جهاز الكشف على صاج السيارهcrash Check

**Eng.Ahmed** · 22-09-2008 04:06 PM

فيه جهاز اسمه Crash Check بيكشف على العربيه اذا كان 1- دهان العربيه فابريقه 2- مرشوشه بس 3- مرشوشه ومعموله معجون ، انا جربته على عربيتى علشان اطمن لان زى ما الناس عارفه ان ساعات عربيات زيرو بتتخبط و تترش فى التوكيل و تتباع على انها زيرو ، و الحمد لله طلع كله تمام . الجهاز كان عند صاحب معرض سيارات فى المهندسين سألته جايبه منين قالى من المانيا و معرفش بيتباع فى مصر ولا لأ ، فا اذا حد يعرف الجهاز ده بيتباع عند حد و بكام ياريت يقولى علشان انا عاوز واحد زيه.

**Ibtal** · 22-09-2008 04:27 PM

الجهاز تمنه ١٠٠ يورو جديد و ممكن تلاقيه في Ebay

**ahmed azab** · 22-09-2008 11:01 PM

الجهاز ده موجود في مصر الموزع بتاعه عند نادي الغابة مصر الجديدة بس فين بالتحديد معرفش بس انا شوفته في اوتوماك السنة دي وكان تمنه 500 جنيه

**abzoabzo** · 22-09-2008 11:12 PM

جهاز ايه يا بنادمين ده مغناطيس ميستهلش ربع جنيه
وقوام سمتوه جهاز طب اللى بيتكلم كده مصوروش ليه علشان نستفيد
هى كل اللى فيها انه مغناطيس قوته ضعيفة علشان لما يعدى على المعجون يسقط فترف كده ان فى معجون فى المنطقة ده

يعنى على الاشتغالات

**Eng.Ahmed** · 22-09-2008 11:42 PM

المشاركة الأصلية كتبت بواسطة abzoabzo

جهاز ايه يا بنادمين ده مغناطيس ميستهلش ربع جنيه
وقوام سمتوه جهاز طب اللى بيتكلم كده مصوروش ليه علشان نستفيد
هى كل اللى فيها انه مغناطيس قوته ضعيفة علشان لما يعدى على المعجون يسقط فترف كده ان فى معجون فى المنطقة ده

يعنى على الاشتغالات

الى انت بتقوله ده مش فكره عمل ( الجهاز ) اصلا ، لانه بيرسل اشاره بتوصل للصاج و ترجع تانى ( للجهاز ) الى فيه 3 لمبات صغيرين
1- اخضر ( لو العربيه مش مرشوشه خالص )
2- اصفر ( لو مرشوشه من غير معجون )
3- احمر ( لو مرشوشه و معموله معجون )

يعنى مش معجون بيسقط لما يعدى عليه مغناطيس و الاشتغالات دى

**ahmed azab** · 22-09-2008 11:54 PM

المشاركة الأصلية كتبت بواسطة abzoabzo

جهاز ايه يا بنادمين ده مغناطيس ميستهلش ربع جنيه
وقوام سمتوه جهاز طب اللى بيتكلم كده مصوروش ليه علشان نستفيد
هى كل اللى فيها انه مغناطيس قوته ضعيفة علشان لما يعدى على المعجون يسقط فترف كده ان فى معجون فى المنطقة ده
يعنى على الاشتغالات

حضرتك واضح انك مقرتش الموضوع كويس او مسمعتش عنه قبل كده

الجهاز تقريبا بيبقا في حجم الموبيل له وجه مربع وده اللي بيتحط علي الصاج والجهاز مزود بثلاث لمبات احمر واخضر واصفر وفكرته ببساطة بيقيس سمك طبقة الدهان وماتحتها حتي الصاج وده بالملي متر وبناء عليه تعمل المبات يعني دهان الفبريكة بيكون ليه سمك معين وده بيشغل اللمبة الخضرا ومعناه انه مفيش طبقات تحت الدهان و الاصفر طبعا باديهي انه بيبقي طبقة فوق طبقة فقط من غير شغل في الصاج انما لو في معجون وشغل في الصاج بالتالي هتنور احمر وعلي فكرة في منه كذا ماركة وموديل

في اي مغنطيس في الموضوع اللي قولتهولك ؟؟؟؟؟

وبعدين هنا مفيش اشتغالات لان محدش عايز حاجة من حد ودي الصور كمان من جوجل من غير تصوير