مطلوب فرش شقة بالمبلغ الخطير ده !!!!

السلام عليكم ورحمه الله
أخواني ألاعزاء
عاوز افرش شقة بحدود المعقول
بعد ماربنا أراد اني انقل محل إقامة أسرتي من صعيد مصر الى القاهرة
تحديداا زهراء م نصر
عاوز أفرش الشقة مع العلم إنها إيجار ولمدة سنة ونصف كمان بعد عذاب
وعاوز فرش فالحنين
أسرتي مكونة من 3 فقط انا وزوجتي وابنتي
المتطلبات على حد علمي :-
غرفة نوم
بوتاجاز -سخان - ثلاجة- غسالة
انتريه
تربيزة أكل صغيرة
سرير أطفال صغير
(( هنقل حاجات خفيفة زي الحلل والاطباق والميكرو ويف والكتشن ماشين الخ ))
بصراحة مش عاوز انقل حاجة من شقة الصعيد لانها مقر ألاهل وهنزلها ترانزيت مرة كل شهرين
الميزانية فحدود 15 الف جنيه
تتضمن طبعا التلفزيون ال ثري دي 47 بوصة
هههههههههه
لا مش وقت تلفزيونات خالص
انا عاوز أحط ألاساسيات وبعدين أفكر ممكن اعمل إيه
حد يوصفني اشتري منين ومحدش يقولي انزل سوق الجمعة والكلام ده لاني مش فاضي
ومعنديش خلق للتجار يبيعو ويشترو فيا
ولو حد عندة نية بيع بعض أغراضه ميكونش ليها استخدام عنده يبقا كتر الف خيره
ساعدوني لضيق وقتي بالله عليكم
الشقة المفروض همضي العقد بتاعها بكرة

بتسأل على جديد ولا مستعمل

انزل شارع عبد العزيز وسط البلد هتلاقي جميع الأجهزة الكهربائية والمنزلية بس خللي بالك من النصابين واسأل ولف كويس الأول
وغرفة النوم وسرير الأطفال والأنتريه ممكن تجيبهم من حتة اسمها المناصرة في وسط البلد برده أسمع إنها رخيصة

مش فارق جديد ولا مستعمل
بس اعتقد الميزانية يادوب مستعمل

فى موقع اسمه دوبيزل فيه اثاث واجهزه منزليه مستعمله

لومستعمل خليك في الوسيط
المناصره هاتلاقي فيها شغل للمبلغ المتاح
بس شغل ضغيف بجوده تعبانه لكن هايقضي الغرض

https://egypt.dubizzle.com/ar/cairo/...xzZSZwYWdlPTQ=

بص يا خالد باشا بلاش مستعمل فى الاجهزه المنزليه او شارع عبد العزيز روح على هايبر وان ح تلاقى حاجات مضمونة و عليها عرض فى جميع الاجهزه المنزليه و بالنسبة للعفش فى المناصرة زى ما الاخوة الافاضل ما قالوا

فيه جروب للحاجات المستعملة علي الفيسبوك شوف كده و دوبيزل بردو جميل لكن عاوز شوية تليفونات و تروح تتفرج علي الحاجة في مكانها.
https://www.facebook.com/groups/elymeshmehtago/
https://www.facebook.com/groups/377688272306803/

انزل شارع القلعه والمناصره
في موبيليا صيني
انتريهات وسفر 6 كراسي واحيانا 4
خدلك لفه وشوف

انا عندي تليفزيون 21 بوصه ال جي جديد مش مستخدم بالكرتونه عايز فيه 500 جنيه لو يلزمك انا تحت امرك

وخش علي موقع دوبيزل هاتلاقي حاجات كتير كويسه ان شاء الله

الميزانية دى تجبللك جديد ونوع كويس وكمان يتبقا معاك على فكرة بلمنسبة كدة ....
قبل كدة كنت قاعد عند واحد صحبى فى المعرض بتاع ابوة عندهم معرض اجهزة منزلية وكدة حسبنا كل الاءجهزة بتاعت البيت من مروحة لمكوة لبوتاجاز لمطبخ للللل حبنا كل حاجة وحاجات نضيفة بلتكييف كمان طلعت فى الاءخر 13الف وشوية وخليك فاكر انى بقول كل حاجة

التوحيد والنور اللي فى ناصر الثورة فى فيصل معلق ورقه ان كل العفش بثمن اوضه ب 7500 جنيه

لو نزلت دمياط تقريبا فى منطقه السياله هتجيب جديد وباسعار فى المتناول عندهم بكل الاسعار