استهبال Aramex ) shop & ship )

الاخوة الافاضل

انا اشتريت من امازون ( Amazon ) جراب موبيل و كان بـ 13 دولار فقولت ارامكس ( شوب اند شيب ) مش حتاخد اكتر من من 85 جنية مصاريف الشحن العاديه ( الى هيه 12 دولار )

براجع المطلوب على الاكونت بتاعى عندهم لقيت طالبين منى 28.82 دولار

و دى تفاصيل المطالبه

Shipping Charges: 12.00 USD
Duties 16.82 USD >> 117 EGP
-------------------------------------------------
Total Amount 28.82 USD


اى انهم بيطالبونى بـ 117 جنيه تخليص جمركى و جمارك - شوفتو المسخرة - دا جراب موبيل

هوة جراب موبيل بيدفع عليه 117 جنيه تخليص جمركى و جمارك

قولولى - ممكن اخلص الى عليا و اخد الفواتير و كشف الحساب و اطلع على حمايه المستهلك و لا ايه رايكم - احسن بصراحة عمال اجيبها يمين شمال - هوه جراب موبيل و بلاستك كمان مش جلد مش كتشن ماشين يعنى

مستنى ارائكم

انا لو منك هاعمل معاهم الجولاشة
يعنى اية حتة جراب ياخدوا علية 117 جنية

معتقدش إنك هتستفيد شيء من عمل شكوى لأي جهة
بصراحة الشراء من أمازون أو من خارج مصر عموما فكرة فاشلة وبتقف عليك بخسارة أكتر بكتير من إنك تشتري الحاجة من مصر
الحالة الوحيدة اللي ممكن تلجأ فيها للشراء من الخارج هي إنك تشتري حاجة ضرورية لك جدا ومش موجودة في مصر وتحاول أولا تشوفلك حد برة يجبهالك معاه وهو جاي أو يبعتها مع حد يعرفه غير كده اعمل حسابك إنك ممكن تشتري لاصق حماية شاشة من أبو 10 جنيه وتلاقيك دفعتله في النهاية 200 جنيه !!

اقتباس:

---

المشاركة الأصلية كتبت بواسطة mastr_n

انا لو منك هاعمل معاهم الجولاشة
يعنى اية حتة جراب ياخدوا علية 117 جنية

---

ايوة يا باشا ما الجولاش انواعه كتير

انا بقى بفكر دلوقتى اعملهم انهى نوع جولاش - جولاشتى انا و لا نجرب جولاشه الحكومة الاول لانى بصراحة حجنن

اقتباس:

---

المشاركة الأصلية كتبت بواسطة أبو آسر

معتقدش إنك هتستفيد شيء من عمل شكوى لأي جهة
بصراحة الشراء من أمازون أو من خارج مصر عموما فكرة فاشلة وبتقف عليك بخسارة أكتر بكتير من إنك تشتري الحاجة من مصر
الحالة الوحيدة اللي ممكن تلجأ فيها للشراء من الخارج هي إنك تشتري حاجة ضرورية لك جدا ومش موجودة في مصر وتحاول أولا تشوفلك حد برة يجبهالك معاه وهو جاي أو يبعتها مع حد يعرفه غير كده اعمل حسابك إنك ممكن تشتري لاصق حماية شاشة من أبو 10 جنيه وتلاقيك دفعتله في النهاية 200 جنيه !!

---

للاسف الجراب الى انا جايبه لـ Note II و مش موجود زيه هنا
كنت بستخدم الخدمة دى و كانت معقوله

اول مرة اشوف الاستهبال دة

يا باشا آي حاجة رخيصة هتبقى في الحدود دي، الشراء من الخارج يفضل في الحاجات القيمة وسعرها عالي.

اقتباس:

---

المشاركة الأصلية كتبت بواسطة legendjo

يا باشا آي حاجة رخيصة هتبقى في الحدود دي، الشراء من الخارج يفضل في الحاجات القيمة وسعرها عالي.

---

ما الى انا اعرفو ان فى حاجات مبتاخدش عليها جمارك و افاجاء انهم بيحصلو منى جمارج و بيدونى بيان بيه كمان

مرة اشتريت امواس حلاقه لماكينة حلاقة كهربا و دفعونى برضو عليها

القصة هنا يا جماعة - انا عايز اعرف اذا كانت الجمارك فعلا بتحصل دة على الرغم من عدم جواز دفع الجمارك على سلعه هى فى الاصل حتة بلاستيك و لا ارامكس بتنصب باسم الجمارك - هيه دى النقطه

اقتباس:

---

المشاركة الأصلية كتبت بواسطة أبو آسر

معتقدش إنك هتستفيد شيء من عمل شكوى لأي جهة
بصراحة الشراء من أمازون أو من خارج مصر عموما فكرة فاشلة وبتقف عليك بخسارة أكتر بكتير من إنك تشتري الحاجة من مصر
الحالة الوحيدة اللي ممكن تلجأ فيها للشراء من الخارج هي إنك تشتري حاجة ضرورية لك جدا ومش موجودة في مصر وتحاول أولا تشوفلك حد برة يجبهالك معاه وهو جاي أو يبعتها مع حد يعرفه غير كده اعمل حسابك إنك ممكن تشتري لاصق حماية شاشة من أبو 10 جنيه وتلاقيك دفعتله في النهاية 200 جنيه !!

---

اختلف مع حضرتك فى الموضوع دة
امازون مش اى حاجة تشتريها من عليه وخصوصا الرفايع
بمعنى اصح الحجات الرخيصه اللى تمن شحنها حيبقى اغلى منها
لكن لو غاوى فعلا والحاجة نادرة يبقى ادفع اللى يتقالك وانت راضى لانك عارف قيمه الحاجة اللى انت جبتها ومدى ندرتها او صعوبة الحصول عليها

لكن امازون تحديدا عمل خدمه جديدة اسمها جلوبال وهوه اللى بيوصل لحد باب البيت بمعرفته يعنى عن طريق dhl وكمان فى بعض السلع بيحسبلك جمركها وشحنها لحد باب البيت ولو عايزه يحسبلك بالمصرى كمان ويسحب منك بالمصرى معندوش مشكله وبمجرد ما بيقولك على التوتال ويسحبه من الكريديت لحد ما الحاجة توصلك لحد باب البيت مبتدفعش جنيه واحد وانا لسه مجرب الموضوع دة من اسبوع فى سلعه جبتها من امازون ارخص من تمنها فى مصر ب 2000 جنيه على الاقل ان مكنش اكتر كمان

نصيحه للمستقبل. اعمل أكونت باي بال واشتري من ايباي واشحن مباشر على هنا بالبريد العادي. الحاجه بتيجي بعد شهر بس بدون أي مصاريف ولا جمارك ودي طريقه نموجيه للحاجات الرفيعه الرخيصه زي الجرابات والاكسسوارات زي شاحن عربيه مثلا وايباي مليان تجار بيشحنو لأي حته مش شرط داخل أمريكا بس زي معظم تجار أمازون.

بالنسبه للجرابات بالتحديد البياع المفضل عندي Mobile Back Cases, Protective Phone Case items in Head Case Designs UK store on eBay!

ودي جرابات النوت2 بالتحديد Mobile Back Cases, Protective Phone Case items in Head Case Designs UK store on eBay!

كله في حدود 5 استرليني وأحلى تصميمات لكل الاذواق والشحن مجاني وبيوصل بالبريد العادي بعد شهر وساعي البريد بتاع الحكومه يجيبه لحد باب البيت بدون أي رسوم أو جمارك ومتقلقش لازم بيوصل وتوقعله بالاستلام برقم بطاقتك ومجرب كذا مره ومفيش حاجه بتضيع.

اقتباس:

---

المشاركة الأصلية كتبت بواسطة mido_soliman

اختلف مع حضرتك فى الموضوع دة
امازون مش اى حاجة تشتريها من عليه وخصوصا الرفايع
بمعنى اصح الحجات الرخيصه اللى تمن شحنها حيبقى اغلى منها
لكن لو غاوى فعلا والحاجة نادرة يبقى ادفع اللى يتقالك وانت راضى لانك عارف قيمه الحاجة اللى انت جبتها ومدى ندرتها او صعوبة الحصول عليها

لكن امازون تحديدا عمل خدمه جديدة اسمها جلوبال وهوه اللى بيوصل لحد باب البيت بمعرفته يعنى عن طريق dhl وكمان فى بعض السلع بيحسبلك جمركها وشحنها لحد باب البيت ولو عايزه يحسبلك بالمصرى كمان ويسحب منك بالمصرى معندوش مشكله وبمجرد ما بيقولك على التوتال ويسحبه من الكريديت لحد ما الحاجة توصلك لحد باب البيت مبتدفعش جنيه واحد وانا لسه مجرب الموضوع دة من اسبوع فى سلعه جبتها من امازون ارخص من تمنها فى مصر ب 2000 جنيه على الاقل ان مكنش اكتر كمان

---

انا لاحظت خدمة جلوبال دى و كنت بفكر اجربها - اهه تغنينا عن سرقة الشركة دى

اقتباس:

---

المشاركة الأصلية كتبت بواسطة ahmed_adham

نصيحه للمستقبل. اعمل أكونت باي بال واشتري من ايباي واشحن مباشر على هنا بالبريد العادي. الحاجه بتيجي بعد شهر بس بدون أي مصاريف ولا جمارك ودي طريقه نموجيه للحاجات الرفيعه الرخيصه زي الجرابات والاكسسوارات زي شاحن عربيه مثلا وايباي مليان تجار بيشحنو لأي حته مش شرط داخل أمريكا بس زي معظم تجار أمازون.

بالنسبه للجرابات بالتحديد البياع المفضل عندي mobile back cases, protective phone case items in head case designs uk store on ebay!

ودي جرابات النوت2 بالتحديد mobile back cases, protective phone case items in head case designs uk store on ebay!

كله في حدود 5 استرليني وأحلى تصميمات لكل الاذواق والشحن مجاني وبيوصل بالبريد العادي بعد شهر وساعي البريد بتاع الحكومه يجيبه لحد باب البيت بدون أي رسوم أو جمارك ومتقلقش لازم بيوصل وتوقعله بالاستلام برقم بطاقتك ومجرب كذا مره ومفيش حاجه بتضيع.

---

تسلم يا باشا ربنا يكرمك على المعلومة دى - حجربها

اقتباس:

---

المشاركة الأصلية كتبت بواسطة mmtronic

انا لاحظت خدمة جلوبال دى و كنت بفكر اجربها - اهه تغنينا عن سرقة الشركة دى

---

بس خلى بالك انها مش على كل السلع عموما هوه بيقولك
وانا شايف انها احسن حاجة
قبل ما تدفع وتدبس
بيديك فاتورة بكل حاجة حتى الجمارك داخل البلد
وانت توافق او ترفض

اقتباس:

---

المشاركة الأصلية كتبت بواسطة mido_soliman

بس خلى بالك انها مش على كل السلع عموما هوه بيقولك
وانا شايف انها احسن حاجة
قبل ما تدفع وتدبس
بيديك فاتورة بكل حاجة حتى الجمارك داخل البلد
وانت توافق او ترفض

---

تسلم يا باشا ربنا يكرمك

هي الشحنة وصلت و خرجت من الجمارك و لا لسه ؟

لو لسه ممكن تلاقي قيمة الجمارك أختلفت.

لو وصلت......هل معاها إيصال من الجمارك بالمبلغ ؟

لو معاها إيصال مش هتعرف تعمل حاجة...........لو مش معاها هتعمل معاهم مشكلة......بس للأسف ملهمش كبير.....يعني ممكن متاخدش حق ولا باطل معاهم.

السلام عليكم ورحمه الله
انا اتعامل مع شوب اند شيب ( ارامكس ) وبوردر لينكس ( دى اتش ال ) منذ سنوات خدمه ارامكس ارخص بكثير عن بوردر لنكس.
من يشترى اى شى من بره مصر لابد ان يكون متاكد مئه بالمئه انه مش موجود فى مصر ، وبالمقابل لن تفرق معى تكلفه هذا الشى لاننى محتاجه بشده.
انا اشتريت اشياء ابتداء من ربع كيلو حتى سته كيلو وكانوا عن طريق الشحن ايضا.
للمعلوميه يوجد حاسبه بالتكاليف التقريبيه على موقعهم تستطيع حساب التكلفه المتوقعه لما سوف تشتريه
وهذه اسعار الشحن لديهم لو الشحنه اقل من كيلوا واحد
Shipping Fees

21.00 USD for US
21.00 USD for UK
21.00 USD for CN
14.85 USD for IN
14.85 USD for TR
14.85 USD for AE
21.00 USD for HK
21.00 USD for ZA

وهذه الاسعار لو اثنين كيلو
Shipping Fees

39.00 USD for US
39.00 USD for UK
39.00 USD for CN
26.55 USD for IN
26.55 USD for TR
26.55 USD for AE
39.00 USD for HK
39.00 USD for ZA

يعنى 21 دولار شحن و 7 دولار جمارك ومصاريف تخليص هذه اسعار عاديه مش مبالغ فيها لان جمارك ايه مصنوعات جلديه تصل الى 45% شامله ضريبه المبيعات.

اود ان اوضح ايضا سواء شحنت على ارامكس او البريد العادى لابد ان تدفع مصاريف تخليص وجمارك مفيش شى اسمه انك لن تدفع ايه مبالغ للجمارك لانه لايوجد شى اسمه شحنه تاتى بدون ان تدفع عليها جمارك الا لو شويه مستندات.

انا لسه شارى شى من الصين ثمنه 6.5 دولار دفعت عليه جمارك 14 جنيها ومصاريف للبريد المصرى 6 جنيها يعنى الاجمالى 20 جنيها وانا الذى ذهبت الى البريد لاستلامه.

اود ان اعلمك ايضا ان شوب اندشيب ارحم من بوردر لينكس لاننى اشتريت بنطلونين جينز كان ثمنهم 55 دولار ووزنهم 1800 جرام والجمارك على المنسوجات 30%
يعنى شحن وجمارك المفروض لاتزيد عن ( 39 شحن + 25 جمارك تقريبا = 64 دولار تقريبا )
شحنت على بوردر لينكس وجدتهم بيطالبونى ب 95 دولار يعنى قيمه البنطلونين 55 دولار وهما عايزين 95 دولار انت عارف ليه طالبوا هذا الرقم حاسبونى على مصاريف وقود وجمارك ومصاريف تخليص وضريبه داخل امريكا وايضا هم يشتغلون على الوزن الحجمى ( الطول × العرض × الارتفاع = الوزن الحجمى ) المهم دفعت المبلغ مثل الشاطر وعملت شكوى فى جهاز حمايه المستهلك بامريكا وطبعا دى دول محترمه وبعد اسبوعين تم التوصل الى تسويه وتم ارتجاع 33 دولار لى.

المبلغ دة بتاخدة مصلحة الجمارك مش أرامكس، أرامكس دورها تدفع الجمارك و بعدين تحاسبك