استهبال Aramex ) shop & ship )

**mmtronic** · 30-12-2013 07:49 PM

الاخوة الافاضل

انا اشتريت من امازون ( Amazon ) جراب موبيل و كان بـ 13 دولار فقولت ارامكس ( شوب اند شيب ) مش حتاخد اكتر من من 85 جنية مصاريف الشحن العاديه ( الى هيه 12 دولار )

براجع المطلوب على الاكونت بتاعى عندهم لقيت طالبين منى 28.82 دولار

و دى تفاصيل المطالبه

Shipping Charges: 12.00 USD
Duties 16.82 USD >> 117 EGP
-------------------------------------------------
Total Amount 28.82 USD

اى انهم بيطالبونى بـ 117 جنيه تخليص جمركى و جمارك - شوفتو المسخرة - دا جراب موبيل

هوة جراب موبيل بيدفع عليه 117 جنيه تخليص جمركى و جمارك

قولولى - ممكن اخلص الى عليا و اخد الفواتير و كشف الحساب و اطلع على حمايه المستهلك و لا ايه رايكم - احسن بصراحة عمال اجيبها يمين شمال - هوه جراب موبيل و بلاستك كمان مش جلد مش كتشن ماشين يعنى

مستنى ارائكم

**mastr_n** · 30-12-2013 07:54 PM

انا لو منك هاعمل معاهم الجولاشة
يعنى اية حتة جراب ياخدوا علية 117 جنية

**أبو آسر** · 30-12-2013 07:55 PM

معتقدش إنك هتستفيد شيء من عمل شكوى لأي جهة
بصراحة الشراء من أمازون أو من خارج مصر عموما فكرة فاشلة وبتقف عليك بخسارة أكتر بكتير من إنك تشتري الحاجة من مصر
الحالة الوحيدة اللي ممكن تلجأ فيها للشراء من الخارج هي إنك تشتري حاجة ضرورية لك جدا ومش موجودة في مصر وتحاول أولا تشوفلك حد برة يجبهالك معاه وهو جاي أو يبعتها مع حد يعرفه غير كده اعمل حسابك إنك ممكن تشتري لاصق حماية شاشة من أبو 10 جنيه وتلاقيك دفعتله في النهاية 200 جنيه !!

**mmtronic** · 30-12-2013 07:57 PM

المشاركة الأصلية كتبت بواسطة mastr_n

انا لو منك هاعمل معاهم الجولاشة
يعنى اية حتة جراب ياخدوا علية 117 جنية

ايوة يا باشا ما الجولاش انواعه كتير

انا بقى بفكر دلوقتى اعملهم انهى نوع جولاش - جولاشتى انا و لا نجرب جولاشه الحكومة الاول لانى بصراحة حجنن

**mmtronic** · 30-12-2013 08:00 PM

المشاركة الأصلية كتبت بواسطة أبو آسر

معتقدش إنك هتستفيد شيء من عمل شكوى لأي جهة
بصراحة الشراء من أمازون أو من خارج مصر عموما فكرة فاشلة وبتقف عليك بخسارة أكتر بكتير من إنك تشتري الحاجة من مصر
الحالة الوحيدة اللي ممكن تلجأ فيها للشراء من الخارج هي إنك تشتري حاجة ضرورية لك جدا ومش موجودة في مصر وتحاول أولا تشوفلك حد برة يجبهالك معاه وهو جاي أو يبعتها مع حد يعرفه غير كده اعمل حسابك إنك ممكن تشتري لاصق حماية شاشة من أبو 10 جنيه وتلاقيك دفعتله في النهاية 200 جنيه !!

للاسف الجراب الى انا جايبه لـ Note II و مش موجود زيه هنا
كنت بستخدم الخدمة دى و كانت معقوله

اول مرة اشوف الاستهبال دة

**mmtronic** · 30-12-2013 08:12 PM

المشاركة الأصلية كتبت بواسطة legendjo

يا باشا آي حاجة رخيصة هتبقى في الحدود دي، الشراء من الخارج يفضل في الحاجات القيمة وسعرها عالي.

ما الى انا اعرفو ان فى حاجات مبتاخدش عليها جمارك و افاجاء انهم بيحصلو منى جمارج و بيدونى بيان بيه كمان

مرة اشتريت امواس حلاقه لماكينة حلاقة كهربا و دفعونى برضو عليها

القصة هنا يا جماعة - انا عايز اعرف اذا كانت الجمارك فعلا بتحصل دة على الرغم من عدم جواز دفع الجمارك على سلعه هى فى الاصل حتة بلاستيك و لا ارامكس بتنصب باسم الجمارك - هيه دى النقطه

**mido_soliman** · 30-12-2013 08:19 PM

المشاركة الأصلية كتبت بواسطة أبو آسر

معتقدش إنك هتستفيد شيء من عمل شكوى لأي جهة
بصراحة الشراء من أمازون أو من خارج مصر عموما فكرة فاشلة وبتقف عليك بخسارة أكتر بكتير من إنك تشتري الحاجة من مصر
الحالة الوحيدة اللي ممكن تلجأ فيها للشراء من الخارج هي إنك تشتري حاجة ضرورية لك جدا ومش موجودة في مصر وتحاول أولا تشوفلك حد برة يجبهالك معاه وهو جاي أو يبعتها مع حد يعرفه غير كده اعمل حسابك إنك ممكن تشتري لاصق حماية شاشة من أبو 10 جنيه وتلاقيك دفعتله في النهاية 200 جنيه !!

اختلف مع حضرتك فى الموضوع دة
امازون مش اى حاجة تشتريها من عليه وخصوصا الرفايع
بمعنى اصح الحجات الرخيصه اللى تمن شحنها حيبقى اغلى منها
لكن لو غاوى فعلا والحاجة نادرة يبقى ادفع اللى يتقالك وانت راضى لانك عارف قيمه الحاجة اللى انت جبتها ومدى ندرتها او صعوبة الحصول عليها

لكن امازون تحديدا عمل خدمه جديدة اسمها جلوبال وهوه اللى بيوصل لحد باب البيت بمعرفته يعنى عن طريق dhl وكمان فى بعض السلع بيحسبلك جمركها وشحنها لحد باب البيت ولو عايزه يحسبلك بالمصرى كمان ويسحب منك بالمصرى معندوش مشكله وبمجرد ما بيقولك على التوتال ويسحبه من الكريديت لحد ما الحاجة توصلك لحد باب البيت مبتدفعش جنيه واحد وانا لسه مجرب الموضوع دة من اسبوع فى سلعه جبتها من امازون ارخص من تمنها فى مصر ب 2000 جنيه على الاقل ان مكنش اكتر كمان

**Ahmed_Adham** · 30-12-2013 08:22 PM

نصيحه للمستقبل. اعمل أكونت باي بال واشتري من ايباي واشحن مباشر على هنا بالبريد العادي. الحاجه بتيجي بعد شهر بس بدون أي مصاريف ولا جمارك ودي طريقه نموجيه للحاجات الرفيعه الرخيصه زي الجرابات والاكسسوارات زي شاحن عربيه مثلا وايباي مليان تجار بيشحنو لأي حته مش شرط داخل أمريكا بس زي معظم تجار أمازون.

بالنسبه للجرابات بالتحديد البياع المفضل عندي Mobile Back Cases, Protective Phone Case items in Head Case Designs UK store on eBay!

ودي جرابات النوت2 بالتحديد Mobile Back Cases, Protective Phone Case items in Head Case Designs UK store on eBay!

كله في حدود 5 استرليني وأحلى تصميمات لكل الاذواق والشحن مجاني وبيوصل بالبريد العادي بعد شهر وساعي البريد بتاع الحكومه يجيبه لحد باب البيت بدون أي رسوم أو جمارك ومتقلقش لازم بيوصل وتوقعله بالاستلام برقم بطاقتك ومجرب كذا مره ومفيش حاجه بتضيع.

**mmtronic** · 30-12-2013 08:24 PM

المشاركة الأصلية كتبت بواسطة mido_soliman

اختلف مع حضرتك فى الموضوع دة
امازون مش اى حاجة تشتريها من عليه وخصوصا الرفايع
بمعنى اصح الحجات الرخيصه اللى تمن شحنها حيبقى اغلى منها
لكن لو غاوى فعلا والحاجة نادرة يبقى ادفع اللى يتقالك وانت راضى لانك عارف قيمه الحاجة اللى انت جبتها ومدى ندرتها او صعوبة الحصول عليها

لكن امازون تحديدا عمل خدمه جديدة اسمها جلوبال وهوه اللى بيوصل لحد باب البيت بمعرفته يعنى عن طريق dhl وكمان فى بعض السلع بيحسبلك جمركها وشحنها لحد باب البيت ولو عايزه يحسبلك بالمصرى كمان ويسحب منك بالمصرى معندوش مشكله وبمجرد ما بيقولك على التوتال ويسحبه من الكريديت لحد ما الحاجة توصلك لحد باب البيت مبتدفعش جنيه واحد وانا لسه مجرب الموضوع دة من اسبوع فى سلعه جبتها من امازون ارخص من تمنها فى مصر ب 2000 جنيه على الاقل ان مكنش اكتر كمان

انا لاحظت خدمة جلوبال دى و كنت بفكر اجربها - اهه تغنينا عن سرقة الشركة دى

الموضوع: استهبال Aramex ) shop & ship )

LinkBack

أدوات الموضوع

عرض

-

-

-

-

المواضيع المتشابهه

استفسارات عن خدمة Shop and ship من ارامكس

BMW the new ship woooooow

حد عاوز يعمل aramex box او عنده ؟

aramex - shop and ship

Aramex Shop&Ship

الكلمات الدلالية لهذا الموضوع

المفضلات

المفضلات

ضوابط المشاركة