اني غيرت العنوان أصلا ، وانا مش هاطلع له البطاقة وممكن رخصة القيادة تغني عن البطاقة الشخصية في كثير من الأمور، طبعا هي نقطة ملفتة وقانون لابد من أحترامة ، بس فعلا أوقات كثيرة الناس بتطنش :)

أ-نجم ... مش ممكن لما يدخل بياناتي على الكمبيوتر في المرور الجديد (أسمي بالكامل ورقم البطاقة) يكتشف ان عندي رخصة قيادة سابقة ، ووقتها ممكن أقع في مشاكل انا في غني عنها
برجاء الرد على الجزئية دي بالذات لأنها فكرة انا فعلا فكرت فيها بجدية ، ووقفت فقط على موضوع انهم يكتشفوا موضوع الرخصة القديمة دي

اقتباس:

---

المشاركة الأصلية كتبت بواسطة prince_pc

أ-hugan .... كلامك فعلا مظبوط ، هو الصح ومن الأخر المفروض اني أروح للمرور بتاعي وأجيب من الأخر وأسألهم على الورق المطلوب بالظبط ..... ولكن للأسف يمنعني ظروف شغلي وعملي أخد أجازات او حتي أوذونات في هذة الفترة تماما ، وأنتوا عارفيين بقي شغل روتين المرور والأجراءات دي

أ-mohabelnegm شكرا لحضرتك جدا على المعلومة اللي صدمتني انا شخصيا فعلا ، بس السؤال اللي يطرح نفسة ، لما حد (ظابط في لجنة مرور مثلا) هايشوف رخصتي (اللي هي المفروض القديمة على العنوان القديم) هايعرف منين اني غيرت العنوان أصلا ، وانا مش هاطلع له البطاقة وممكن رخصة القيادة تغني عن البطاقة الشخصية في كثير من الأمور، طبعا هي نقطة ملفتة وقانون لابد من أحترامة ، بس فعلا أوقات كثيرة الناس بتطنش :)

أ-نجم ... مش ممكن لما يدخل بياناتي على الكمبيوتر في المرور الجديد (أسمي بالكامل ورقم البطاقة) يكتشف ان عندي رخصة قيادة سابقة ، ووقتها ممكن أقع في مشاكل انا في غني عنها
برجاء الرد على الجزئية دي بالذات لأنها فكرة انا فعلا فكرت فيها بجدية ، ووقفت فقط على موضوع انهم يكتشفوا موضوع الرخصة القديمة دي

---

لما الظابط يلاقى رخصة القيادة من مرور و رخصة العربية من مرور تانى هايلفت نظرك و غالبا مش هايعمل حاجة...المشكلة هاتبقى فى حالة فقد الرخصة أو أنتهائها لأنك فى الحالة ديه هاتصطدم بالقانون ده. لأنك لو رحت بالبطاقة اللى فيها العنوان الجديد على المرور القديم هايقوللك القانون 38 و لو روحت المرور الجديد هايقولك روح المرور القديم .

اللى ممكن يتعمل أنك لو معاك الرخصة القديمة بتروح تجيب شهادة مخالفات لرخصة القيادة من المرور القديم و تروح بيها للمرور الجديد تطلب نقل قيد رخصة القيادة و بتاخد تصريح قيادة لمدة شهر أو 3 شهور و التصريح ده بيتجدد لحين وصول الملف و غالبا بتاخد استعجال باليد بتوديه بنفسك للمرور القديم و بتجيب منهم "رقم الصادر" لخروج الملف من المرور القديم و بعد كده بتاخد رخصة قياده ببقية مدتك اللى كانت فى الرخصة القديمة.

اقتباس:

---

المشاركة الأصلية كتبت بواسطة mohabelnegm

اللى ممكن يتعمل أنك لو معاك الرخصة القديمة بتروح تجيب شهادة مخالفات لرخصة القيادة من المرور القديم و تروح بيها للمرور الجديد تطلب نقل قيد رخصة القيادة و بتاخد تصريح قيادة لمدة شهر أو 3 شهور و التصريح ده بيتجدد لحين وصول الملف و غالبا بتاخد استعجال باليد بتوديه بنفسك للمرور القديم و بتجيب منهم "رقم الصادر" لخروج الملف من المرور القديم و بعد كده بتاخد رخصة قياده ببقية مدتك اللى كانت فى الرخصة القديمة.

---

أولا متشكر لحضرتك جدا اهتمامك ، ثانيا كلام حضرتك معقول جدا ، ولكن لو في حالة ان الرخصة القديمة ضايعة أصلا وهاجيب محضر من الشرطة بكدة ، دي حاجة الحاجة الثانية اني هاجيب شهادة مخالفات مختومة بختم النسر وعليها إمضاء حي من وكيل نيابة بانه مفيش مخالفات ولكن هاجيبها من نيابة مرور الانترنت (عن طريق البريد) هايفقوا عليها في المرور الجديد ، ولا ممكن يقولي لازم تجيبلي شهادة مخالفات من نيابة مرورك القديم ؟؟ وهل هايطلب مني اي ورق تاني اجيبة من مروري القديم طالما ان الرخصة ضائعه

الخلاصة اني مش عايز اروح المرور القديم ده تاني خالص ، ولو وصل الامر اني اطلع رخصة قيادة جديدة

عليا تار يا أخي في مكان مروري القديم ده :36_1_1[1]:

http://www.egypt.gov.eg/Services/NTP...aspx?driving=1
ده لينك موقع المرور اللي ممكن تجيب منه شهادة مخالفات للرخص سواء رخصة قيادة أو رخصة مركبات
حطيتة هنا لتعم الفائدة للي عايز يدخل ويشوف مخالفاتة ، وممكن عن طريقة بردوة تستخرج اي شهادة مخالفات وتجيلك لحد عندك بالبريد مقابل رسوم بسيطة جدا

اقتباس:

---

المشاركة الأصلية كتبت بواسطة prince_pc

أولا متشكر لحضرتك جدا اهتمامك ، ثانيا كلام حضرتك معقول جدا ، ولكن لو في حالة ان الرخصة القديمة ضايعة أصلا وهاجيب محضر من الشرطة بكدة ، دي حاجة الحاجة الثانية اني هاجيب شهادة مخالفات مختومة بختم النسر وعليها إمضاء حي من وكيل نيابة بانه مفيش مخالفات ولكن هاجيبها من نيابة مرور الانترنت (عن طريق البريد) هايفقوا عليها في المرور الجديد ، ولا ممكن يقولي لازم تجيبلي شهادة مخالفات من نيابة مرورك القديم ؟؟ وهل هايطلب مني اي ورق تاني اجيبة من مروري القديم طالما ان الرخصة ضائعه

الخلاصة اني مش عايز اروح المرور القديم ده تاني خالص ، ولو وصل الامر اني اطلع رخصة قيادة جديدة

عليا تار يا أخي في مكان مروري القديم ده :36_1_1[1]:

---

المعضلة هاتكون أن فى المرور الجديد علشان يعمللك نقل قيد الرخصة لازم يدبس أصل الرخصة القديمة فى الملف الجديد. للأسف الكرة فى ملعب المرور القديم أنك تطلع بدل فاقد(ده لو عرفت تشوف سكة أتهم مايمسكوش فى البطاقة و يقولك القانون 38 و أنك غيرت ألأقامة) وفى الحالة ديه لو طبقوا عليك القانون 38 يبقى تروح للمرور الجديد تطلع رخصة جديدة بدون قلق أن ليك رخصة تانية لأنها هاتكون ملغية رسمى. و ربنا معاك فى المشكلة ديه.

يعني قصدك تقول ان المرور الجديد هايقولي مليش دعوة هاتلي رخصة علشان اطلعلك رخصة جديدة ؟ وطالما ان الرخصة ضايعة يبقى لازم اخلص الموضوع كله الأول في المرور القديم ؟؟؟ دي تبقى كارثة .....

علشان خلاصة الموضوع ، والنقطة الجذرية اللي في الحوار كله ان رخصتي مسحوبة أصلا :shine[1]: ، وعليها غرامة 750ج :shine[1]: وبقالها أكتر من 3 سنين مسحوبة ، ..... والمضحك (المبكي) في الموضوع ان في نيابة الانترنت مش مطلعين عليا أي مخالفات !!! وده اللي هايجنني ، وجبت قبل كده من النيابة في شهر أكتوبر اللي فات 2013 شهادة برائة ذمة (شهادة مخالفات) مختومة بالنسر وموقع عليها وكيل نيابة بالأحمر بتقول ان مفيش مخالفات تماما على الرخصة دي بالأسم ده ، وفي نفس الوقت رخصتي في المرور القديم مسحوبة وموجوده في الملف وفيها ورق المخالفات اللي المفروض يتدفع ب750ج !!! والموضوع ده لسه كان في شهر 7 ، يعني المخالفات مالحقتش تسقط !!!! :Copy of majd(4):

أعمل ايييه ؟؟ أطلع رخصة جديدة وخلاص في المرور الجديد ؟ وهل بيناتي هاتطلع عندهم اني ليا رخصة مسجلة قبل كده ؟؟ ولو حصل ده مانا مفيش عليا مخالفات ؟؟

السلام عليكم ورحمة الله وبركاته
من فضلكم ال عنده فكرة عن نقل ملكية السيارة ونقل ملفها من مرورها الأصلي للمرور الجديد المفروض آخذ العربية معايا للمرور القديم لما أروح أعمل نقل ملكية ولا مش شرط وكفاية الورق بس؟